- Тау башында, тау болмаз, джангыз терек, бау болмаз.
- Окъугъан озар, окъумагъан тозар.
- Бозанг болмагъан джерге, къалагъынгы сукъма.
- Биреуге кёлтюрген таягъынг, кесинги башынга урур.
- Тин – байлыгъынг, терен саулугъунг.
- Ана кёлю – балада, бала кёлю – талада.
- Бети бедерден, намыс сакълама.
- Джукъу тёшек сайламайды.
- Эки къатын алгъан – эки ташны ортасына башын салгъан.
- Къыз тиширыу кеси юйюнде да къонакъды.
- Къызын тута билмеген, тул этер, джашын тута билмеген, къул этер.
- Сакъ юйюне сау барыр.
- Аман къатын алгъан, арыр, иги къатын алгъан джарыр.
- Ётген ёмюр – акъгъан суу.
- Ёлген ийнек сютлю болур.
- Ач къалгъандан, кеч къалгъан къолай.
- Асхат ашлыкъ сата, юйдегиси ачдан къата.
- Джеринден айырылгъан – джети джылар, джуртундан айырылгъан – ёлгюнчю джылар.
- Суугъа – чабакъ, къаягъа – ыргъакъ.
- Къарнынг бла ёч алма.
- Тил джюрекге джол ишлейди.
- Джылыгъа джылан илешир.
- Джиби бир къат джетмей эди да, эки къат тарта эди.
- Къартны бурнун сюрт да, оноугъа тут.
- Кеси юйюмде мен да ханма.
- Къулакъдан эсе, кёзге ышан.
- Бек анасы джыламаз.
- Ауузу аманнга «иги», деме.
- Ач бёрюге мекям джокъ.
- Башы джабылгъан челекге, кир тюшмез.
- Байлыкъ тауусулур, билим тауусулмаз.
- Бёрю да ач къалмасын, эчки да ашалмасын.
- Элни кючю – эмеген.
- Нарт сёз къарт болмаз.
- Татлы сёз – балдан татлы.
- Кёб ант этген, кёб ётюрюк айтыр.
- Чомартха хар кюн да байрамды.
- Акъыллы башны – тили къысха.
- Айранны сюйген, ийнек тутар.
- Экеу тутушса, биреу джыгъылыр.
- Къошда джокъгъа – юлюш джокъ.
- Билим насыб берир, билим джолну керир.
- Тай асырагъан, атха минер.
- Берекет берсин деген джерде, берекет болур.
- Айтхан сёзюне табылгъан.
- Ана къолу ачытмаз.
- Кесинге джетмегенни, кёб сёлешме.
- Тамчы таш тешер.
- Джаз бир кюнню джатсанг, къыш талай кюнню абынырса.
- Ашын ашагъанынгы, башын да сыйла.
Блиц! 1
  |
||||
|
|
|
|||
Читают тему (гостей: 1)