- Кесинге джетмегенни, кёб сёлешме.
- Этек чакъмакълары баш джаргъан, сёлешген сёзлери таш джаргъан.
- Оюмсуз атлагъан, аджалсыз ёлюр.
- Акъыллы эркиши атын махтар, акъылсыз эркиши къатынын махтар.
- Джашны джигитлиги сорулур, къызны джигерлиги сорулур.
- Джюрек кёзден алгъа кёрюр.
- Аш хазыр болса, иш харам болур.
- Тюзлюк шохлукъну бегитир.
- Къарнынг тойгъунчу аша да, белинг талгъынчы ишле.
- Ач, тоймам, дейди, тойгъан, ач болмам, дейди.
- Бир онгсуз адам адет чыгъарды, деб эштирик тюлсе.
- Ач бёрюге мекям джокъ.
- Чакъырылмагъан джерге барма, чакъырылгъан джерден къалма.
- Аджаллыгъа окъсуз шкок атылыр.
- Экиндини кеч къылсанг, чабыб джетер ашхам.
- Къатыны харакетли болса, эри къымсыз болур.
- Къарнынг къанлынга кийирир.
- Иши джокъну, сыйы джокъ.
- Кёб къычыргъандан – къоркъма, тынч олтургъандан – къоркъ.
- Джарашыу сюйген – джалынчакъ.
- Къайгъы тюбю – тенгиз.
- Адамны сабийин сюйген джюреги, бычакъча, джитиди.
- Ойнаб айтсанг да, эслеб айт.
- Эринчекни эр алмаз, эр алса да, кёл салмаз, кёл салса да, кёб бармаз!
- Джогъун бар этген, барын бал этген.
- Ётюрюкню къуйругъу – бир тутум.
- Къарны аманнга къазан такъдырма, къолу аманнга от джакъдырма.
- Агъач халкъгъа алтынды, иссиликге салкъынды.
- Аджал соруб келмез, келсе, къайтыб кетмез.
- Тюзлюк тас болмайды.
- Юйлю уругъа ит чабмаз.
- Ёлюк кебинсиз къалмаз.
- Эркишини аманы тиширыуну джылатыр.
- Джыгъылгъанны сырты джерден тоймаз.
- Къартны сыйын кёрмеген, къартлыгъында сыйлы болмаз.
- Адам къаллай бир ишленмесе, аллай бир кесин уллу кёреди.
- Зар адам ашынгы ашар, кесинги сатар.
- Магъанасыз сёз – тауушсуз сыбызгъы.
- Уллу къашыкъ эрин джыртар.
- Керилген да, ургъан кибикди.
- Гитче джилтин уллу элни джандырыр.
- Ашын ашагъанынгы, башын да сыйла.
- Къонакъ аз олтурур, кёб сынар.
- Орундукъ тюбюнде атылсам да, орта джиликме, де да айлан.
- Тюз сёз баргъан сууну тыяр.
- Тенгинг джокъ эсе – изле, бар эсе – сакъла!
- Эринчекни аурууу – кёб.
- Айранын берсенг, челегин да къызгъанма.
- Тили узунну, намысы – къысха.
- Ат басханны джер билед.
Российское исламское наследие
10.10.2007 19:44:19
Может кто-нибудь посказать координаты для связи с этой организацией? На их официальном сайте
|
|
|
|
03.02.2008 02:57:35
это еще актуально?
|
|
|
|
13.02.2008 00:31:00
|
||||
|
|
|||
Читают тему (гостей: 1)