- Айран тёгюлсе, джугъусу къалыр.
- Атадан ёксюз – бир ёксюз, анадан ёксюз – эки ёксюз.
- Аллахдан тилесенг, кёб тиле.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къаллай салам берсенг, аллай джууаб алырса.
- Аман адамны тепсинге олтуртсанг, къызынгы тилер.
- Джарлы джети элни сёзюн этер.
- Айтылгъан сёз ызына къайтмаз.
- Ойнаб айтсанг да, эслеб айт.
- Сакъламагъан затынга джолукъсанг, не бек къууанаса, не бек ачыйса.
- Ишленмеген джаш – джюгенсиз ат, ишленмеген къыз – тузсуз хант.
- Хар ишни да аллы къыйынды.
- Билими азны – ауузунда кирит.
- Джангызны оту джарыкъ джанмаз!
- Юре билмеген ит, къонакъ келтирир.
- Аман хансны – урлугъу кёб.
- Аманны къуугъан, аманлыкъ табар.
- Тик ёргени, тик энгишгеси да болады.
- Сёз садакъдан кючлюдю.
- Тил – миллетни джаны.
- Бетинги сатма, малынгы сат.
- Ашыкъгъан cуу, тенгизге джетмез.
- Эллинг бла джау болсанг да, юйюнг бла джау болма.
- Къыйынлы джети элге оноу этер.
- Ауругъаннга – кийик саулукъ, джетген къызгъа – чилле джаулукъ.
- Бал ашаргъа сюе эсенг, чибин ургъаннга тёз.
- Ашхы сёз таш тешер.
- Эркишини аманы тиширыуну джылатыр.
- Игиге айтсанг – билир, аманнга айтсанг – кюлюр.
- Ана къойну – балагъа джандет.
- Ётюрюкчюню шагъаты – къатында.
- Къарт бла баш аша, джаш бла аякъ аша.
- «Ма», - дегенни билмесенг, «бер», - дегенни билмезсе.
- Мал кёб болса, джууукъ кёб болур.
- Джерни букъусу кёкге къонмаз.
- Мал ёлсе, сюек къалыр, адам ёлсе, иши къалыр.
- Джуртун къоругъан озар.
- Бойнуму джети джерден кессенг да, мен ол ишни этеллик тюлме.
- Ёлюр джаннга, ёкюл джокъ.
- Зар адам ашынгы ашар, кесинги сатар.
- Иги адам абынса да, джангылмаз.
- Мадар болса, къадар болур.
- Нарт сёз – тилни бети.
- Орну джокъну – сыйы джокъ.
- Аз айтсам, кёб ангылагъыз.
- Сабийликде юретмесенг, уллу болса – тюзелмез.
- Айтхан – тынч, этген – къыйын.
- Ёзденликни джайгъан – джокълукъ.
- Къызын тута билмеген, тул этер, джашын тута билмеген, къул этер.
- Агъач халкъгъа алтынды, иссиликге салкъынды.