- Уллу суу бла уллу ауруудан башынгы сакъла.
- Ойнай-ойнай кёз чыгъар.
- Бал – татлы, балдан да бала – татлы.
- Ат да турмайды бир териде.
- Билмегенинги, билгеннге сор.
- Адамгъа аман кюн соруб келмейди.
- Халкъны джырын джырласанг, халкъ санга эжиу этер.
- Джолунга кёре – джюрюшюнг, джагъанга кёре – юлюшюнг.
- Керти сёзге тёре джокъ.
- Тойчу джашха къарама, къойчу джашха къара.
- Тилчи тилден къаныкъмаз.
- Кёзюнде тереги болгъан, чёбю болгъаннга кюле эди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Гитче джилтин уллу элни джандырыр.
- Юй ишлеген балта эшикде къалыр.
- Аманнга игилик этсенг, юйюнге сау бармазса.
- Огъурлуну сёзю – суу, огъурсузну сёзю – уу.
- Джашны джигитлиги сорулур, къызны джигерлиги сорулур.
- Бетинги сатма, малынгы сат.
- Аш кетер да бет къалыр.
- Аман адам этегингден тутса, кес да къач.
- Берекет берсин деген джерде, берекет болур.
- Гугурук къычырмаса да, тангны атары къалмаз.
- Уллу сёлешме да, уллу къаб.
- Адам къаллай бир ишленмесе, аллай бир кесин уллу кёреди.
- Байлыкъдан саулукъ ашхыды.
- Таукел адам тау тешер.
- Къазанда болса, чолпугъа чыгъар.
- Тил – кесген бычакъ, сёз – атылгъан окъ.
- Къозулугъунда тоймагъан, къойлугъунда тоймаз.
- Эркишини аманы тиширыуну джылатыр.
- Джыйырма къойну юч джыйырма эбзе кюте эди.
- Игиге айтсанг – билир, аманнга айтсанг – кюлюр.
- Ёлген ийнек сютлю болур.
- Ишлемеген – тишлемез.
- Айраннга суу къош, телиге джол бош.
- Кютгени беш эчки, сызгъыргъаны уа, джерни джарады.
- Иши джокъну, сыйы джокъ.
- Чомартны къолу берекет.
- Адамны аты башхача, акъылы да башхады.
- Ариу сёз аурууунгу алыр.
- Билим насыб берир, билим джолну керир.
- Этни да ашады, бетни да ашады.
- Бек ашыкъгъан меннге джетсин, дегенди аракъы.
- Телини эшигин, махтау джабар.
- Тил бла келеди джыр да.
- Къонакъ болсанг, ийнакъ бол.
- Къонакъ кёб келюучю юйню, къазаны отдан тюшмез.
- Джарлы эскисин джамаса, къууаныр.
- Келинни – келгинчи, бёркню кийгинчи кёр.
Назму джазгъанлагъа, джазаргъа излегенлеге да ДЕРС КИТАБ
Читают тему (гостей: 1)