- «Ма», - дегенни билмесенг, «бер», - дегенни билмезсе.
- Байлыкъдан саулукъ ашхыды.
- Ариуну – ауруу кёб.
- Тулпарлыкъ, билекден тюл – джюрекден.
- Сёлеш деб шай берген, тохта деб, сом берген.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аманны тукъумуна къарама, игини тукъумун сорма.
- Тай асырагъан, атха минер.
- Тойгъанлыкъ къойгъа джарашады.
- Джюрекден джюрекге джол барды.
- Аш кетер да бет къалыр.
- Эшекге миннген – биринчи айыб, андан джыгъылгъан – экинчи айыб.
- Нарт сёз къарт болмаз.
- Болджал ишни бёрю ашар.
- Къарт болгъан джерде, берекет болур, сабий болгъан джерде, оюн болур.
- Кюл тюбюндеги от кёрюнмейди.
- Кирсизни – саны таза, халалны – къаны таза.
- Сормай – алма, чакъырылмай – барма.
- Рысхы – сют юсюнде кёмюк кибикди.
- Алгъанда – джууукъ, бергенде – джау.
- Олтуруб кёрюнмей эди да, ёрге туруб кёрюне эди.
- Къралынгы – душмандан, башынгы от бла суудан сакъла.
- Эл элде бирер малынг болгъандан эсе, бирер тенгинг болсун.
- Къазанны башы ачыкъ болса, итге уят керекди.
- Аман къатын алгъан, арыр, иги къатын алгъан джарыр.
- Мал тутхан – май джалар.
- Адамны аманы адамны бети бла ойнар.
- Гугурук къычырмаса да, тангны атары къалмаз.
- Кёб ант этген, кёб ётюрюк айтыр.
- Къайтырыкъ эшигинги, къаты уруб чыкъма.
- Аякъларынгы джууургъанынга кёре узат.
- Ашда уялгъан – мухар, ишде уялгъан – хомух.
- Тёгюлген тюгел джыйылмайды.
- Ата Джуртун танымагъан, атасын да танымаз.
- Къая джолда джортма, ачыкъ сёзден къоркъма.
- Керти сёзге тёре джокъ.
- Ётюрюкню къуйругъу – бир тутум.
- Тёрени джагъы джокъ.
- Гитче джилтин уллу элни джандырыр.
- Аманнга да, игиге да оноусуз къатышма.
- Къонагъынгы артмагъын алма да, алгъышын ал.
- Уллу къазанда бишген эт, чий къалмаз.
- Адебни адебсизден юрен.
- Чёбню кёлтюрсенг, тюбюнден сёз чыгъар.
- Зарда марда джокъ.
- Кёбню кёрген – кёб билир.
- Чабакъгъа акъыл, табагъа тюшсе келеди.
- Хансыз джомакъ болмаз.
- Сабыр джетер муратха, сабырсыз къалыр уятха.
- Ёлюк кебинсиз къалмаз.
