- Шапа кёб болса, аш татымсыз болур.
- Чарсда алчыны эл кёреди.
- Ашына кёре табагъы, балына кёре къалагъы.
- Билим насыб берир, билим джолну керир.
- Джаным-тиним – окъуу, билим.
- Игилик игилик бла сингдирилиучю затды.
- Къонагъы джокъну – шоху джокъ.
- Къартха ушагъан джаш – акъыллы, джашха ушагъан къарт – тели.
- Аманнга да, игиге да оноусуз къатышма.
- Гугурук къычырмаса да, тангны атары къалмаз.
- Ёксюзню къалачы уллу кёрюнюр.
- Элге къуллукъ этмеген, элге ие болмаз.
- Тенгни тенглиги джашай барсанг билинир.
- Берекет берсин деген джерде, берекет болур.
- Сёз – кюмюш, джыр – алтын.
- Къарт болгъан джерде, берекет болур, сабий болгъан джерде, оюн болур.
- Эркишиге тары кебек танг кёрюнюр.
- Мал ёлсе, сюек къалыр, адам ёлсе, иши къалыр.
- Билеги кючлю, бирни джыгъар, билими кючлю, мингни джыгъар.
- Аууздан келген, къолдан келсе, ким да патчах болур эди.
- Джангызны оту джарыкъ джанмаз!
- Къонакъ аман болса, къонакъбай джунчур
- Ётюрюк хапар аякъ тюбю бла джюрюйдю.
- Къарнынг бла ёч алма.
- Айырылмаз джууугъунга, унутмаз сёзню айтма.
- Къызны минг тилер, бир алыр.
- Ашыкъгъан cуу, тенгизге джетмез.
- Игиге айтсанг – билир, аманнга айтсанг – кюлюр.
- Аман хансны – урлугъу кёб.
- Иги болса, тамадама – махтау, аман болса, меннге – айыб.
- Тёрдеги кюлсе, эшикдеги ышарыр.
- Бойнуму джети джерден кессенг да, мен ол ишни этеллик тюлме.
- Кёб ант этген, кёб ётюрюк айтыр.
- Эл элде бирер малынг болгъандан эсе, бирер тенгинг болсун.
- Окъугъанны бети джарыкъ.
- Накъырда – кертини келечиси.
- Татлы тилде – сёз ариу, чемер къолда – иш ариу.
- Окъуусуз билим – джокъ, билимсиз кюнюнг – джокъ.
- Чакъырылмай келген къонакъ сыйланмай кетер.
- Мухардан ач ычхынмаз.
- Ашха уста, юйюнде болсун
- Джуртун къоругъан озар.
- Акъыллы эркиши атын махтар, акъылсыз эркиши къатынын махтар.
- Тойну къарнашы – харс, джырны къарнашы – эжиу.
- Сютден ауузу кюйген, суугъа юфгюре эди.
- Акъыллы башны – тили къысха.
- Бетинги сатма, малынгы сат.
- Юй ишлеген балта эшикде къалыр.
- Чоюнну башы ачыкъ болса, итге уят керекди.
- Айранын берсенг, челегин да къызгъанма.
