- Ауругъанны сау билмез, ач къарынны токъ билмез.
- Шайтан алдады, тюзлюк къаргъады.
- Суу кетер, таш къалыр.
- Сёз сёзню айтдырыр.
- Накъырданы арты керти болур.
- Къолунгдан къуймакъ ашатсанг да, атаны борчундан къутулмазса.
- Къошда джокъгъа – юлюш джокъ.
- Ойнай билмеген, уруб къачар.
- Къолу уллу – асыу, аягъы уллу – джарсыу.
- Акъыл къартда, джашда тюйюлдю – башдады.
- Окъумагъан сокъурду, сокъур ташха абыныр!
- Рысхысына кёре, джаш ёсер, къышлыгъына кёре, мал ёсер.
- Мал кёб болса, джууукъ кёб болур.
- Баланы адам этген анады.
- Кёрмегеннге кебек – танг, битмегеннге сакъал – танг.
- Джолунга кёре – джюрюшюнг, джагъанга кёре – юлюшюнг.
- Намыс болмагъан джерде, насыб болмаз.
- Ачыу алгъа келсе, акъыл артха къалады.
- Джаным-тиним – окъуу, билим.
- Тюзню ётмеги тюзде къалса да, тас болмаз.
- Хаухну атма, ёнгкючню сатма.
- Джарлы джети элни сёзюн этер.
- Ариу сёз джыланны орнундан чыгъарыр.
- Кесинге джетмегенни, кёб сёлешме.
- Кёпюр салгъан кеси ётер, уру къазгъан кеси кетер.
- Ана – юйню кюн джарыгъы.
- Джырчы джырчыгъа – къарнаш.
- Джюрекге ариу – кёзге да ариу.
- Кесине оноу эте билмеген, халкъына да эте билмез.
- Байлыкъдан саулукъ ашхыды.
- Келинни – келгинчи, бёркню кийгинчи кёр.
- Кёб къычыргъандан – къоркъма, тынч олтургъандан – къоркъ.
- Кёлю джокъну – джолу джокъ.
- Татлы тилде – сёз ариу, чемер къолда – иш ариу.
- Сибиртки да сыйлы болду, кюрек да кюнлю болду.
- Гырджын – тепсини тамадасы.
- Экеулен сёлеше тура эселе, орталарына барыб кирме.
- Уллу суу бла уллу ауруудан башынгы сакъла.
- Ёлмесенг да, къарт дамы болмазса?
- Кирсизни – саны таза, халалны – къаны таза.
- Магъанасыз сёз – тауушсуз сыбызгъы.
- Хар ишни да аллы къыйынды.
- Ач къарным, тынч къулагъым.
- Тенгинг джокъ эсе – изле, бар эсе – сакъла!
- Къызбайны юйюне дери сюрсенг, батыр болур.
- Чабакъсыз кёлге къармакъ салгъанлыкъгъа, чабакъ тутмазса.
- Этим кетсе да, сюегим къалыр.
- Чабар ат – джетген къыз.
- Кеси юйюмде мен да ханма.
- Тёзгеннге, джабылгъан эшик ачылыр.
Электронные информационные технологии фирмы "Карачай"
|
KARAÇAY ELEKTRONİK BİLİŞİM TEKNOLOJİLERİ
http://www.karacay.com.tr/ играет истемей)) http://karacay.com.tr/katalog1/index.html http://karacay.com.tr/katalog2/index.html |
||||
|
|
|
|||
Читают тему (гостей: 1)