- Хоншуну тауугъу къаз кёрюнюр, келини къыз кёрюнюр.
- Къумурсхала джыйылсала, пилни да джыгъадыла.
- Къан бла кирген, джан бла чыгъар.
- Чабар ат – джетген къыз.
- Джиби бир къат джетмей эди да, эки къат тарта эди.
- Джангызны оту джарыкъ джанмаз!
- Билим къая тешер.
- Терек ауса, отунчу – кёб.
- Таукел тауну аудурур.
- Аз айтсам, кёб ангылагъыз.
- Ариу сёз – къылычдан джити.
- Мал тутхан – май джалар.
- Къазанны башы ачыкъ болса, итге уят керекди.
- Рысхысына кёре, джаш ёсер, къышлыгъына кёре, мал ёсер.
- Юреннген ауруу къалмаз.
- Эм ашхы къайын ана мамукъ бла башынгы тешер.
- Айтхан сёзюне табылгъан.
- Джаш къарыу бла кючлю, къарт акъыл бла кючлю.
- Билгенни къолу къарны джандырыр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Окъугъан озар, окъумагъан тозар.
- Огъурлуну сёзю – суу, огъурсузну сёзю – уу.
- Къайгъы тюбю – тенгиз.
- Чомартны къолу берекет.
- Сибиртки да сыйлы болду, кюрек да кюнлю болду.
- Тёрде – темир таякълы, къаяда – чыпчыкъ аякълы.
- Джырчы ёлсе, джыры къалыр.
- Ач келгенни – тойдур, кеч келгенни – къондур.
- Булут кёкге джарашыу, уят бетге джарашыу.
- Ханы къызы буюгъа-буюгъа киштик болду.
- Аман адамны тепсинге олтуртсанг, къызынгы тилер.
- Таукел адам тау тешер.
- Ашатыргъа иш – ашхы, ишлетирге аш – ашхы.
- Айранны сюйген, ийнек тутар.
- Къызын тута билмеген, тул этер, джашын тута билмеген, къул этер.
- Юйюнг бла джау болгъандан эсе, элинг бла джау бол.
- Къарнынг къанлынга кийирир.
- Магъанасыз сёз – тауушсуз сыбызгъы.
- Кийим тукъум сордурур.
- Акъдан къара болмаз.
- Нёгерсизни джолу узун.
- Джетген къыз джерли эшекни танымаз.
- «Ма», - дегенни билмесенг, «бер», - дегенни билмезсе.
- Ёлюк кебинсиз къалмаз.
- Тас болгъан бычакъны сабы – алтын.
- Адам къаллай бир ишленмесе, аллай бир кесин уллу кёреди.
- Ауругъанны сау билмез, ач къарынны токъ билмез.
- Кюл тюбюндеги от кёрюнмейди.
- Кёб ант этген, кёб ётюрюк айтыр.
- Арба аугъандан сора, джол кёргюзтюучю кёб болур.