Эльбрусоид :: Форум :: МИНГИ ТАУЛУЛА / Mingi Taulula

Къонакъ кёб келюучю юйню, къазаны отдан тюшмез.
Аш иеси бла татлыды.
Тойгъан джерге джети къайт.
Биреуге кёлтюрген таягъынг, кесинги башынга урур.
Адамны сыфатына къарама, сёзюне къара.
Уллу айтханны этмеген – уллаймаз.
Тура эдим джата, къайдан чыкъды хата?
Ёзденликни джайгъан – джокълукъ.
Къонакъ болсанг, ийнакъ бол.
Айтылгъан буйрукъ, сёгюлмез
Тилсиз миллет джокъ болур.
Ач уят къоймаз.
Аз айтсам, кёб ангылагъыз.
Иги адам абынса да, джангылмаз.
Адам бла мюлк юлешмеген эсенг, ол адамны билиб бошагъанма, деб кесинги алдама.
Билим къая тешер.
Джырына кёре эжиую.
Ашына кёре табагъы, балына кёре къалагъы.
Уясында не кёрсе, учханында аны этер.
Шапа кёб болса, аш татымсыз болур.
Кёб къычыргъандан – къоркъма, тынч олтургъандан – къоркъ.
Джумушакъ сёз къаты таякъны сындырыр.
Джеринден айырылгъан – джети джылар, джуртундан айырылгъан – ёлгюнчю джылар.
Сёлеш деб шай берген, тохта деб, сом берген.
Айран тёгюлсе, джугъусу къалыр.
Окъдан джара эртде-кеч болса да бителир, сёз джара, ёмюрге къалыр.
Кесинге джетмегенни, кёб сёлешме.
Окъумагъан сокъурду, сокъур ташха абыныр!
Айтханы чапыракъдан ётмеген.
Экеу тутушса, биреу джыгъылыр.
Тенгинг джокъ эсе – изле, бар эсе – сакъла!
Суугъа – чабакъ, къаягъа – ыргъакъ.
Экиндини кеч къылсанг, чабыб джетер ашхам.
Кёзюнде тереги болгъан, чёбю болгъаннга кюле эди.
Аманны тукъумуна къарама, игини тукъумун сорма.
Хаухну атма, ёнгкючню сатма.
Байлыкъдан саулукъ ашхыды.
Бир абыннган – минг сюрюнюр.
Ётюрюкню къуйругъу – бир тутум.
Джылкъыдан – ат чыгъар, тукъумдан – джаш чыгъар.
Эки ойлашыб, бир сёлешген.
Дуния малгъа сатылма, кесингден телиге къатылма.
Элге къуллукъ этмеген, элге ие болмаз.
Таугъа чыгъаллыкъ эсенг, тюзде къалма.
Керти сёзге тёре джокъ.
Чалманны аллы къалай башланса, арты да алай барады.
Атадан ёксюз – бир ёксюз, анадан ёксюз – эки ёксюз.
Джарлы тюеге минсе да, ит къабар.
Гугук кесини атын айтыб къычыргъанча, мен, мен деб нек тураса?
Сангырау къулакъ эл бузар.

RSS

МИНГИ ТАУЛУЛА / Mingi Taulula

Sabr

Гость

Джаратама0

13.09.2010 18:05:01

МИНГИ ТАУЛУЛА

1. Таумырзаланы Бахау, 1937, Хасания;
2. Къулийланы Юсюп, 1953, Яникой;
3. Рахайланы Мурадин, 1965, Бызынгы;
4. Шабатукъланы Сахадин, 1961, Хасания;
5. Мисирланы Хаджи-Мурат, 1951, Огъары Малкъар;
6. Мисирланы Хусей, 1955, Огъары Малкъар;
7. Киштикланы Мухадин, 1960, Хасания;
8. Джанкишиланы Билял, 1953, Хабаз:
9. Улбашланы Юсюп, 1951, Тырныаууз;
10. Уянланы Евгений, 1952, Хасания;
11. Къумукъланы Азрет, 1953, Тырныаууз;
12. Мамайланы Хасан, 1971, Хасания.

Sabr

Гость

Джаратама0

13.09.2010 18:09:46

АЧЛЫКЪ ТУТХАНЛАГЪА

Хайт дейик, жашла, турмайыкъ артха,
Аталадан къалгъан тёлю эсек!
Аллах билсин, жашарбызмы къартлыкъгъа,
Адамча ёлейик, ёллюк эсек!

Сиз халкъсыз бюгюн, миллетни бети,
Жаным къурман сизнича жашлагъа!
Аллах сизни бизге байракъ этди,
Насыпды ол ? бюгюлмей жашагъан!

Хайт дейик, жашла, турмайыкъ артха!
Бойсунмайыкъ биз зулмугъа-зорлукъгъа.

Абдуллах БЕГИЙ УЛУ

Sabr

Гость

Джаратама0

13.09.2010 18:13:32

ТЁЛЮБЮЗГЕ

Бий, ёзден, шо къул да ?
Сый-намыс излегенде,
Сен апон сеждесин къылма
Халкъынгы эзгенлеге.

Патчахла сёзю ? жалгъанды,
Аз да алма эсинге.
Аллахха табын жалан да ?
Жанынгы иесине!

Бетинги сакъла! Къурал да,
Азатлыкъ жолунгу тап.
Тур! Аякъ тюп болуп къалма,
Тюнгюлюп, арып, тохтап.

Хар таулу кеси бир тауду,
Халкъ а ? Къаф тауу ? Кавказ!
Азатлыкъ деген ? жашауду,
Къарачай, Малкъар да сауду,
Бир болсакъ,

сатлыкъ да, жау да
"Теплейим"!- деп къаныкъмаз.

"Жерибиз такъырды, тарды",-
Дейбиз хаман да, алай ?
Кавказны жаны Малкъарды,
Жюреги уа ? Къарачай!

Биз ? Минги таулубуз ? байбыз,
Жокъ, керек да табылыр.
Ёзденлик бла уа къалайбыз?-
Ол а ? бюгюн танылыр.

Танылыр къоркъакъ, азкёл да,
Жут, сатхыч да бет ташлар:
Къайсына барсанг да:"Кел,"- деп,
Сылтаула къурай башлар.

Дауурбас бла уятмазса,-
Ау басханды къулагъын,
Ирият бла уялтмазса,-
Жау басханды болгъанын.

Бар да кёр : рахатды, хошду,
Кечеси -кюню да ? шош.
Жер да, жыр да, журт да бошду,
Азатлыкъ да, халкъ да ? бош.

От тюшсе да, жер тепсе да ?
Андан хайыр болур аз:
Халкъ терин, къанын тёксе да,-
Ол къыйналмаз, къайгъырмаз!..

Танылыр керек кюн эр да:
Хар анты болгъан ? чыгъар.
Жюреги жаныб, тебер да,
Душманын бюгер, жыгъар...

Бюгюн бир тилли болурча,
Къурасын Аллах бизни,
Бу жоюм чархдан къорурча
Беш да Тау Элибизни.

Мухтар ТАБАКЪСОЙ

Sabr

Гость

Джаратама0

13.09.2010 18:36:00

ЭТЕЗЛАНЫ БАХАУУТДИННГЕ ? 70 ДЖЫЛ

Этезланы Бахауутдиннге быйыл ? 2009-чу джыл июнну 15-де ? 70 джыл толады. Анда бир сейирлик джокъду ? джашай барсанг, джылла да ?тёгерек? бола барадыла. Сейирлик ? ?къарт болсам да ? нартма? деб тургъанындады Бахауутдинни. Къарт да тюлдю. Къанын-джанын аямай, Халкъ ючюн, Джурт ючюн кюрешгеннге ? къартлыкъ джокъду.

Бахауутдинча акъсакъаллары болгъан халкъ ? не динин, не тилин, не джерин ? Аллах берген джангыз бир затын тас этерик тюлдю. Этез улу таулуду, алай бош таулу да тюл ? Минги Таулу. Аллай Минги Таулуладан къуралгъанды Малкъар Халкъны Акъсакъалларыны Кенгеши (Совет Старейшин Балкарского Народа). Малкъар халкъны акъсакъаллары бюгюн барыбызгъа да юлгюдюле.

Тюзлюк хорларындан тюнгюлюб, миллет ишден сууугъан кёб джашха тюртюлгенме. ?Биз культурабыз бла, окъууубуз-билимибиз бла душманланы хорлаб къоярыкъбыз. Джылаб, тарыгъыб тургъандан хайыр джокъду. Джырларгъа, тебсерге керекди?. Былай айтханлагъа да тюбегенме. Алагъа джууабха Бахауутдин акъсакъалны оюмларын келтирирге излейме:

?Шохларым, сиз бюгюн аякъ тюбюгюзден туугъан джеригизни сыйыртсагъыз, тамбла къайда джырларыкъсыз, къайда тебсериксиз? Индейлилеча болуб къалмазмы ахырыгъыз? Ата джуртубуз ючюн кюрешмесек, не ючюн кюреширикбиз? Ол биринчиси.

Экинчиси. Ноябрны экисинде, мартны сегизинде халкъыбызгъа джетген къыйынлыкъны-сюргюнню эсден кетермеу ? ол джылаб, тарыгъыб туруу тюлдю. Чууутлулагъа Холокостну унутугъуз деб бир кёрчюгюз ? бизге джетген сюргюн да аллай къыйынлыкъды. Чууутлуланы Иерусалимде Сыйыт Ташлары да барды ? Стена Плача. Джетген къыйынлыкъны унутмау ? тарих эсни, миллет ангыны ёчюлюрге къоймагъан кючдю.

Ючюнчюсю. Бизге сюргюнню айтдырыб тургъан башха зат да барды ? ?О реабилитации репрессированных народов? законну толтурмагъанлары. Малкъарны районлары, сюргюннге дери болгъанларыча, ызына къайтарылмагъандыла, 80-ден аслам тау эл тюб болгъанлай турады. Энди уа, ?элле арасы джерле? деген кибик этиб, Малкъарны Ата джуртун толусу бла сыйыра турадыла. Бу законнга келишмеген терс иш болгъанын чертиб, Эресейни Анаяса Махкемеси эки кере бегим алгъанды, алай а къабартылы башчыла къралны законун, Махкемени бегимин да толтурмайдыла. Кюрешмесек ? джуртсуз къаллыкъбыз.

Тёртюнчюсю. Ёмюрден бери да бизни халкъ бла кюрешген къабарты башчыладыла. ?Таш бла урсала да, аш бла урургъа кюрешиб да тургъанбыз? - болмайдыла. 1920-чы джыл Тау республиканы тизиминде Къабарты округ болгъаныча, Малкъар округ да бар эди ? джери, чеги белгили. Бетал Калмыков Сталинни тюбюнден-башындан кириб, Къабарты округну Тау республикадан чыгъарады. Алай башланады Тау республиканы чачылыуу. Аны бла къалмай, Малкъар округну да Къабартыгъа къошдурады. 1944-чю джыл къабартылы башчы Кумехов ?Малкъар халкъны кёчюрюрге керекди? деб, Бериягъа письмо джазыб, халкъыбызны джуртундан сюрдюргенди. Бюгюннгюлю къабартылы президент ? Калмыковну, Кумеховну къара иннетлерин, ишлерин бардыра ? Малкъарны джуртсуз этиб кюрешеди.

Бешинчиси. Ма аны себебли, Къабартыдан айырылыб энчи республика болмай, Малкъаргъа джашау джокъду. 1920-чы джыллада бизни къраллыкъсыз къойгъан да, 1940-чы джыллада джуртубуздан сюрдюрген да, бюгюн да джуртубузну сыйырыргъа кюреше тургъан да ? къабартылы тамадаладыла. Джаш тёлю бу затны ажымсыз билирге керекди. Биз, къартла, ёлгюнчю кюреширикбиз ? Малкъарны энчи республика эталмасакъ, ол миллет иш сизге аманатды.

Алтынчысы. Дунияда аллай адам, халкъ джокъду кесини энчи Юйю болурун излемеген. Кесини энчи автономиясы, республикасы болмагъан халкъ кёб джашаялмайды ? уллуракъ халкъланы ичинде эриб, тас болуб кетеди. Джуртун башхала кючлейдиле, тили, тарихи, культурасы да тас болады. Чууут, ингуш, тегей, абаза, ногъай, абхаз ? тизиб барыргъа боллукъду халкъланы ? кими район, кими республика, кими кърал болгъунчу тохтамагъандыла. Биз да тохтарыкъ тюлбюз ? алайсыз, алгъаракъ айтханымча,- дуниядан тас боллукъбуз.

Джетинчиси. ?Къабарты-Малкъар республиканы чачаргъа излейдиле ? сепаратистле, экстремистле? деб, бизни терслерге кюрешгенле да бардыла. Ол джалгъан дауну айтханлагъа джууаб: бирлешген Къабарты-Малкъар эм аллындан да къабарты башчыланы къара иннетлери бла къуралгъанды ? бизни джерибизни, кесибизни да джутар ючюн. Биз къаллай бир кюреше эсек да ? Тенглик, Тюзлюк болсун деб,- болмайды. Къабарты башчыла не биз айтханнга, не къралны законуна-джоругъуна тынгыламайдыла ? аны себебли бизге Къабартыдан айырылыу джол къалгъанды джангыз.

?Аман этегингден тутса, этегинги кес да къач? дейдиле. Алай этгенле да бардыла бизде ? республикада джашаялмай, тышына къачыб, дагъыда ?бирге джашаргъа керекди? деб, акъыл юретгенле бизге. Башхала да бардыла ? къабартылы башчыланы айтханларын этиб, Акъ Юйде бирер къуллукъчукъ табыб, къул болуб тургъанла. Къабартылы тамадала аллайланы къоллары бла бардырадыла бизге къаршчы ишлерин ? агъачны кесинден чюй этиб джаргъанча. Алай а, биз аллайлагъа кесибизни хорлатырыкъ тюлбюз ? Хакъ да, Халкъ да бизни бладыла.

Биз экстремистле тюлбюз ? биз къралны джоругъундан чыкъмай, тюзлюгюбюз ючюн алай кюрешебиз. Экстремистле биз тюл, къабартылы башчыладыла ? ?О рееабилитации репрессированных народов? законнга да, Анаяса Махкемени оноууна да буруу болуб тургъанла аладыла.

Бизге ?сепаратистле? дерге кюрешгенлеге уа айтырыбыз: кесигиз умут этген затны бизге айтыргъа кюрешмегиз. Сепаратист деб, къралдан айырылыргъа излегеннге айтадыла. Биз а, черкес къралда тюл, Эресейде джашаргъа излейбиз ? энчи Малкъар республикабызны къураб. Къабартыдан айырылыуну къралдан айырылыуча кёргюзтюрге излемесин киши да?.

Ма былайды кёлю-иннети Этезланы Бахауутдинни ? онла бла джылланы халкъы ючюн кюрешиб тургъан Таулуну. Аллай Минги Таулула болгъан къадарда, Минги Тау да бизники болгъанлай турлукъду, халкъыбыз да Халкъ болгъанлай турлукъду. Аллах Сизге, Бахауутдин, кюч-саулукъ берсин, муратыгъыз толуб, барыбыз да къууанырча болайыкъ.

Билал ЛАЙПАН

Sabr

Гость

Джаратама0

13.09.2010 18:40:30

БЕШ ТАУ ЭЛ ? БЕШ УУАХТЫ НАМАЗ

Бир джурт болмаз Джерде Кавказча,
Минги Тау да ? тёппеси аны.
Беш Тау Эл ? беш ууахты намазча,
Кёк нюрюнде джулдуз бла Айны.

?Беш Тау Элни беш да тары ?
Олду мени бешатарым?,-
Дегенди Ибрахим Баба,
Джуртдан кёл да, сёз да таба.

Хау, Беш Тау Эл ? беш ууахты намаз,
Бешатар ушкок да бизге.
Терсликни Аллах унамаз,
Джол берир Тюзлюкге, Тюзге.

Бизге къазгъан урусуна
Душман кеси тюшмей къалмаз.
Халкъны тынглайма ауазына:
Беш Тау Эл ? беш ууахты намаз.

Къартларыбыз Нартла кибик,
Атларыбыз Тарпан кибик,
Къаблан кибик да джашларыбыз ?
Алдад бизни джашнарыбыз.

Беш Тау Эл ? беш ууахты намаз.
Акъсакъал азан къычырса,
Кечигирге чырт джарамаз ?
Къарт, джаш да сюелир сафха.

Беш Тау Эл ? беш ууахты намаз.
Борчубузну да тёлербиз.
Тауларыбызгъа да таяна,
Аллахдан насыб тилербиз.

Акъсакъалларыбыз сау болуб,
Кёлюбюз турур тау болуб.
Джаш тёлю да аякъланыр,
Беш Тау Эли азатланыр.

Беш Тау Эл ? беш ууахты намаз,
Бешатар ушкок да бизге.
Этсек мадар ? этилир къадар,
Тюзлюгюбюз къалмаз тюзде.

Акъсакъалла тынчлыкъ табмай,
Кюрешгенде Халкъ, Джурт ючюн ?
Эркинлик-Тюзлюк тангы атмай,
Къалай къалыр Беш Тау Элге?!

Минги Тауну тёппесинден
Келед эниб азан таууш.
Чырт кетмейди мени эсимден
Къайсын айтхан Азат Аууш.

Джаула кеслери къалырла
Бизге эшген гыбы ауда.
Малкъар джумхуриетни байрагъы
Чайкъалыр Минги Тауда.

Ай бла джулдуз джарытады
Мийик таулада къарны.
Халкъыгъыз сизни унутмаз,
Акъсакъаллары Малкъарны.

?Халкъ ючюн!..? - антлары болгъан,
Сизге джашагъан, ёлген да ? къолай.
Сизнича къартлары болгъан
Халкъыбыз хорланмаз, огъай.

Джаш тёлюге юлгюсюз сиз,
Аллах сакъласын ёлюмден.
Орнугъуз хазырды сизни
Тау джумхуриетни тёрюнде.

Саулукъ-эсенлик тилейме
Барыгъызгъа да Аллахдан.
Малкъар къралны къууанчын этмей,
Биринг кетмесин джашаудан.

Халкъыгъыз ючюн кюрешесиз,
Истемей къарны, боранны.
Махтау сизге, бюсюреу сизге,
Акъсакъаллары Малкъарны.

Сиз болгъаныгъыз себебли,
Къыйын кюнюбюз да ? аламат.
Къыйыныгъыз Аллахдан къайытсын,
Джаныгъыз Аллахха аманат.

Билал ЛАЙПАН

Sabr

Гость

Джаратама0

14.09.2010 04:16:32

ТЮЗЛЮК ТЮЗДЕ КЪАЛМАЗ

?Край наш поруган, и горы отняли,
И мёртвым покоя в земле не дают?.
Коста Хетагуров

Бир кёб зулму сынагъанды халкъым.
Энтда турады табалмай хакъын.
Бюгюн да тюлдю башына эркин.
Джангы сынаула келтиреди хар кюн.

Тюзлени къой, энди тауланы да,
Тауланы да сыйыралла бизден.
Ёлгенлеге къоша сауланы да,
Айырадыла джерибизден.

Алай а,
Туугъан джер ючюн, Ата джурт ючюн
Таулу халкъ хазырды турургъа ёрге:
Не джуртубузгъа ие боллукъбуз,
Не шейит болуб кирликбиз кёрге.

Акъсакъалла тарталла мынчакъ:
?Тюзде къалмаз тюзлюгю тюзню?.
?Къындан чыкъмасын,- дейле,- бычакъ?,
Сабырлыкъгъа чакъыра бизни.

Ала джанларын этелле къурман.
?Ким, не ючюн?? - билесе, со́рма.
Ёзге аланы да тюнгюлтсе кърал,
Тауусулса хар не тюрлю амал,
Аллах буюргъан боллукъду со́ра.

***

Бу назмуну айтама алагъа ?
Хакъ ючюн кюрешген акъсакъаллагъа.
Сизнича адамлары болгъан халкъ,
Динин, тилин, джуртун да сакълар.

Джаш тёлюге болгъансыз юлгю.
Турлукъбуз ёрге берсегиз белги.
Сизни бладыла Татаркъан, Джаттай.
Сизни блады джулдуз бла Ай.

Сизни бладыла Аллах, Адам.
Хорларыкъсыз, къыйналса да джан.
Бош салмагъансыз Москвада бетджан,
Керти адамлары халкъыбызны.
Бир кишиге бермезбиз, огъай,
Аллах берген хакъыбызны.

Хакъ байракъны тутханла́ ёрге,
Турлукъсуз халкъны эсинде, тёрде.
Бютеу дуния къарайды сизге:
Инша Аллах,
Тюзлюгюбюз къаллыкъ тюлдю тюзде.

Холамский Гость	#7 Джаратама0 14.09.2010 11:32:14 Sabr Аламат !!!аперим!!!!!

Холамский

Гость

Джаратама0

16.09.2010 06:39:07

МИНГИ ТАУЛУЛА

<><><><><><><><><><><><><><><><><><><><><><

<><><><><><><><><><><>><><><><><><><><><><

<><><><><><><><><><><><><><><>><><><><><><

<><><><><><><><><><><><><><><><><><><><><><

<><><><><><><><><><>><><><><><><><><><><><><

<><><><><><>><><<><><><<>>>>><><>>><>><><><

<><><><<><><><>><><><><><><><><><><><><><><

<><><>><><><><> ><><><><>><><><><><>><><><><>

<><><><><><><><><><><><><><><><><><><><><><><

Sabr

Гость

Джаратама0

17.09.2010 04:51:02

ДЖАШАР МАЛКЪАР-КЪАРАЧАЙ

Болушлукъ боллукъ тюлдю Гъарбдан не Шаркъдан.
Бизни сакъларыкъ ? динибиз, тилибиз, джуртубуз.
Аларын сакъламагъан адамла, халкъла
Дуниядан кетедиле тас болуб, джутулуб.

Динибиз, тилибиз, джуртубуз бла бирге
Миллет ангы, тарих эс сакълайды бизни.
Къара таныгъан халкъ джууукъду Кёкге ?
Чексиз уллуду хакъ сёзню кючю.

Динибиз, тилибиз, ангыбыз, эсибиз
Темирден, Къурчдан да болгъанла кючлю.
Аны ючюн къайыта билгенбиз Джуртха,
Отубуз къалмай джукъланыб-ёчюлюб.

Динин, тилин, джуртун сакълаялса халкъ,
Миллет ангысы, тарих эси болмаса талкъ,
Сагъайтханлай турса дауле да ?
Боллукъбуз миллет, боллукъбуз даулет да.

Бюгюн бизни барды небиз да:
Динибиз, тилибиз, джерибиз да,
Тарих-миллет ангыбыз, эсибиз да,
Окъуулу-билимли, къара таныгъан тёлюбюз да.

Къазауатладан, сюргюнледен да къалгъанбыз сау.
Бюгюн Ата джуртубузда этебиз джашау.
Къоркъуу бар эсе душманладан,
Къорур кюч барды халкъны аладан.

Ючден дагъан таймаз:
Динибиз ? ислам, тилибиз ? тюрк, джуртубуз ? Кавказ.
Тауубуз ? Минги, башында ? джулдуз бла Ай.
Джандет джуртун къара кючлеге кючлетмей,
Ахырзаманнга дери джашар Малкъар-Къарачай.

Холамский Гость	#10 Джаратама0 17.09.2010 06:47:24

Холамский Гость	#11 Джаратама0 17.09.2010 20:46:51 [youtube=null]

Barak Гость	#12 Джаратама0 17.09.2010 21:08:11 Sabr Ма аны себебли, Къабартыдан айырылыб энчи республика болмай, Малкъаргъа джашау джокъду. Тюз айтаса, башха мадар джокъду.

Sabr

Гость

#13

Джаратама0

18.09.2010 04:09:19

ЭТЕЙИК САГЪЫШ, ОНОУ

Ким джашауун, ким саулугъун,
Ким бёркюн, ким джаулугъун
Тас этгенле сюргюнде.
14-джыллыкъ зулму кёпюр,
14-джыллыкъ сыйрат кёпюр
Сынау эди хар кимге.

Сталинни, Берияны
Совет властны, партияны
Къаргъайелле хар кюнде.
Болалмаелле сарыджилик
Туугъанла да сюргюнде.

Сибирияны бузларында,
Азияны къумларында
Къалды джарымы халкъны.
Адам тюлбюз, халкъ да тюлбюз ?
Унутхан кюн биз аны.

Джыйырма эки минг сабий
Къырылгъанды тюзледе.
Аллай бир да къарт-къарыусуз...
Да не хайыр сёзледен.

Халкъны джарымы ёлдю,
Джарымы болду сакъат.
Джуртха къайытханла́ да,
Джашаялмайла рахат.

Къыйынлыкъ кетмей эсден,
Ёлтюреди аланы.
Бурунча джюз джыл болгъан
Кёрмезсиз таулуланы.

Буруннгу Къарачайдан
Къалмагъанды бир джукъ да.
Рахатлыкъ да, саулукъ да
Кетгенле Къарачайдан.

Болмаса къраллыгъы,
Халкъны къалмайд халкълыгъы.
Ол джыялмайды эсин,
Сакълаялмайды кесин.

Къарачай-Черкес деген
Не джумхуриетди бу?
Халкъланы къатышдырыб,
Джокъ этиу иннетди бу.

Бир халкъны эки бёлюб,
Бирин Черкесге къошуб,
Бирин да Къабартыгъа ?
Барадыла джангызгъа.

Бёрюле бла итлени
Талашханларына къараб,
Орман аю харс урады
Кесин обургъа санаб.

Алай огъуна болур ?
Кеси тюл эсе да,
Оноучусуду обур.

Оноучула, ёзюрле
Оюнла кёргюзюрле.
Чачханла СССР-ни,
Чачарла Эресейни.

Биз хазырбызмы анга?
Биз разыбызмы анга?
Огъай, минг кере огъай.
Бизге сормазла, айхай.

Оноуу тоноу болгъан,
Бизге сорурму оноу?
Тынглаб турмайыкъ ёзге,
Оноу керекди бизге.

Халкъны, Джуртну да къоркъуу,
Ёлюм къоркъуу басханды.
Тил ёлсе, халкъ да ёлдю.
Тёрт джары чачылгъанбыз.

Керекди джыйылыргъа,
Бир оноугъа келирге:
Къутхарыргъа керекди
Ана тилни ёлюмден.

Уятыргъа керекди
Халкъны ангысын-эсин.
Кетерикди чынгылдан
Ол эскермесе кесин.

Итге бурула барады
Туугъан да бёрю болуб.
Джашайбыз джуртубузда
Джюз халкъны бири болуб.

Келеди къоркъуу къайдан?
Бармыд къутулуу андан?
Этейик халкъгъа сагъыш.
Тау джуртну басхынчы къыш.

Холамский Гость	#14 Джаратама0 18.09.2010 04:27:09 Sabr СПАСИБО САБР ЗА КРАСИВЫЕ СЛОВА

Таулан

Гость

#15

Джаратама0

19.09.2010 00:42:33

Честно говоря не так часто захожу на сайт,но поражаюсь стойкости старших моих земляков и восхищаюсь их стойкостью !!!По балкарский не так хорошо могу писать ,семьдесят дней это воообще мужественно,в центре Москвы !!!Аламат!!!!но как выше сказанно было Правительство молчит как я понимаю!Я чесно говоря и не удивляюсь ,Был летом Ата джуртумда ,мои родственники с Эльбруского района ,тоже в курсе событий которые непосредственно касаются тем земли,Мой прадед был уважаемым старейшиной п.Эльбрус,и чесно говоря народ жалко,надо слушать людей и прислушаться чего они хотят!!!!

Сулейман Гость	#16 Джаратама0 19.09.2010 01:51:11 Багъалы тамадаларыбыз!!!Сизге бек къатты ышанып турабыз!!!Кенделен ныгъышда сизден сора башха хапар жокъду !!Аллах болушсун!!!

07 таулу Гость	#17 Джаратама0 19.09.2010 01:54:47 Сулейман И не только Кёнделен братан!!!!!Таматалагъа уллу махтау

студент Гость	#18 Джаратама0 19.09.2010 02:21:11 Жаша таулу халкъым

услышьте Гость	#19 Джаратама0 20.09.2010 01:49:58

Sabr

Гость

#20

Джаратама0

20.09.2010 18:11:41

Государственное телевидение России взахлеб рассказывает о покушении на уголовного авторитета, как милиция его охраняет, как ищут стрелявшего в него и т.д.и т.п. Поразительно!

А людям, требуя выполнения российских законов и решений КС РФ, месяцами продолжающим голодовку - ноль внимания. Ноль внимания со стороны президента и правительства.

Думаю, надо выйти на европейские инстанции. Другого уже ничего не остается. Если и там не помогут - тогда народ сам решит - какими методами, как бороться дальше за справедливость, за родную землю.

А может, продолжающим голодовку, живыми-здоровыми вернуться домой и возглавить массовые акции протеста против тех, кто топчет российские законы? Тогда точно вмешается верховная власть - не нужна же ей, как и нам всем, новая горячая точка.

Пацифист

Гость

#21

Джаратама0

20.09.2010 18:17:56

Sabr
Тогда точно вмешается верховная власть - не нужна же ей, как и нам всем, новая горячая точка.

Недальновидно и неэффективно - сразу же квалифицируют как попытку свержения государственного строя в РФ - а это уже уголовная статья.

Айнар

Гость

#22

Джаратама0

20.09.2010 18:32:31

Пацифист
Недальновидно и неэффективно - сразу же квалифицируют как попытку свержения государственного строя в РФ - а это уже уголовная статья.
А как по вашему можно классифицировать открытое заявление главы субъекта федерации о нежелании выполнять федеральный закон? Можно ли считать государственным строем РФ строй в субъекте не соблюдающем законы РФ?

Пацифист

Гость

#23

Джаратама0

20.09.2010 18:42:18

Айнар
Можно ли считать государственным строем РФ строй в субъекте не соблюдающем законы РФ?

Вопрос риторический и в никуда. Если нельзя считать, то значит можно свергнуть его? Если не свергать, то что предлагаете?

Айнар Гость	#24 Джаратама0 20.09.2010 18:53:28 Пацифист Вопрос риторический и в никуда. Вы уж пожалуйста попробуйте ответить на мои вопросы, негоже борцу против войны притворяться пустым местом.

Пацифист Гость	#25 Джаратама0 20.09.2010 18:59:37 Айнар Вы уж пожалуйста попробуйте ответить на мои вопросы Но у вас же не пустое место в голове, надеюсь вы знаете смысл выражения "риторический вопрос"? Я вам уже ответил - вопрос риторический, т.е. вопрос, ответ на который заранее известен, или вопрос, на который даёт ответ сам спросивший. Вам тоже были заданы вопросы: "Если нельзя считать строй государственным, то значит можно свергнуть его? Если не свергать, то что предлагаете?

Читают тему (гостей: 1)

Логин:
Пароль:
	Запомнить меня на этом компьютере

Забыли свой пароль?
Регистрация