- Ашха уста, юйюнде болсун
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Айтхан сёзюне табылгъан.
- Къан бла кирген, джан бла чыгъар.
- Тёгюлген тюгел джыйылмайды.
- Ариу сёзде ауруу джокъ.
- Зар адамны насыбы болмаз.
- Башсыз урчукъ тюзюне айланмаз.
- Сангырау къулакъ эл бузар.
- Тынгылагъан тынгы бузар.
- Танг атмайма десе да, кюн къоярыкъ тюйюлдю.
- Накъырданы арты керти болур.
- Киштикге къанат битсе, чыпчыкъ къалмаз эди.
- Къар – келтирди, суу – элтди.
- Юйюнг бла джау болгъандан эсе, элинг бла джау бол.
- Джаш болсун, къыз болсун, акъылы, саны тюз болсун.
- Джарашыу сюйген – джалынчакъ.
- Намысы джокъну – дуниясы джокъ.
- Этни да ашады, бетни да ашады.
- Мени джылытмагъан кюн, меннге тиймесин!
- Ишлемеген – тишлемез.
- Билим насыб берир, билим джолну керир.
- Аллахдан тилесенг, кёб тиле.
- Къоркъакъны кёзю экили кёрюр.
- Джыйырма къойну юч джыйырма эбзе кюте эди.
- Борчунг бар эсе, хурджунунга ойлаб узал.
- Къыйынлы джети элни къайгъысын этер.
- Бет бетге къараса, бет да джерге къарар.
- Аджаллыгъа окъсуз шкок атылыр.
- Тенги кёбню джау алмаз, акъылы кёбню дау алмаз.
- Кирсизни – саны таза, халалны – къаны таза.
- Намысы болмагъанны, сыйы болмаз.
- Ана къойну – балагъа джандет.
- Ётюрюкню къуйругъу – бир тутум.
- Ашда – бёрю, ишде – ёлю.
- Джуртун къоругъан озар.
- Кёзюнде тереги болгъан, чёбю болгъаннга кюле эди.
- Тойгъандан сора, ашны сёкме.
- Таукел къуру къалмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тойгъанлыкъ къойгъа джарашады.
- Тюзлюк тас болмайды.
- Халкъны джырын джырласанг, халкъ санга эжиу этер.
- Акъыл къартда, джашда тюйюлдю – башдады.
- Кёлсюзден сёзсюз тууар.
- Къыз келсе, джумуш эте келеди, къатын келсе, ушакъ эте келеди.
- Рысхысына кёре, джаш ёсер, къышлыгъына кёре, мал ёсер.
- Къарын къуру болса, джюрек уру болур.
- Башы ишлегенни, ауузу да ишлер.
- Тойгъан джерден туугъан джер игиди.
Помним
Читают тему (гостей: 1)