- Аз айтсам, кёб ангылагъыз.
- Къарнынг ауруса, ауузунгу тый
- Байны оноуу, джарлыгъа джарамаз.
- Джахил болса анасы, не билликди баласы?
- Ётюрюкню башын керти кесер.
- Сормай – алма, чакъырылмай – барма.
- Акъыллы – эл иеси, тели – эл баласы.
- Мухарны эси – ашарыкъда.
- Тилде сюек болмаса да, сюек сындырыр.
- Тели турса – той бузар.
- Башынга джетмегенни сорма.
- Кёлсюзден сёзсюз тууар.
- Аз сёлеш, кёб ишле.
- Тилчи тилден къаныкъмаз.
- Киштикге къанат битсе, чыпчыкъ къалмаз эди.
- Билмейме деген – бир сёз
- Ана кёлю – балада, бала кёлю – талада.
- Эркишини аманы тиширыуну джылатыр.
- Айырылгъанланы айю ашар, бёлюннгенлени бёрю ашар.
- Тойгъан антын унутур.
- Кёб джашагъан – кёб билир.
- Иги джашны ышаны – аз сёлешиб, кёб тынгылар.
- Насыб бютеу халкъны юлюшюдю.
- Билим ат болуб да чабар, къуш болуб да учар.
- Дууулдаса – бал чибин, къонса – къара чибин.
- Ёлген аслан – сау чычхан.
- Ышармагъан – кюлмез, кюлмеген – къууанчны билмез.
- Хоншуну тауугъу къаз кёрюнюр, келини къыз кёрюнюр.
- Гугук кесини атын айтыб къычыргъанча, мен, мен деб нек тураса?
- Ана – юйню кюн джарыгъы.
- Ичимден чыкъды хата, къайры барайым сата?
- Къазанны башы ачыкъ болса, итге уят керекди.
- Ашха уста, юйюнде болсун
- Арпа, будай – ащды, алтын, кюмюш а – ташды.
- Къонакъ аман болса, къонакъбай джунчур
- Тёзгеннге, джабылгъан эшик ачылыр.
- Ашлыкъны арба юйге келтирир, чана базаргъа элтир.
- Ач келгенни – тойдур, кеч келгенни – къондур.
- Ёгюзню мюйюзюнден тутадыла, адамны сёзюнден тутадыла.
- Ёлген ийнек сютлю болур.
- Айтылгъан буйрукъ, сёгюлмез
- Эртде тургъан бла эртде юйленнген сокъуранмаз.
- Таякъ этден ётер, тил сюекден ётер.
- Туз, гырджын аша, тюзлюк бла джаша.
- Ханы къызы буюгъа-буюгъа киштик болду.
- Айтхан сёзюне табылгъан.
- Аз сёлешген, къайгъысыз турур.
- Зар адам ашынгы ашар, кесинги сатар.
- Ашхы – джыяр, аман – джояр.
- Магъанасыз сёз – тауушсуз сыбызгъы.
Мы в прошлом
|
О чем еще в этой рубрике мы могли бы еще рассказать?
|
|
|
|
|
|
ГЕНЕАЛОГИЯ СЕВЕРНОГО КАВКАЗА
Спецвыпуск: Материалов Первого Республиканского конкурса молодых исследователей ?Моя родословная? |
||||
|
|
|
|||
Читают тему (гостей: 1)