- Къайгъыны сюйген, къайгъы табар.
- Къаллай салам берсенг, аллай джууаб алырса.
- Дженгил джетерикме деб, узун джолну къоюб, къысхасын барма.
- Билмегенинги, билгеннге сор.
- Ач отунчуну ачыуу – бурнунда.
- Илму – джашауну джолу.
- Джерни букъусу кёкге къонмаз.
- Кечеси – аяз, кюню – къыш, джарлы къаргъагъа бир аш тюш!
- Таула не мийик болсала да, аууш табылыр.
- Малны кют, джерни тюрт.
- Къумурсхала джыйылсала, пилни да джыгъадыла.
- Aдам боллукъ, сыфатындан белгили.
- Гырджын – тепсини тамадасы.
- Дуния аламаты сен эсенг да, игиме деб айтма.
- Чомарт къолда мал къалмаз.
- Эркишиге тары кебек танг кёрюнюр.
- Къонагъы джокъну – шоху джокъ.
- Ашарыкъда сайлагъаннга – чий гырджын.
- Къарт бла баш аша, джаш бла аякъ аша.
- Ким бла джюрюсенг, аны кёзю бла кёрюнюрсе.
- Узун джолну барсанг, бюгюн келирсе, къысха джолну барсанг, тамбла келирсе.
- Къулакъдан эсе, кёзге ышан.
- Ата Джуртча джер болмаз, туугъан элча эл болмаз.
- Джиби бир къат джетмей эди да, эки къат тарта эди.
- Кёпюр салгъан кеси ётер, уру къазгъан кеси кетер.
- Джумушакъ сёз къаты таякъны сындырыр.
- Къарнынг тойгъунчу аша да, белинг талгъынчы ишле.
- Кесине оноу эте билмеген, халкъына да эте билмез.
- Мал тутхан – май джалар.
- Тюзлюк тас болмайды.
- Уллу къашыкъ эрин джыртар.
- Ариу сёз – къылычдан джити.
- Байлыкъ тауусулур, билим тауусулмаз.
- Къошда джокъгъа – юлюш джокъ.
- Магъанасыз сёз – тауушсуз сыбызгъы.
- Акъыл къартда, джашда тюйюлдю – башдады.
- Биреуню тёрюнден, кесинги эшик артынг игиди.
- Накъырда – кертини келечиси.
- Бастасын ашагъан, хантусун да ичер.
- Аллахха ийнаннган кишини, Аллах онгдурур ишин.
- Минг тенг да азды, бир джау да кёбдю.
- Къайтырыкъ эшигинги, къаты уруб чыкъма.
- Юйюнгден чыкъдынг – кюнюнгден чыкъдынг.
- Асхат ашлыкъ сата, юйдегиси ачдан къата.
- Бермеген къол, алмайды.
- Телиге акъыл салгъандан эсе, ёлгеннге джан салырса.
- Ашхы сёз таш тешер.
- Эллинг бла джау болсанг да, юйюнг бла джау болма.
- Къызын тута билмеген, тул этер, джашын тута билмеген, къул этер.
- Джаш къарыу бла кючлю, къарт акъыл бла кючлю.