- Ач да бол, токъ да бол – намысынга бек бол.
- Иги адамны бир сёзю эки болмаз.
- Кёбню кёрген – кёб билир.
- Ёпкелегенни ашы татлы болады.
- Кесине гебен этелмеген, биреуге черен эте эди.
- Джюрек кёзден алгъа кёрюр.
- Айтханы чапыракъдан ётмеген.
- Джарлы эскисин джамаса, къууаныр.
- Къатын байлыкъны сюер, эр саулукъну сюер.
- Узун джолну барсанг, бюгюн келирсе, къысха джолну барсанг, тамбла келирсе.
- Хар сёзню орну барды.
- Джахил болса анасы, не билликди баласы?
- Джумушакъ сёз къаты таякъны сындырыр.
- Ачыкъ джюрекге джол – ачыкъ.
- Джерни букъусу кёкге къонмаз.
- Мухарны эси – ашарыкъда.
- Байма, деб да, къууанма, джарлыма, деб да, джылама.
- Ашарыкъда сайлагъаннга – чий гырджын.
- Юйюнгден чыкъдынг – кюнюнгден чыкъдынг.
- Шапа кёб болса, аш татымсыз болур.
- Акъыл къартда, джашда тюйюлдю – башдады.
- Кюн – узун, ёмюр – къысха.
- Келинни – келгинчи, бёркню кийгинчи кёр.
- Мал тутхан – май джалар.
- Эки элинги тыйсанг, джети элде махталырса.
- Эри аманны, къатыны – аман.
- Сёз – кюмюш, джыр – алтын.
- Тойгъан антын унутур.
- Экиндини кеч къылсанг, чабыб джетер ашхам.
- Таула не мийик болсала да, аууш табылыр.
- Окъдан джара эртде-кеч болса да бителир, сёз джара, ёмюрге къалыр.
- Акъыл неден да кючлюдю.
- Чакъырылмагъан джерге барма, чакъырылгъан джерден къалма.
- Джигер – джаннга къыйынлыкъ.
- Чомарт джарлы болмаз.
- Ариу сёз – джаннга азыкъ, аман сёз – башха къазыкъ.
- Ашха уста, юйюнде болсун
- Айтхан – тынч, этген – къыйын.
- Миллетни бойну – базыкъ, аны бла кюрешген – джазыкъ.
- Чакъырылмагъан къонакъ къачан кетерин сормаз.
- Ач къарынны, токъ билмез
- Халкъны джырын джырласанг, халкъ санга эжиу этер.
- Джюрекден джюрекге джол барды.
- Окъумагъан сокъурду, сокъур ташха абыныр!
- Чыбыкълыкъда бюгюлмеген, къазыкълыкъда бюгюлмей эди.
- Аджалсыз ёлюм болмаз.
- Башы джабылгъан челекге, кир тюшмез.
- Джаханимни кёрмей, джандетге кёл салмазса.
- Билим къая тешер.
- Джуртун къоругъан озар.
По поводу открываемых топиков на тему Ислам.
16.07.2010 23:41:21
[b:6d1df1e172]Арбакеш[/b:6d1df1e172], пока не за что))
|
||||
|
|
|||
Читают тему (гостей: 1)