Войти на сайт
25 Апреля 2018 года

 

  • Ишни ахырын ойламай, аллын башлама.
  • Ана кёлю – балада, бала кёлю – талада.
  • Ётюрюкню башын керти кесер.
  • Джигер – джаннга къыйынлыкъ.
  • Джарлы тюеге минсе да, ит къабар.
  • Адеб джокъда, намыс джокъ.
  • Ышармагъан – кюлмез, кюлмеген – къууанчны билмез.
  • Ариу сёз джыланны орнундан чыгъарыр.
  • Айтханы чапыракъдан ётмеген.
  • Къыз чыгъаргъан – къызыл къымжа.
  • Телиге акъыл салгъандан эсе, ёлгеннге джан салырса.
  • Джангыз торгъай джырламаз.
  • Ётюрюкчюню шагъаты – къатында.
  • Юре билмеген ит, къонакъ келтирир.
  • Ата – билек, ана – джюрек!
  • Ачлыкъ отха секиртир.
  • Берекет берсин деген джерде, берекет болур.
  • Адамны аты башхача, акъылы да башхады.
  • Кёл – къызбай, къол – батыр.
  • Къартха ушагъан джаш – акъыллы, джашха ушагъан къарт – тели.
  • Ким бла джюрюсенг, аны кёзю бла кёрюнюрсе.
  • Босагъа таш юйге кирмей эди, тыбыр таш эшикге чыкъмай эди.
  • Къызбайны юйюне дери сюрсенг, батыр болур.
  • Намыс болмагъан джерде, насыб болмаз.
  • Кёбге таш атма.
  • Малны кют, джерни тюрт.
  • Иги сеники эсе да, сюйген кесимикин этеме.
  • Джаханимни кёрмей, джандетге кёл салмазса.
  • Чомарт джарлы болмаз.
  • Асхат ашлыкъ сата, юйдегиси ачдан къата.
  • Башланнган иш битер, къымылдагъан тиш тюшер.
  • Ханы къызы буюгъа-буюгъа киштик болду.
  • Къарнынг ауруса, ауузунгу тый
  • Бети къызарыучу адамны, джюреги харам болмаз.
  • Ёлген ийнек сютлю болур.
  • Къуру гыбыт бек дыгъырдар.
  • Кечеси – аяз, кюню – къыш, джарлы къаргъагъа бир аш тюш!
  • Баш болса, бёрк табылыр.
  • Магъанасыз сёз – тауушсуз сыбызгъы.
  • Арпа, будай – ащды, алтын, кюмюш а – ташды.
  • Айныгъанлы алты кюн, тогъайгъанлы тогъуз кюн.
  • Айырылгъанланы айю ашар, бёлюннгенлени бёрю ашар.
  • Джюрек кёзден алгъа кёрюр.
  • Кеси юйюмде мен да ханма.
  • Эр абынмай, эл танымаз.
  • Аш кетер да бет къалыр.
  • Тенгни тенглиги джашай барсанг билинир.
  • Къулакъдан эсе, кёзге ышан.
  • Джашны джигитлиги сорулур, къызны джигерлиги сорулур.
  • Сакъ юйюне сау барыр.

 

Архив Форума » Зеленый Форум [архив] » - ЗФ - Ана тилибизде
Страницы: 1 2 3 След.
RSS
Сиз а къалай сагъыш этесиз (джашауубуздан къыйын соруула...)
 
#1
Джаратама0
04.01.2009 21:14:42
Бир кере тиширыу (30 джылдан атлагъан) хоншусу къарт кишиге келеди да: "Бузоуларымы узакъ бир джерледе ёлю табханбыз, сен аланы сенек бла уруб ёлтюргенсе, тёле энди"- деб, тохтайды. Къарт эсе уа бачхасына кириб хата эте тургъанлары ючюн, ачыулана бузоулана узагъыракъ сюре тургъанды, алай а бек узакъ джюрюрча, артыкъсыз да бек аланы сенек бла уруб ёлтюралырча джюрюр къарыуу джокъ, кеси да бираз серирек да болгъанды. Тиширыуну ол сёзлерин эшитгенлей, бек аман сёзле айтыб тебрейди. Тиширыу ол сёзлеге андан да бек ачыуланыб, мени ёлген анамы айтаса дегени бла ташла атыб, башха адамла кёрюб тохтатмасала, къартны башын джарыргъа азчыкъ къалады. Энди соруула уа ма былайдыла:
Ол болмагъан ётюрюк затла айтыб келген тиширыугъа аман сёзле бла джууаб айтыргъа джараймы эди? Аман сёзле айтаса мени ёлген ата-анама деб, болмагъан затны айтыб келген джаш тиширыуну ташла атыб башлагъаны тюзмюдю? Болум не болса да аман сёзле айтыргъа джараймыды?

*бек къыйын не да керексиз соруулача кёрсегиз айтыгъыз, кесим кетериб огъуна къоярма...
 
 
 
#2
Джаратама0
04.01.2009 21:38:01
ариу бла англаматсанг-тогда можно. но корректно и по теме))))
 
 
 
#3
Джаратама0
04.01.2009 21:38:06
Ол болмагъан ётюрюк затла айтыб келген тиширыугъа аман сёзле бла джууаб айтыргъа джараймы эди?
Тиширыу болмагъан затла айтыб келирини аллы бла иги сагъыш этсе да боллукъ эди. Ол заманда, къартны джыллары сый берирге тыйыншлы болгъанлыран, бузоуну уруб ёлтюрюрге уллу къарыуу болмагъанын да ангыларыкъ эди. Тиширыуну анга башы джетмеди эсе, эркиши да анга аман сёзле айтмаса да боллукъ эди. Алай а, ким да болсун, юйюнге болмагъан затланы айтыб келсе, кесинги тыйыб къойгъан тынч болмаз.
Аман сёзле айтаса мени ёлген ата-анама деб, болмагъан затны айтыб келген джаш тиширыуну ташла атыб башлагъаны тюзмюдю?
Андан аман этмегени да бек сейирди...
Болум не болса да аман сёзле айтыргъа джараймыды?
Джарамайды. Алай а, кесинге сабырлыкъ чакъыргъан къыйынды.
 
 
 
#4
Джаратама0
04.01.2009 21:50:29
Бирге экини къошуб, кеслерин тыялмайын, миллетни къанын ичиб тургъан тишырыулагъа джараймыды дейсе аман айтыргъа? Аман сёзню билмейме, а орнуна салыргъа уа аны борчлудула!
 
 
 
#5
Джаратама0
04.01.2009 21:57:25
Аман сёзле дегеним халкъны ичинде чырт айтыргъа джарамагъан сёзледиле, анга кёре джууаб беригиз, марджа...
 
 
 
#6
Джаратама0
04.01.2009 21:57:25
Рамла
забьем по любомумы дейсе???
 
 
 
#7
Джаратама0
04.01.2009 21:59:50
Ситуации в жизни разные бывают. Может эти бузоула для нее единственый источник дохода. Может она одинокая, может у нее горе и нервы сдали. А къатрха уа не айб. Старый человек, тем более серирек.
Но мое мнение оба лишканули. Терпимости побольше надо. И адет-намыс еще никто не отменял...
 
 
 
#8
Джаратама0
04.01.2009 22:05:10
cherry
по любому))
 
 
 
#9
Джаратама0
04.01.2009 22:05:14
Сора тиширыу терс болгъаны кертиди, алай а ким биледи акъылы анга джетиб, къартны да болумун иги да билмегени себебли (сенек бла бузоуну уруб ёлтюрюр ючюн иги танг джити сенек болургъа керекди, сора эки бузоуну да бир джерге алыб барыб ёлтюрюб, сенекни чанчыб, джан-джанга джатдырыб кетген, къарха къой эсенг, джаш адамлагъа да алай тынч зат боллукъ тюлдю, муну мен ангылагъанлыкъгъа, малны къатына басмагъан тиширыу ангылаялгъан да болмазмы, къайдам) бир къауум адамланы да къыздыргъанлары бла айтыб келген эсе да ким биледи. Сора анга ата-анасыны санагъан эсе да бек тюз этгенди, келмеге эди къураб дерге да боллукъмуду, къайдам...
 
 
 
#10
Джаратама0
04.01.2009 22:09:15
гоккачыкъ
огъай, эри да башха малы-мюлкю да болгъан тиширыу..
 
 
 
#11
Джаратама0
04.01.2009 22:11:20
сенек бла бузоуну уруб ёлтюрюр ючюн иги танг джити сенек болургъа керекди, сора эки бузоуну да бир джерге алыб барыб ёлтюрюб, сенекни чанчыб, джан-джанга джатдырыб ....да бу спланированный хладнокровный убийстводуда...))))


тышырыу лишканула...алай а эркишиле тышырыулагъа алай селешселе асарым келед........корпоче огба не правы!!!
 
 
 
#12
Джаратама0
04.01.2009 22:16:19
Abdullah
что такое мюлк???
 
 
 
#13
Джаратама0
04.01.2009 22:20:16
Граф
что такое мюлк???
добро, имущество
 
 
 
#14
Джаратама0
04.01.2009 22:21:02
Abdullah
спасибо!....а нек сордунг бунда аны?
 
 
 
#15
Джаратама0
04.01.2009 22:25:52
В таком случае оба ступили! И именно это слово - ступили! Скорей всего они соседи. А сосед это первый, кто откликнется на твою беду. И с ними надо жить в мире!
Тут и обсуждать нечего, оба терсле!
 
 
 
#16
Джаратама0
04.01.2009 22:27:04
Граф
да бу хапарны юсю бла бир сёлешгенле болдула да, форумда адамла уа къалай сагъыш этедиле деб, билирге изледим...
 
 
 
#17
Джаратама0
04.01.2009 22:30:23
гоккачыкъ
къалай алай болса да, кёрмеген затынгы сен этгенсе деб айтыр ючюн адам бек уятсыз болургъа керек болурму..?
 
 
 
#18
Джаратама0
04.01.2009 22:35:37
Abdullah
ясно....сау бол что объяснил...вообще былай алыб къарасанг, эри саулай къайры сугъулуб бара эди дерчады чот)))...ну да ладно...
 
 
 
#19
Джаратама0
04.01.2009 22:36:16
гоккачыкъ
)))а это уже смотря какой сосед)))
 
 
 
#20
Джаратама0
04.01.2009 22:47:50
Граф, ну с вами бы мы ужилсь, тьюще да джараша )))
Вообще при живом Муже нечего разборками заниматся. Но я повторюсь, адет-намыс должен быть. И с двух сторон! Бири телиэсе, бири акъыллы должен быть! Я не принимаю ни чью сторону!
 
 
 
#21
Джаратама0
04.01.2009 23:12:49
гоккачыкъ
Былайда акъыллыла бармелле дейсе?))))...хо...келлигенг да.."таукъчугъуму сакъат этиб тураса" дегенни да айтыб...)
 
 
 
#22
Джаратама0
05.01.2009 11:00:51
бар болур къартныда терслиги,дагъыда сагъыш етеседа:къой,аллай къызны ёстюрген,ата,ана къолай адамла болмазелле,айта берсин дейсе да къояса(аман сёлешген,къалай бурсангда иги болмагъанын англайма).Обидно,то что это показатель того как деградировал народ. что нам надо для того чтобы набраться ума,до того (такое чувство что ещё не скорого времени) когда вернемся к исламу?может ещё один геноцид?
 
 
 
#23
Джаратама0
05.01.2009 11:20:30
Аллах сакъласын! Миллетибиз бушуу кюнлени кермесин! Ата ана аллай къызны ёстюргенле дейсе да, алай а мен билеме аламат, иманлы, динли атаны бек сейир къызлары болгъан юйдегилени. Кертисин айтсам, менда ата-анаданды барыда деб кёлюме келеди, алай а ма аллай сейирликле да бек кёб боладыла!
 
 
 
#24
Джаратама0
05.01.2009 11:23:55
YYY
тиширыугъа джангыз, ким биледи, малладан хапарсыз болгъаны себебли, кимлени эсе да къыздыргъанларына ийнаныб келгенди деб, бир кесекчик джан аурутургъа боллукъ болурму, алай а кертисин билмегенлей биреуню юйюне даулаб келген да бек сейирди.

Сора, ол хапарны айтханланы бири: "Юйюне аллай болмагъан затны айтыб келсе, элни ичинде бир эркиши къалмай (сыйын тас этмеген) сёзлени сайлай айланмай табханын барысын да бек айтырыкъ эди"- деди. Олбири эсе: "Не зат да айтыб келсин, тиширыугъа аллай аман сёзле айтыргъа джарамай эди"-деген эдиле...
 
 
 
#25
Джаратама0
05.01.2009 11:37:33
Адамланы иманлылыкъларын, динлиликлерин узакъдан къараб англагъан бек къыйынды. Джангы кёчген юйюбюзден узакъ болмай бир малчы киши джашайды. Къарнашым аны иги тангдан бери таный эди да, къуру да махтагъанлай тура эди, мен да джума намазлада кёрюучен эдим, башха къарнашым да "хоу, хоу, ол а иги адамды" деучен эди. Быйыл джаз малланы таугъа барыргъа анга къошдула, бу джаратханлары себебли. Къач келиб малланы айыргъанларында уа джюз хыйла этиб, бир талай малны кесине урлар джанындан болуб, кючден бир затла келишдирдиле, бир талай малны къатышдырмай болалмады. Энди мындан ары уа ол кишиге иги деб айталлыкъ тюлбюз, джумалагъа джюрюсюн-джюрюмесин... Аны ал джылларында уа биреулен бла таугъа чыкъгъан эди, "Аллахны айтыб" быллай бир ачха берибиз деб, тилеб элтген адам, къач келгенинде мен алай айтмагъан эдим деб къояды... Къоюгъуз-къой, айтыб тебресем чырт тохтаялмай къаллыкъма... Ма аллай бузукъ адам бир кёбдюле, кёб...
 
 
 
Страницы: 1 2 3 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2018 Elbrusoid.org  |  Все права защищены Законами Гор.