- Эшекни не къадар тюйсенг да, ат болмаз.
- Эринчекге кюн узун.
- Акъыллы эркиши атын махтар, акъылсыз эркиши къатынын махтар.
- Джарлыны тону джаз битер.
- Къошда джокъгъа – юлюш джокъ.
- Харам къарнашдан, халал тенг ашхы.
- Акъыл сабырлыкъ берир.
- Ана кёлю – балада, бала кёлю – талада.
- Сагъыш – къартлыкъгъа сюйюмчю.
- Нарт сёз – тилни бети.
- Суугъа – чабакъ, къаягъа – ыргъакъ.
- Ашыкъгъанны этеги бутуна чырмалыр.
- Бети къызарыучу адамны, джюреги харам болмаз.
- Ашхы адам – халкъ байлыгъы, ашхы джер – джашау байлыгъы.
- Акъыл неден да кючлюдю.
- Ач уят къоймаз.
- Аман адамны тепсинге олтуртсанг, къызынгы тилер.
- Ариу сёз – къылычдан джити.
- Тойгъа алгъа да барма, тойда артха да къалма.
- Адебни адебсизден юрен.
- Эки итни арасына сюек атма, эки адамны арасында сёз чыгъарма.
- Къайгъыны сюйген, къайгъы табар.
- Экиндини кеч къылсанг, чабыб джетер ашхам.
- Эрни эр этерик да, къара джер этерик да, тиширыуду.
- Урунуу – насыбны анасы.
- Ишни аллы бла къууанма да, арты бла къууан.
- Миллетни бойну – базыкъ, аны бла кюрешген – джазыкъ.
- Уллу айтханны этмеген – уллаймаз.
- Элге къуллукъ этмеген, элге ие болмаз.
- Тешик этген тынчды, аны джамагъан къыйынды.
- Байлыкъдан саулукъ ашхыды.
- Тил – миллетни джаны.
- Ёлген ийнек сютлю болур.
- Чабакъсыз кёлге къармакъ салгъанлыкъгъа, чабакъ тутмазса.
- Джыгъылгъанны сырты джерден тоймаз.
- Байны оноуу, джарлыгъа джарамаз.
- Ашына кёре табагъы, балына кёре къалагъы.
- Джангызны оту джарыкъ джанмаз!
- Къонагъы джокъну – шоху джокъ.
- Ариу – кёзге, акъыл – джюрекге.
- Чомартха хар кюн да байрамды.
- Иги адам абынса да, джангылмаз.
- Тынгылагъан тынгы бузар.
- Экеу тутушса, биреу джыгъылыр.
- Ёпкелегенни ашы татлы болады.
- Адамны сабийин сюйген джюреги, бычакъча, джитиди.
- Хазыр ашха – терен къашыкъ.
- Аш берме да, къаш бер.
- Тау башында, тау болмаз, джангыз терек, бау болмаз.
- Сабий кёргенин унутмаз.
Мы в прошлом
20.03.2011 20:10:08
О чем еще в этой рубрике мы могли бы еще рассказать?
|
|
|
|
23.10.2011 17:06:20
ГЕНЕАЛОГИЯ СЕВЕРНОГО КАВКАЗА
Спецвыпуск: Материалов Первого Республиканского конкурса молодых исследователей ?Моя родословная? |
||||
|
|
|||
Читают тему (гостей: 1)