Войти на сайт
22 Января  2019 года

 

  • Чабакъ башындан чирийди.
  • Халкъгъа джарагъан, джарлы къалмаз.
  • Акъыллы башны – тили къысха.
  • Керилген да, ургъан кибикди.
  • Ёнгкюч къууана барыр, джылай келир.
  • Ишлегенде эринме, ишде чолакъ кёрюнме.
  • Уллу сёлешме да, уллу къаб.
  • Ана кёлю – балада, бала кёлю – талада.
  • Сакъ юйюне сау барыр.
  • Иги адам абынса да, джангылмаз.
  • Рысхы – сют юсюнде кёмюк кибикди.
  • Эртде тургъан бла эртде юйленнген сокъуранмаз.
  • Намысы болмагъанны, сыйы болмаз.
  • Байлыкъ адамны сокъур этер.
  • Кесине гебен этелмеген, биреуге черен эте эди.
  • Тойчу джашха къарама, къойчу джашха къара.
  • Абынмазлыкъ аякъ джокъ, джангылмазлыкъ джаякъ джокъ.
  • Бети къызарыучу адамны, джюреги харам болмаз.
  • Сескекли кесин билдирир.
  • Тилчиден кери бол.
  • Бек ашыкъгъан меннге джетсин, дегенди аракъы.
  • Халкъны джырын джырласанг, халкъ санга эжиу этер.
  • Эте билген, этген этеди, эте билмеген, юретген этеди!
  • Кирсизни – саны таза, халалны – къаны таза.
  • Сормай – алма, чакъырылмай – барма.
  • Хар сёзню орну барды.
  • Акъдан къара болмаз.
  • Эл ауузу – элия.
  • Ачылгъан эт джабылыр, кёрген кёз унутмаз.
  • Сёз сёзню айтдырыр.
  • Накъырда – кертини келечиси.
  • Айыбны суу бла джууалмазса.
  • Ариу сёз – къылычдан джити.
  • Адам къаллай бир ишленмесе, аллай бир кесин уллу кёреди.
  • Адам къыйынлыгъын кёлтюрюр, зауукълугъун кёлтюрмез.
  • Таула не мийик болсала да, аууш табылыр.
  • Ат да турмайды бир териде.
  • Аман киши кеси юйюнде – къонакъ.
  • Зарда марда джокъ.
  • Экиндини кеч къылсанг, чабыб джетер ашхам.
  • Атадан ёксюз – бир ёксюз, анадан ёксюз – эки ёксюз.
  • Ашыкъгъанны этеги бутуна чырмалыр.
  • Экеулен сёлеше тура эселе, орталарына барыб кирме.
  • Адамны адамлыгъы къыйынлыкъда айгъакъланады.
  • Къатын байлыкъны сюер, эр саулукъну сюер.
  • Джангыз торгъай джырламаз.
  • Намыс болмагъан джерде, насыб болмаз.
  • Ач бёрюге мекям джокъ.
  • Тилчи тилден къаныкъмаз.
  • Джырына кёре эжиую.

 

Страницы: 1
RSS
Назму джазгъанлагъа, джазаргъа излегенлеге да ДЕРС КИТАБ
 
Халкъыбызны уллу поэти, онглу публицисти Бегийланы Абдуллах аламат китаб джазгъанды. Аты: "Бармакъ ызларым".
Бизни поэзияны джетишимлерин, кемликлерин да алай уста кёргюзгенди - неге сейирсинирге да билмей къаласа: тилибизни байлыгъынамы, Абдуллахны фахмусунамы?

Бу китаб джаш назмучулагъа артыкъ да хайырлы боллукъду. Малкъар поэзияда бюгюнлюкде силлабо-тоника джорукъ бегигеннге ушай эсе, Къарачайда анга алкъын джууукълашхан да этмегендиле. Аны себебли, китаб Малкъардан эсе, Къарачай джанына керек эди. Не медет, тиражы 500 экз. болгъаны себебли, китабны тахан къыйынды.

Аны себебли: Малкъар джаны китабны электрон кютюпханеге тюшерча этселе - аны бла кёбле хайырланыргъа боллукъдула. Артыкъсыз да ана тилибизде назму джазгъанла, джазаргъа излегенле къууанныкъдыла анга.
Страницы: 1
Читают тему (гостей: 1)

 

Написать нам