- Кесинге джетмегенни, кёб сёлешме.
- Сабийликде юретмесенг, уллу болса – тюзелмез.
- Ач бёрюге мекям джокъ.
- Юй ишлеген балта эшикде къалыр.
- Къарнынг къанлынга кийирир.
- Аманны къуугъан, аманлыкъ табар.
- Нарт сёз къарт болмаз.
- Къарт болгъан джерде, берекет болур, сабий болгъан джерде, оюн болур.
- Ашыкъгъанны этеги бутуна чырмалыр.
- Мен да «сен», дейме, сен да «кесим», дейсе.
- Чомарт къолда мал къалмаз.
- Джарашыу сюйген – джалынчакъ.
- Кёкдеги болмаса, джердегин кёрмейди.
- Бёрю да ач къалмасын, эчки да ашалмасын.
- Тёрени джагъы джокъ.
- Къазанда болса, чолпугъа чыгъар.
- Дууулдаса – бал чибин, къонса – къара чибин.
- Ёксюзню къалачы уллу кёрюнюр.
- Ариу сёз джыланны орнундан чыгъарыр.
- Татлы сёз – балдан татлы.
- Намыс сатылыб алынмайды.
- Биреуге кёлтюрген таягъынг, кесинги башынга урур.
- Джаным-тиним – окъуу, билим.
- Эшекге миннген – биринчи айыб, андан джыгъылгъан – экинчи айыб.
- Айраннга суу къош, телиге джол бош.
- Билимсиз иш бармаз.
- Джаз бир кюнню джатсанг, къыш талай кюнню абынырса.
- Душманны тышы – акъ, ичи – къара.
- Къыз тиширыу кеси юйюнде да къонакъды.
- Аякъларынгы джууургъанынга кёре узат.
- Айныгъанлы алты кюн, тогъайгъанлы тогъуз кюн.
- Джырчы джырчыгъа – къарнаш.
- Ауузу аманнга «иги», деме.
- Тамбла алтындан бюгюн багъыр ашхы.
- Къарнынг тойгъунчу аша да, белинг талгъынчы ишле.
- Ачлыкъ отха секиртир.
- Келлик заман – къартлыкъ келтирир, кетген заман – джашлыкъ ёлтюрюр.
- Ашаса, ашамаса да, бёрюню ауузу – къан.
- Азыкъ аз болса, эртде орун сал.
- Чомартха хар кюн да байрамды.
- Джарлы тюеге минсе да, ит къабар.
- Урама да – ёледи, сатама да – келеди.
- Ким бла джюрюсенг, аны кёзю бла кёрюнюрсе.
- Сабий болмагъан джерде, мёлек болмаз.
- Чомартны къолун джокълукъ байлар.
- Хата – гитчеден.
- Окъуу – билимни ачхычы, окъуу – дунияны бачхычы.
- Бети къызарыучу адамны, джюреги харам болмаз.
- Арбаз сайлама да, хоншу сайла.
- Джаханимни кёрмей, джандетге кёл салмазса.
Помним
Читают тему (гостей: 1)