- Аджашхан тёгерек айланыр.
- Эркишини аманы тиширыуну джылатыр.
- Кийиминг бла танылма, адамлыкъ бла таныл.
- Хантына кёре тузу, юйюне кёре къызы.
- Сёз сёзню айтдырыр.
- Иги джашны ышаны – аз сёлешиб, кёб тынгылар.
- Экиндини кеч къылсанг, чабыб джетер ашхам.
- Тёзгеннге, джабылгъан эшик ачылыр.
- Тынгылагъан тынгы бузар.
- Бек анасы джыламаз.
- Къралынгы – душмандан, башынгы от бла суудан сакъла.
- Ариу джол аджал келтирмез.
- Ичимден чыкъды хата, къайры барайым сата?
- Кийимни бичсенг, кенг бич, тар этген къыйын тюлдю.
- Байлыкъдан саулукъ ашхыды.
- Эли джокъну – кёлю джокъ.
- Мухардан ач ычхынмаз.
- Огъурлуну сёзю – суу, огъурсузну сёзю – уу.
- «Ёгюз, джаргъа джууукъ барма, меннге джюк боллукъса», - дегенди эшек.
- Эрни эр этерик да, къара джер этерик да, тиширыуду.
- Окъугъан – асыу, окъумагъан – джарсыу.
- Бёрю да ач къалмасын, эчки да ашалмасын.
- Ашхылыкъ джерде джатмайды, аманлыкъ суугъа батмайды.
- Дуния мал дунияда къалады.
- Керек ташны ауурлугъу джокъ.
- Акъыллы айтыр эди, акъылсыз къоймайды.
- Эки къатын алгъан – эки ташны ортасына башын салгъан.
- Ашхы тенг джолгъа салыр, аман тенг джолдан тайдырыр.
- Чакъырылмай келген къонакъ сыйланмай кетер.
- Кёл ашады да, кеси ашады.
- Ашыкъгъан cуу, тенгизге джетмез.
- Таукел къуру къалмаз.
- Джашынгы кесинг юретмесенг, джашау юретир.
- Аш кетер да бет къалыр.
- Ачны эсинде – аш.
- Татлы тилде – сёз ариу, чемер къолда – иш ариу.
- Арба аугъандан сора, джол кёргюзтюучю кёб болур.
- Тенгни тенглиги джашай барсанг билинир.
- Уллу къашыкъ эрин джыртар.
- Намысы джокъну – дуниясы джокъ.
- Кёкдеги болмаса, джердегин кёрмейди.
- Ач, тоймам, дейди, тойгъан, ач болмам, дейди.
- Сабий болмагъан джерде, мёлек болмаз.
- Джахил болса анасы, не билликди баласы?
- Шекер бла туз – бир болмаз, ушамагъан – юй болмаз.
- Юй кюйдю да, кюйюз чыкъды, ортасындан тюйюш чыкъды.
- Миллетни бойну – базыкъ, аны бла кюрешген – джазыкъ.
- Азыкълы ат арымаз, къатыны аман джарымаз.
- Мадар болса, къадар болур.
- Ач да бол, токъ да бол – намысынга бек бол.
