- Джарлы джети элни сёзюн этер.
- Джигер – джаннга къыйынлыкъ.
- Ашына кёре табагъы, балына кёре къалагъы.
- Таукел тауну аудурур.
- Байлыкъ келсе, акъыл кетер.
- Чакъырылмай келген къонакъ сыйланмай кетер.
- Биреуню тёрюнден, кесинги эшик артынг игиди.
- Ётюрюкчюню шагъаты – къатында.
- Кирсизни – саны таза, халалны – къаны таза.
- Узун джолну барсанг, бюгюн келирсе, къысха джолну барсанг, тамбла келирсе.
- Бал ашаргъа сюе эсенг, чибин ургъаннга тёз.
- Аман хансны – урлугъу кёб.
- Аманны эки битли тону болур, бирин сеннге кийдирир, бирин кеси киер.
- Рысхы – насыбха къор.
- Татлы тилде – сёз ариу, чемер къолда – иш ариу.
- Адамны адамлыгъы къыйынлыкъда айгъакъланады.
- Намысы джокъну – дуниясы джокъ.
- Бети къызарыучу адамны, джюреги харам болмаз.
- Окъумагъан сокъурду, сокъур ташха абыныр!
- Къарыусузгъа кюлме, онгсузгъа тийме.
- Байлыкъдан саулукъ ашхыды.
- Ач, тоймам, дейди, тойгъан, ач болмам, дейди.
- Акъыллы башны – тили къысха.
- Зар адам ашынгы ашар, кесинги сатар.
- Ашыкъгъанны этеги бутуна чырмалыр.
- Билмезни кёзю кёрмез, этмезни къулагъы эшитмез.
- Джетген къыз джерли эшекни танымаз.
- Ач да бол, токъ да бол – намысынга бек бол.
- Къонакъны къачан кетерин сорма, къачан келлигин сор.
- Ариу сёз джыланны орнундан чыгъарыр.
- Къайгъыны сюйген, къайгъы табар.
- Адеб джокъда, намыс джокъ.
- Сормай – алма, чакъырылмай – барма.
- Къатын байлыкъны сюер, эр саулукъну сюер.
- Чомарт бергенин айтмаз.
- Чакъырылгъанны аты, чакъырылмагъанны багъасы болур.
- Юре билмеген ит, къонакъ келтирир.
- Сютден ауузу кюйген, суугъа юфгюре эди.
- Кёбге таш атма.
- Мураты болгъанны джюрек тебюую башхады.
- Телини эшигин, махтау джабар.
- Аурууну келиую тынч, кетиую – къыйын.
- Душманны тышы – акъ, ичи – къара.
- Ауругъанны сау билмез, ач къарынны токъ билмез.
- Ишин билген, аны сыйын чыгъарады.
- Ёлюр джаннга, ёкюл джокъ.
- Къарнынг тойгъунчу аша да, белинг талгъынчы ишле.
- Атынг аманнга чыкъгъандан эсе, джанынг тамагъынгдан чыкъсын.
- Тенгинг джокъ эсе – изле, бар эсе – сакъла!
- Уллу сёзде уят джокъ.
Футбол. 19.11.2011 Эльбрусоид-Байкал
Читают тему (гостей: 1)