- Къыз келсе, джумуш эте келеди, къатын келсе, ушакъ эте келеди.
- Ач бёрюге мекям джокъ.
- Кютгени беш эчки, сызгъыргъаны уа, джерни джарады.
- Ат да турмайды бир териде.
- Тёрдеги кюлсе, эшикдеги ышарыр.
- Адамны джюреги нени кёрюрге сюйсе, кёзю да аны кёрюрге ёч болады.
- Ашлыкъны арба юйге келтирир, чана базаргъа элтир.
- Кёб ант этген, кёб ётюрюк айтыр.
- Бети – къучакълар, джюреги – бычакълар.
- Ашхы атаны – джашы ашхы, ашхы ананы – къызы ашхы.
- Къозулугъунда тоймагъан, къойлугъунда тоймаз.
- Къумурсхала джыйылсала, пилни да джыгъадыла.
- Керти сёзге тёре джокъ.
- Ёзденликни джайгъан – джокълукъ.
- Ишни аллы бла къууанма да, арты бла къууан.
- Кёб джат да, бек чаб.
- Накъырда – кертини келечиси.
- Тыш элде солтан болгъандан эсе, кесинги элде олтан болгъан игиди!
- Ёлюк кебинсиз къалмаз.
- Хазыр ашха – терен къашыкъ.
- Джерни букъусу кёкге къонмаз.
- Кюн – узун, ёмюр – къысха.
- Ауурну тюбю бла, дженгилни башы бла джюрюген.
- Чабакъгъа акъыл, табагъа тюшсе келеди.
- Башынга джетмегенни сорма.
- Эл бла кёргенинг эрелей.
- Чабакъ башындан чирийди.
- Адам къыйынлыгъын кёлтюрюр, зауукълугъун кёлтюрмез.
- Ёлмесенг да, къарт дамы болмазса?
- Хар ишни да аллы къыйынды.
- Келинин тута билмеген, къул этер, къызын тута билмеген, тул этер.
- Ата Джуртуму башы болмасам да, босагъасында ташы болайым.
- Байлыкъ келсе, акъыл кетер.
- Ауругъаннга – кийик саулукъ, джетген къызгъа – чилле джаулукъ.
- Алтыда кюлмеген, алтмышда кюлмез.
- Урунуу – насыбны анасы.
- Аман къатын сабий табса, бий болур…
- Ариу сёз аурууунгу алыр.
- Къууут – джелге, берне – бошха.
- Ашаса, ашамаса да, бёрюню ауузу – къан.
- Ауузу бла къуш тута айланады.
- Ата – билек, ана – джюрек!
- Чабакъсыз кёлге къармакъ салгъанлыкъгъа, чабакъ тутмазса.
- Къарнынг бла ёч алма.
- Адам сёзюнден белгили.
- Эл ауузу – элек, анга ийнаннган – халек.
- Ариу джол аджал келтирмез.
- Джылкъыдан – ат чыгъар, тукъумдан – джаш чыгъар.
- Ёгюзню мюйюзлери ауурлукъ этмейдиле.
- Сабийликде юретмесенг, уллу болса – тюзелмез.
ШЕЙХ ХАЛИД АР-РОШИД - "ПОСЛАНИЕ К СЛУШАЮЩЕМУ МУЗЫКУ"
Читают тему (гостей: 1)