- Зар адамны насыбы болмаз.
- Иги сеники эсе да, сюйген кесимикин этеме.
- Суу да къайтады чыкъгъан джерине.
- Баргъанынга кёре болур келгенинг.
- Акъыллы айтыр эди, акъылсыз къоймайды.
- Хансыз джомакъ болмаз.
- Кийимни бичсенг, кенг бич, тар этген къыйын тюлдю.
- Кёз – сюйген джерде, къол – ауругъан джерде.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джарашыу сюйген – джалынчакъ.
- Намысы джокъну – дуниясы джокъ.
- Ариу сёз аурууунгу алыр.
- Ач бёрюге мекям джокъ.
- Окъумагъан сокъурду, сокъур ташха абыныр!
- Кёл – къызбай, къол – батыр.
- Телиге от эт десенг, юйюнге от салыр.
- Биреуню тёрюнден, кесинги эшик артынг игиди.
- «Ёгюз, джаргъа джууукъ барма, меннге джюк боллукъса», - дегенди эшек.
- Ойнаб айтсанг да, эслеб айт.
- Терслик кетер, тюзлюк джетер.
- Къайгъыны сюйген, къайгъы табар.
- Уруну арты – къуру.
- Ашаса, ашамаса да, бёрюню ауузу – къан.
- Акъыллы эркиши атын махтар, акъылсыз эркиши къатынын махтар.
- Къарнынг бла ёч алма.
- Къыйынлы джети элге оноу этер.
- Илму – джашауну джолу.
- Ишни ахырын ойламай, аллын башлама.
- Ашхы адам – халкъ байлыгъы, ашхы джер – джашау байлыгъы.
- Кёб къычыргъандан – къоркъма, тынч олтургъандан – къоркъ.
- Чомарт бергенин айтмаз.
- Аурууну келиую тынч, кетиую – къыйын.
- Эркишини аманы тиширыуну джылатыр.
- Кёзюнде тереги болгъан, чёбю болгъаннга кюле эди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къарт бла баш аша, джаш бла аякъ аша.
- Сууда джау джокъ, кёб сёзде магъана джокъ.
- Ашына кёре табагъы, балына кёре къалагъы.
- Келгинчи, къонакъ уялыр, келгенден сора, къонакъбай уялыр.
- Адам сёзге тынгыла, акъыл сёзню ангыла.
- Къонакъ кёб келюучю юйню, къазаны отдан тюшмез.
- Хар ишни да аллы къыйынды.
- Ауурну тюбю бла, дженгилни башы бла джюрюген.
- Аманны эки битли тону болур, бирин сеннге кийдирир, бирин кеси киер.
- Айырылмаз джууугъунга, унутмаз сёзню айтма.
- Алим болгъандан эсе, адам болгъан къыйынды.
- Аман адам элни бир-бирине джау этер.
- Кёлсюзден сёзсюз тууар.
- Аш берме да, къаш бер.
- Керти сёзге тёре джокъ.
Вниманию родителей! Детский просвет.
01.12.2011 21:52:16
|
|
|
|
01.12.2011 21:53:41
|
|
|
|
01.12.2011 21:55:06
|
|
|
|
01.12.2011 22:00:44
Одни самураи и мальчики практически
Добавим немного "девчачьего" |
|
|
|
01.12.2011 22:04:12
|
|
|
|
01.12.2011 22:06:07
|
|
|
|
01.12.2011 22:08:29
|
|
|
|
01.12.2011 22:14:49
))до следующих встреч
|
|
|
|
01.12.2011 23:01:13
Amina K, сау бол!
Так подросли эльбазаврики... |
||||
|
|
|||
Читают тему (гостей: 1)