- Экиндини кеч къылсанг, чабыб джетер ашхам.
- Ач къарынны, токъ билмез
- Аджаллыгъа окъсуз шкок атылыр.
- Ариу сёзде ауруу джокъ.
- Чомарт бергенин айтмаз.
- Ауузу аманнга «иги», деме.
- Джангыз торгъай джырламаз.
- Ариу – кёзге, акъыл – джюрекге.
- Босагъа таш юйге кирмей эди, тыбыр таш эшикге чыкъмай эди.
- Тамырсыз терекге таянма – джыгъылырса.
- Къая джолда джортма, ачыкъ сёзден къоркъма.
- Окъ къызбайны джокълайды.
- Чомартны къолун джокълукъ байлар.
- Тынгылагъан тынгы бузар.
- Тюз сёз баргъан сууну тыяр.
- Сёз сёзню айтдырыр.
- Ёлген эшек бёрюден къоркъмайды.
- Элиб деген, элге болушур.
- Сибиртки да сыйлы болду, кюрек да кюнлю болду.
- Бет бетге къараса, бет да джерге къарар.
- Ач, тоймам, дейди, тойгъан, ач болмам, дейди.
- Алгъанда – джууукъ, бергенде – джау.
- Джылкъыдан – ат чыгъар, тукъумдан – джаш чыгъар.
- Ким бла джюрюсенг, аны кёзю бла кёрюнюрсе.
- Насыб бютеу халкъны юлюшюдю.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ашхы сёз таш тешер.
- Кёб джашагъан – кёб билир.
- Джаханимни кёрмей, джандетге кёл салмазса.
- Тулпарлыкъ, билекден тюл – джюрекден.
- Юйюнгден чыкъдынг – кюнюнгден чыкъдынг.
- Аманнга алтын чыдамаз.
- Ауругъан – джашаудан умутчу.
- Махтаннган къыз, тойда джукълар.
- Джумушакъ терекни къурт ашар.
- Кёбден умут этиб, аздан къуру къалма.
- Джыланны къуйругъундан басарынг келсе, аны башы болгъанын унутма.
- Джырына кёре эжиую.
- Эр сокъур болсун, къатын тилсиз болсун.
- Биреуге аманлыкъны тилеме да, кесинге ашхылыкъны тиле.
- Тин – байлыгъынг, терен саулугъунг.
- Къолу уллу – асыу, аягъы уллу – джарсыу.
- Бек анасы джыламаз.
- Онгсузну – джакъла, тенгликни – сакъла.
- Мухардан ач ычхынмаз.
- Аманнга да, игиге да оноусуз къатышма.
- Джюз элде джюз ёгюзюм болгъандан эсе, джюз джууугъум болсун.
- Джашынгы кесинг юретмесенг, джашау юретир.
- Къумурсхала джыйылсала, пилни да джыгъадыла.
- Адеб базарда сатылмаз.
