- «Ма», - дегенни билмесенг, «бер», - дегенни билмезсе.
- Ач бёрюге мекям джокъ.
- Ашыкъгъан cуу, тенгизге джетмез.
- Дууулдаса – бал чибин, къонса – къара чибин.
- Джарлы джети элни сёзюн этер.
- Агъач халкъгъа алтынды, иссиликге салкъынды.
- Ашаса, ашамаса да, бёрюню ауузу – къан.
- Айырылмаз джууугъунга, унутмаз сёзню айтма.
- Келлик заман – къартлыкъ келтирир, кетген заман – джашлыкъ ёлтюрюр.
- Айырылгъанланы айю ашар, бёлюннгенлени бёрю ашар.
- Ёгюзню мюйюзюнден тутадыла, адамны сёзюнден тутадыла.
- Билимсиз иш бармаз.
- Тас болгъан бычакъны сабы – алтын.
- Ашлыкъны арба юйге келтирир, чана базаргъа элтир.
- Къар – келтирди, суу – элтди.
- Кёпюр салгъан кеси ётер, уру къазгъан кеси кетер.
- Джырына кёре эжиую.
- Кёб ант этген, кёб ётюрюк айтыр.
- Акъдан къара болмаз.
- Юйюнгден чыкъдынг – кюнюнгден чыкъдынг.
- Аджашханны ызындагъы кёреди, джангылгъанны джанындагъы биледи.
- Ишин билген, аны сыйын чыгъарады.
- Ёнгкюч къууана барыр, джылай келир.
- Иги адам абынса да, джангылмаз.
- Эри аманны, къатыны – аман.
- Тойгъа барсанг, тоюб бар, эски тонунгу къоюб бар.
- Къоркъакъны кёзю экили кёрюр.
- Тил бла келеди джыр да.
- Кеси юйюмде мен да ханма.
- Билген билмегенни юретген адетди.
- Мухар, кеси тойса да, кёзю тоймаз.
- Ариу сёз джыланны орнундан чыгъарыр.
- Акъылсызны джууукъгъа алма, акъыллыны кенгнге салма.
- Кюн – узун, ёмюр – къысха.
- Алгъанда – джууукъ, бергенде – джау.
- Чабакъсыз кёлге къармакъ салгъанлыкъгъа, чабакъ тутмазса.
- Ашхы – джыяр, аман – джояр.
- Уллу сёзде уят джокъ.
- Тойгъанлыкъ къойгъа джарашады.
- Тау башында, тау болмаз, джангыз терек, бау болмаз.
- Садакъачыны джаны – къапчыгъында.
- Адеб джокъда, намыс джокъ.
- Сакъ юйюне сау барыр.
- Арбаз къынгырды да, ийнек сауалмайма.
- Юйлю уругъа ит чабмаз.
- Игилик игилик бла сингдирилиучю затды.
- Кёз – сюйген джерде, къол – ауругъан джерде.
- Тилсиз миллет джокъ болур.
- Ауузу бла къуш тута айланады.
- Уясында не кёрсе, учханында аны этер.
Благодатный ли огонь?
Читают тему (гостей: 1)