- Ата Джуртун танымагъан, атасын да танымаз.
- Башы ишлегенни, ауузу да ишлер.
- Орундукъ тюбюнде атылсам да, орта джиликме, де да айлан.
- Дууулдаса – бал чибин, къонса – къара чибин.
- Ушамагъан – джукъмаз.
- Къатын байлыкъны сюер, эр саулукъну сюер.
- Джарлы джети элни сёзюн этер.
- Бир абыннган – минг сюрюнюр.
- Ёлген аслан – сау чычхан.
- Башынга джетмегенни сорма.
- Аман адам этегингден тутса, кес да къач.
- Кийиминг бла танылма, адамлыкъ бла таныл.
- Тилде сюек болмаса да, сюек сындырыр.
- Айтхан сёзюне табылгъан.
- Тил – миллетни джаны.
- Ашына кёре табагъы, балына кёре къалагъы.
- Чомартны къолу берекет.
- Акъыллы эркиши атын махтар, акъылсыз эркиши къатынын махтар.
- Эллинг бла джау болсанг да, юйюнг бла джау болма.
- Джюрекге ариу – кёзге да ариу.
- Адам къаллай бир ишленмесе, аллай бир кесин уллу кёреди.
- Ичимден чыкъды хата, къайры барайым сата?
- Адамгъа аман кюн соруб келмейди.
- Аурууну келиую тынч, кетиую – къыйын.
- Татлы сёз – балдан татлы.
- Ашхы атаны – джашы ашхы, ашхы ананы – къызы ашхы.
- Ата – билек, ана – джюрек!
- Окъумагъан сокъурду, сокъур ташха абыныр!
- Адебсиз адам – джюгенсиз ат.
- Мураты болгъанны джюрек тебюую башхады.
- Адамны сыфатына къарама, сёзюне къара.
- Бек анасы джыламаз.
- Кютгени беш эчки, сызгъыргъаны уа, джерни джарады.
- Ач – эснер, ат – кишнер.
- Джаханимни кёрмей, джандетге кёл салмазса.
- Окъугъан – асыу, окъумагъан – джарсыу.
- Урама да – ёледи, сатама да – келеди.
- Джангызны оту джарыкъ джанмаз!
- Бал чибинни ургъаны – ачы, балы – татлы.
- Юйлю уругъа ит чабмаз.
- Аджаллыгъа окъсуз шкок атылыр.
- Окъуусуз билим – джокъ, билимсиз кюнюнг – джокъ.
- Юй кюйдю да, кюйюз чыкъды, ортасындан тюйюш чыкъды.
- Къобан да къуру да къобханлай турмайды, адам да къуру да патчахлай турмайды.
- Сютню башын джалагъан къутулур, тюбюн ичген тутулур.
- Ким бла джюрюсенг, аны кёзю бла кёрюнюрсе.
- Эшекге миннген – биринчи айыб, андан джыгъылгъан – экинчи айыб.
- Ишлегенден, къарагъан уста.
- Адеби болмагъан къыз – тузсуз хант.
- Эл бла кёргенинг эрелей.