- Бастасын ашагъан, хантусун да ичер.
- Ёпкелегенни ашы татлы болады.
- Къартны бурнун сюрт да, оноугъа тут.
- Ауругъаннга – кийик саулукъ, джетген къызгъа – чилле джаулукъ.
- Ариу сёз аурууунгу алыр.
- Джашны джигитлиги сорулур, къызны джигерлиги сорулур.
- Тынгылагъан тынгы бузар.
- Джырына кёре эжиую.
- Чомарт бергенин айтмаз.
- Босагъа таш юйге кирмей эди, тыбыр таш эшикге чыкъмай эди.
- Баргъанынга кёре болур келгенинг.
- Аз айтсам, кёб ангылагъыз.
- Татлы сёз – балдан татлы.
- Кюн – узун, ёмюр – къысха.
- Баланы адам этген анады.
- Экеу тутушса, биреу джыгъылыр.
- Харам къарнашдан, халал тенг ашхы.
- Тамчы таш тешер.
- Юреннген ауруу къалмаз.
- Башы ишлегенни, ауузу да ишлер.
- Атлыны кёрсе, джаяуну буту талыр.
- Къарнынг къанлынга кийирир.
- Аджал соруб келмез, келсе, къайтыб кетмез.
- Чакъырылмагъан къонакъ къачан кетерин сормаз.
- Азыгъы аз, алгъа къабар, аты аман, алгъа чабар.
- Таукел тауну аудурур.
- Джаханимни кёрмей, джандетге кёл салмазса.
- Байма, деб да, къууанма, джарлыма, деб да, джылама.
- Ариу сёз джыланны орнундан чыгъарыр.
- Ашхы болсанг, атынг чыгъар, аман болсанг, джанынг чыгъар.
- Ётюрюкчюню шагъаты – къатында.
- Бетинги сатма, малынгы сат.
- Окъугъан озар, окъумагъан тозар.
- Ачны эсинде – аш.
- Байлыкъ тауусулур, билим тауусулмаз.
- Тюзню ётмеги тюзде къалса да, тас болмаз.
- Иги сеники эсе да, сюйген кесимикин этеме.
- Ишлегенде эринме, ишде чолакъ кёрюнме.
- Миллетни бойну – базыкъ, аны бла кюрешген – джазыкъ.
- Джыйырма къойну юч джыйырма эбзе кюте эди.
- Къонагъы джокъну – шоху джокъ.
- Билим ат болуб да чабар, къуш болуб да учар.
- Ашыкъгъанны этеги бутуна чырмалыр.
- Эм ашхы къайын ана мамукъ бла башынгы тешер.
- Ёлмесенг да, къарт дамы болмазса?
- Аманнга алтын чыдамаз.
- Аман хансны – урлугъу кёб.
- Эркишини аманы тиширыуну джылатыр.
- Шекер бла туз – бир болмаз, ушамагъан – юй болмаз.
- Ач къарынны, токъ билмез