- Ачны эсинде – аш.
- Тамырсыз терекге таянма – джыгъылырса.
- Сабийликде юретмесенг, уллу болса – тюзелмез.
- Адебни адебсизден юрен.
- Тилчиден кери бол.
- Ишни аллы бла къууанма да, арты бла къууан.
- Ёзденликни кёбю ётюрюк.
- Джеринден айырылгъан – джети джылар, джуртундан айырылгъан – ёлгюнчю джылар.
- Ашлыкъ – бюртюкден, джюн – тюкден.
- Хоншуну тауугъу къаз кёрюнюр, келини къыз кёрюнюр.
- Арпа, будай – ащды, алтын, кюмюш а – ташды.
- Джолунга кёре – джюрюшюнг, джагъанга кёре – юлюшюнг.
- Хар сёзню орну барды.
- Эркишиге тары кебек танг кёрюнюр.
- Эм уллу байлыкъ – джан саулукъ.
- Болджал ишни бёрю ашар.
- Терслик кетер, тюзлюк джетер.
- Эл ауузу – элия.
- Арбаз къынгырды да, ийнек сауалмайма.
- Чомартха Тейри да борчлуду.
- Эринчекни аурууу – кёб.
- Ашаса, ашамаса да, бёрюню ауузу – къан.
- Урама да – ёледи, сатама да – келеди.
- Ишин билген, аны сыйын чыгъарады.
- Акъыллы эркиши атын махтар, акъылсыз эркиши къатынын махтар.
- Ач, тоймам, дейди, тойгъан, ач болмам, дейди.
- Гугурук къычырмаса да, тангны атары къалмаз.
- Адеб джокъда, намыс джокъ.
- Чакъырылмагъан къонакъ тёрге атламаз.
- Байлыкъ тауусулур, билим тауусулмаз.
- Сабийни джумушха джибер да, ызындан бар.
- Ата – баланы уясы.
- Адам сёзюнден белгили.
- Алтыннга тот къонмаз.
- Тиширыусуз юй – отсуз от джагъа.
- Къатын къылыкъсыз, эр тынчлыкъсыз.
- Къонакъ аз олтурур, кёб сынар.
- Аманны эки битли тону болур, бирин сеннге кийдирир, бирин кеси киер.
- Чакъырылмай келген къонакъ сыйланмай кетер.
- Ашхы болсанг, атынг чыгъар, аман болсанг, джанынг чыгъар.
- Кёлю джокъну – джолу джокъ.
- Окъуу – билимни ачхычы, окъуу – дунияны бачхычы.
- Адамны адамлыгъы къыйынлыкъда айгъакъланады.
- Ауругъаннга – кийик саулукъ, джетген къызгъа – чилле джаулукъ.
- Ашда уялгъан – мухар, ишде уялгъан – хомух.
- Кёбге таш атма.
- Къарнынг бла ёч алма.
- Джырчы джырчыгъа – къарнаш.
- Ачлыкъда тары гырджын халыуадан татлы.
- Кюлме джашха – келир башха.
