- Аман хансны – урлугъу кёб.
- Айныгъанлы алты кюн, тогъайгъанлы тогъуз кюн.
- Сакъ юйюне сау барыр.
- Айранын берсенг, челегин да къызгъанма.
- Билмейме деген – бир сёз
- Ёмюрлюк шохлукъну джел элтмез.
- Чакъырылмай келген къонакъ сыйланмай кетер.
- Хар ишни да аллы къыйынды.
- Джиби бир къат джетмей эди да, эки къат тарта эди.
- Сабийликде юретмесенг, уллу болса – тюзелмез.
- Къонакъ аз олтурур, кёб сынар.
- Эл элде бирер малынг болгъандан эсе, бирер тенгинг болсун.
- Арбаз къынгырды да, ийнек сауалмайма.
- Адам сёзге тынгыла, акъыл сёзню ангыла.
- Ишленмеген джаш – джюгенсиз ат, ишленмеген къыз – тузсуз хант.
- Тенгинг джокъ эсе – изле, бар эсе – сакъла!
- Акъыллы башны – тили къысха.
- Бичгенде ашыкъма, тикгенде ашыкъ.
- Къызгъанчдан ычхыныр, мухардан ычхынмаз.
- Суу да къайтады чыкъгъан джерине.
- Таула не мийик болсала да, аууш табылыр.
- Чыбыкълыкъда бюгюлмеген, къазыкълыкъда бюгюлмей эди.
- Накъырданы арты керти болур.
- Ата Джуртуму башы болмасам да, босагъасында ташы болайым.
- Тенги кёбню джау алмаз, акъылы кёбню дау алмаз.
- Насыблы элин сюер, насыбсыз кесин сюер.
- Болджал ишни бёрю ашар.
- Иесиз малны бёрю ашар.
- Къарыусузгъа кюлме, онгсузгъа тийме.
- Къая джолда джортма, ачыкъ сёзден къоркъма.
- Къазанчы аман болса, къазаны къайнамаз.
- Адам къаллай бир ишленмесе, аллай бир кесин уллу кёреди.
- Къарт болгъан джерде, берекет болур, сабий болгъан джерде, оюн болур.
- Ёлюр джаннга, ёкюл джокъ.
- Къошда джокъгъа – юлюш джокъ.
- Окъуу – билимни ачхычы, окъуу – дунияны бачхычы.
- Башсыз урчукъ тюзюне айланмаз.
- Билген билмегенни юретген адетди.
- Билими азны – ауузунда кирит.
- Чакъырылгъанны аты, чакъырылмагъанны багъасы болур.
- Телини эшигин, махтау джабар.
- Итли къонакъ джарашмаз.
- Къозулугъунда тоймагъан, къойлугъунда тоймаз.
- Орну джокъну – сыйы джокъ.
- Ёзденликни кёбю ётюрюк.
- Дуния малгъа сатылма, кесингден телиге къатылма.
- Кеси юйюмде мен да ханма.
- Ач уят къоймаз.
- Джылар джаш, атасыны сакъалы бла ойнар.
- Кесине оноу эте билмеген, халкъына да эте билмез.
Электронные информационные технологии фирмы "Карачай"
03.11.2011 13:25:25
KARAÇAY ELEKTRONİK BİLİŞİM TEKNOLOJİLERİ
http://www.karacay.com.tr/ играет истемей)) http://karacay.com.tr/katalog1/index.html http://karacay.com.tr/katalog2/index.html |
||||
|
|
|||
Читают тему (гостей: 1)