- Ишни ахырын ойламай, аллын башлама.
- Нарт сёз – тилни бети.
- Ачылгъан эт джабылыр, кёрген кёз унутмаз.
- Таш ата билмеген, башына урур.
- Эшекге миннген – биринчи айыб, андан джыгъылгъан – экинчи айыб.
- Тенгни тенглиги джашай барсанг билинир.
- Гугурук къычырмаса да, тангны атары къалмаз.
- Хантына кёре тузу, юйюне кёре къызы.
- Кийим тукъум сордурур.
- Кюн – узун, ёмюр – къысха.
- Эте билген, этген этеди, эте билмеген, юретген этеди!
- Ишлегенде эринме, ишде чолакъ кёрюнме.
- Ауузу бла къуш тута айланады.
- Ашаса, ашамаса да, бёрюню ауузу – къан.
- Ач къарынны, токъ билмез
- Къарт бла баш аша, джаш бла аякъ аша.
- Ауурну тюбю бла, дженгилни башы бла джюрюген.
- Къазанны башы ачыкъ болса, итге уят керекди.
- Зар адамны насыбы болмаз.
- Ёлген аслан – сау чычхан.
- Ёгюзню мюйюзюнден тутадыла, адамны сёзюнден тутадыла.
- Рысхы – сют юсюнде кёмюк кибикди.
- Бек анасы джыламаз.
- Эки къатын алгъан – эки ташны ортасына башын салгъан.
- Гитче джилтин уллу элни джандырыр.
- Минг тенг да азды, бир джау да кёбдю.
- Айтылгъан сёз ызына къайтмаз.
- Тёрени джагъы джокъ.
- Атлыны ашхысы, ат тизгининден билинир
- Асхат ашлыкъ сата, юйдегиси ачдан къата.
- Къартны сыйын кёрмеген, къартлыгъында сыйлы болмаз.
- Уллу атлама – абынырса, уллу къабма – къарылырса.
- Тили узунну, намысы – къысха.
- Бозанг болмагъан джерге, къалагъынгы сукъма.
- Таугъа чыгъаллыкъ эсенг, тюзде къалма.
- Термилгенинги табмазса, кюлгенинге тюберсе.
- Ёмюрлюк шохлукъну джел элтмез.
- Тюкюрюк баш джармаз, налат кёз чыгъармаз!
- Кёкдеги болмаса, джердегин кёрмейди.
- Телиге акъыл салгъандан эсе, ёлгеннге джан салырса.
- Ашда уялгъан – мухар, ишде уялгъан – хомух.
- Терек ауса, отунчу – кёб.
- Бир абыннган – минг сюрюнюр.
- Байны къызы баймакъ болса да, юйде къалмаз!
- Биреуге аманлыкъ этиб, кесинге игилик табмазса.
- Сютню башын джалагъан къутулур, тюбюн ичген тутулур.
- Игиге айтсанг – билир, аманнга айтсанг – кюлюр.
- Бал ашаргъа сюе эсенг, чибин ургъаннга тёз.
- Келлик заман – къартлыкъ келтирир, кетген заман – джашлыкъ ёлтюрюр.
- Джолунга кёре – джюрюшюнг, джагъанга кёре – юлюшюнг.
Электронные информационные технологии фирмы "Карачай"
|
KARAÇAY ELEKTRONİK BİLİŞİM TEKNOLOJİLERİ
http://www.karacay.com.tr/ играет истемей)) http://karacay.com.tr/katalog1/index.html http://karacay.com.tr/katalog2/index.html |
||||
|
|
|
|||
Читают тему (гостей: 1)