- Аманнга игилик этсенг, юйюнге сау бармазса.
- Тюкюрюк баш джармаз, налат кёз чыгъармаз!
- Билгенни къолу къарны джандырыр.
- Уллу сёлешме да, уллу къаб.
- Ойнай-ойнай кёз чыгъар.
- Окъуу – билимни ачхычы, окъуу – дунияны бачхычы.
- Гырджын – тепсини тамадасы.
- Джарлы эскисин джамаса, къууаныр.
- Башы ишлегенни, ауузу да ишлер.
- От этилмеген джерден тютюн чыкъмайды.
- Ёлген ийнек сютлю болур.
- Тау башында, тау болмаз, джангыз терек, бау болмаз.
- Ашхылыкъ джерде джатмайды, аманлыкъ суугъа батмайды.
- Аман адам элни бир-бирине джау этер.
- Джарлы тюеге минсе да, ит къабар.
- Ашарыкъда сайлагъаннга – чий гырджын.
- Азыгъы аз, алгъа къабар, аты аман, алгъа чабар.
- Бюгюн дуния кибик, тамбла ахыратды.
- Къарт айтханны этмеген, къартаймаз.
- Ана къолу ачытмаз.
- Акъыл неден да кючлюдю.
- Ётген ёмюр – акъгъан суу.
- Кёкдеги болмаса, джердегин кёрмейди.
- Рысхы – насыбха къор.
- Киштикге къанат битсе, чыпчыкъ къалмаз эди.
- Ёмюрлюк шохлукъну джел элтмез.
- Аз айтсам, кёб ангылагъыз.
- Тойгъа алгъа да барма, тойда артха да къалма.
- Эл тойса, тоймагъан, эл къойса, къоймагъан.
- Билим – акъылны чырагъы.
- Гугурук къычырмаса да, тангны атары къалмаз.
- Чомарт къонакъ юй иесин сыйлар.
- Айран ичген – къутулду, джугъусун джалагъан – тутулду.
- Ач къарным, тынч къулагъым.
- Джюрекге ариу – кёзге да ариу.
- Ким бла джюрюсенг, аны кёзю бла кёрюнюрсе.
- Къарны аманнга къазан такъдырма, къолу аманнга от джакъдырма.
- Босагъагъа джууукъ орун болса, ашыгъыб тёрге озма.
- Сормай – алма, чакъырылмай – барма.
- Душманны тышы – акъ, ичи – къара.
- Кёпюр салгъан кеси ётер, уру къазгъан кеси кетер.
- Тойчу джашха къарама, къойчу джашха къара.
- Берекет берсин деген джерде, берекет болур.
- Шайтан алдады, тюзлюк къаргъады.
- Ариуну – ауруу кёб.
- Ишлерге уял да, ашаргъа табма.
- Къызбайны юйюне дери сюрсенг, батыр болур.
- Акъыллы – эл иеси, тели – эл баласы.
- Ойнай билмеген, уруб къачар.
- Къатыны харакетли болса, эри къымсыз болур.
Благодатный ли огонь?
Читают тему (гостей: 1)