- Мухардан ач ычхынмаз.
- Акъыл аздырмаз, билим тоздурмаз.
- Джаш болсун, къыз болсун, акъылы, саны тюз болсун.
- Тилчи бир сагъатха айлыкъ хата этер.
- Джан саулукъ бермей, сан саулукъ бермезсе.
- Къатын къылыкъсыз, эр тынчлыкъсыз.
- Адам боллукъ, атламындан белгили болур.
- Адеб джокъда, намыс джокъ.
- Билими азны – ауузунда кирит.
- Джырына кёре эжиую.
- Къуллукъчума, деб махтанма, къуллукъ – хаух джамчыды!
- Джарлы джети элни сёзюн этер.
- Ойнай-ойнай кёз чыгъар.
- Къарнынг бла ёч алма.
- Акъыллы – эл иеси, тели – эл баласы.
- Джарашыу сюйген – джалынчакъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёпкелегенни ашы татлы болады.
- Аууздан келген, къолдан келсе, ким да патчах болур эди.
- Джюрек кёзден алгъа кёрюр.
- Ойнаб айтсанг да, эслеб айт.
- Ёлген аслан – сау чычхан.
- Джарлы тюеге минсе да, ит къабар.
- Къазанчы аман болса, къазаны къайнамаз.
- Джигер – джаннга къыйынлыкъ.
- Аджашханны ызындагъы кёреди, джангылгъанны джанындагъы биледи.
- Арбаз сайлама да, хоншу сайла.
- Босагъа таш юйге кирмей эди, тыбыр таш эшикге чыкъмай эди.
- Аджаллыгъа окъсуз шкок атылыр.
- Тёгюлген тюгел джыйылмайды.
- Аурууну келиую тынч, кетиую – къыйын.
- Тил – кесген бычакъ, сёз – атылгъан окъ.
- Ариу – кёзге, акъыл – джюрекге.
- Адамны сабийин сюйген джюреги, бычакъча, джитиди.
- Аманнга игилик этсенг, юйюнге сау бармазса.
- Арбаз къынгырды да, ийнек сауалмайма.
- Азыкъ аз болса, эртде орун сал.
- Сормай – алма, чакъырылмай – барма.
- Адеб этмеген, адеб кёрмез.
- Тюзлюк тас болмайды.
- Джерни букъусу кёкге къонмаз.
- Аллахха ийнаннган кишини, Аллах онгдурур ишин.
- Адамны аты башхача, акъылы да башхады.
- Тойгъа алгъа да барма, тойда артха да къалма.
- Уруну арты – къуру.
- Бал – татлы, балдан да бала – татлы.
- Тойгъан джерге джети къайт.
- Мал кёб болса, джууукъ кёб болур.
- Ёнгкюч къууана барыр, джылай келир.
- Къарт бла баш аша, джаш бла аякъ аша.
ШЕЙХ ХАЛИД АР-РОШИД - "ПОСЛАНИЕ К СЛУШАЮЩЕМУ МУЗЫКУ"
Читают тему (гостей: 1)