- Бозанг болмагъан джерге, къалагъынгы сукъма.
- Таукел адам тау тешер.
- Тил – миллетни джаны.
- Ёксюзню къалачы уллу кёрюнюр.
- Кёзден кетген, кёлден да кетеди.
- Мухар, кеси тойса да, кёзю тоймаз.
- Киштикге къанат битсе, чыпчыкъ къалмаз эди.
- Иги сеники эсе да, сюйген кесимикин этеме.
- Ишни ахырын ойламай, аллын башлама.
- Къуллукъчума, деб махтанма, къуллукъ – хаух джамчыды!
- Мен да «сен», дейме, сен да «кесим», дейсе.
- Къайтырыкъ эшигинги, къаты уруб чыкъма.
- Бир абыннган – минг сюрюнюр.
- Джыйырма къойну юч джыйырма эбзе кюте эди.
- Джашда акъыл джокъ, къартда къарыу джокъ.
- Акъыллы эркиши атын махтар, акъылсыз эркиши къатынын махтар.
- Айран тёгюлсе, джугъусу къалыр.
- Таукел къуру къалмаз.
- Билген билмегенни юретген адетди.
- Тас болгъан бычакъны сабы – алтын.
- Къонакъ хазыр болгъанлыкъгъа, къонакъбай хазыр тюлдю.
- Джылар джаш, атасыны сакъалы бла ойнар.
- Бал – татлы, балдан да бала – татлы.
- Эски джаугъа ышанма.
- Джарашыу сюйген – джалынчакъ.
- Адам къаллай бир ишленмесе, аллай бир кесин уллу кёреди.
- Сагъышы джокъ – джукъучу, акъылы джокъ – къаугъачы.
- Аш хазыр болса, иш харам болур.
- Къазанда болса, чолпугъа чыгъар.
- Рысхы – сют юсюнде кёмюк кибикди.
- Ата – баланы уясы.
- Ашаса, ашамаса да, бёрюню ауузу – къан.
- Джетген къыз джерли эшекни танымаз.
- Ётюрюкню къуйругъу – бир тутум.
- Окъуу – билимни ачхычы, окъуу – дунияны бачхычы.
- Къызын тута билмеген, тул этер, джашын тута билмеген, къул этер.
- Кесине оноу эте билмеген, халкъына да эте билмез.
- Кечеси – аяз, кюню – къыш, джарлы къаргъагъа бир аш тюш!
- Ана кёлю – балада, бала кёлю – талада.
- Танг атмайма десе да, кюн къоярыкъ тюйюлдю.
- Юреннген ауруу къалмаз.
- Агъач – джерни чырайы, кийим – эрни чырайы.
- Джангызны оту джарыкъ джанмаз!
- Сёз сёзню айтдырыр.
- Къонагъынгы артмагъын алма да, алгъышын ал.
- Чомарт къолда мал къалмаз.
- Эл бла кёргенинг эрелей.
- Бичгенде ашыкъма, тикгенде ашыкъ.
- Тешигини къатында, чычхан да батыр болур.
- Кесине гебен этелмеген, биреуге черен эте эди.
