- Уллу айтханны этмеген – уллаймаз.
- Кирсизни – саны таза, халалны – къаны таза.
- Ишни ахырын ойламай, аллын башлама.
- Къарны аманнга къазан такъдырма, къолу аманнга от джакъдырма.
- Ёлген эшек бёрюден къоркъмайды.
- Тёзген – тёш ашар!
- Хатерли къул болур.
- Алтыннга тот къонмаз.
- Босагъа таш юйге кирмей эди, тыбыр таш эшикге чыкъмай эди.
- Джети тилни билген джети кишиди.
- Адеб базарда сатылмаз.
- Ишленмеген джаш – джюгенсиз ат, ишленмеген къыз – тузсуз хант.
- Дуния мал дунияда къалады.
- Нарт сёз – тилни бети.
- Тёрени джагъы джокъ.
- Билим ат болуб да чабар, къуш болуб да учар.
- Суу ичген шауданынга тюкюрме.
- Иги сеники эсе да, сюйген кесимикин этеме.
- Чомарт джарлы болмаз.
- Къар – келтирди, суу – элтди.
- Сабийликде юретмесенг, уллу болса – тюзелмез.
- Суугъа – чабакъ, къаягъа – ыргъакъ.
- Джарлы джети элни сёзюн этер.
- Аджаллыгъа окъсуз шкок атылыр.
- Кийимни бир кюнню аясанг, минг кюннге джарар.
- Сагъышы джокъ – джукъучу, акъылы джокъ – къаугъачы.
- Кёб джат да, бек чаб.
- Чомартны къолу берекет.
- Этни да ашады, бетни да ашады.
- Адамны адамлыгъы къыйынлыкъда айгъакъланады.
- Ханы къызы буюгъа-буюгъа киштик болду.
- Джашда акъыл джокъ, къартда къарыу джокъ.
- Айранны сюйген, ийнек тутар.
- Къанны къан бла джуума, аманны аман бла къуума.
- Бек ашыкъгъан меннге джетсин, дегенди аракъы.
- Эл элде бирер малынг болгъандан эсе, бирер тенгинг болсун.
- Бюгюн дуния кибик, тамбла ахыратды.
- Байдан умут эте, джарлыдан ёгюз багъасы къорады.
- Чакъырылмай келген къонакъ сыйланмай кетер.
- Чакъырылгъанны аты, чакъырылмагъанны багъасы болур.
- Онгсузну – джакъла, тенгликни – сакъла.
- Къолунгдан къуймакъ ашатсанг да, атаны борчундан къутулмазса.
- Къоркъакъны кёзю экили кёрюр.
- Эрине къаргъыш этген къатын, эрнин къабар.
- Баш болса, бёрк табылыр.
- Зар адамны насыбы болмаз.
- Билген билмегенни юретген адетди.
- Къонакъны къачан кетерин сорма, къачан келлигин сор.
- Тюзлюк шохлукъну бегитир.
- Ёпкелегенни ашы татлы болады.
Помним
Читают тему (гостей: 1)