- Тили узунну, намысы – къысха.
- Ауузу аманнга «иги», деме.
- Адамны сабийин сюйген джюреги, бычакъча, джитиди.
- Джарашыу сюйген – джалынчакъ.
- Элге къуллукъ этмеген, элге ие болмаз.
- Ач келгенни – тойдур, кеч келгенни – къондур.
- Юй ишлеген балта эшикде къалыр.
- Аманнга алтын чыдамаз.
- Джашны джигитлиги сорулур, къызны джигерлиги сорулур.
- Тойчу джашха къарама, къойчу джашха къара.
- Рысхы джалгъанды: келген да этер, кетген да этер.
- Бермеген къол, алмайды.
- Эрни эр этерик да, къара джер этерик да, тиширыуду.
- Халкъгъа джарагъан, джарлы къалмаз.
- Алтыда кюлмеген, алтмышда кюлмез.
- Бал чибинни ургъаны – ачы, балы – татлы.
- Алтыннга тот къонмаз.
- Этни да ашады, бетни да ашады.
- Уллу сёлешме да, уллу къаб.
- Къарыусузгъа кюлме, онгсузгъа тийме.
- Билим – акъылны чырагъы.
- Сёз къанатсыз учар.
- Тыш элде солтан болгъандан эсе, кесинги элде олтан болгъан игиди!
- Сёз садакъдан кючлюдю.
- Айырылгъанланы айю ашар, бёлюннгенлени бёрю ашар.
- Къар – келтирди, суу – элтди.
- Ачлыкъ отха секиртир.
- Аман адам элни бир-бирине джау этер.
- Бойнуму джети джерден кессенг да, мен ол ишни этеллик тюлме.
- Къонакъны къачан кетерин сорма, къачан келлигин сор.
- Джаралыны джастыгъында сау ёлюр.
- Джарлыны эшигин махтагъан джабар.
- Нёгер болсанг, тенг бол, тенг болмасанг, кенг бол.
- Ургъан суудан башынгы сакъла.
- Тёзгеннге, джабылгъан эшик ачылыр.
- Биреу къой излей, биреу той излей.
- Иги адам абынса да, джангылмаз.
- Кёбден умут этиб, аздан къуру къалма.
- Хунаны тюбюн къазсанг, юсюнге ауар.
- Аманнга да, игиге да оноусуз къатышма.
- Хата – гитчеден.
- Итли къонакъ джарашмаз.
- Джетген къыз джерли эшекни танымаз.
- Суу кетер, таш къалыр.
- Джаханимни кёрмей, джандетге кёл салмазса.
- Керек ташны ауурлугъу джокъ.
- Ышармагъан – кюлмез, кюлмеген – къууанчны билмез.
- Гитче джилтин уллу элни джандырыр.
- Кёб джат да, бек чаб.
- Асхат ашлыкъ сата, юйдегиси ачдан къата.
Огромная благодарность всем, кто нас поддержал!