- Айран тёгюлсе, джугъусу къалыр.
- Керилген да, ургъан кибикди.
- Ашыкъгъан cуу, тенгизге джетмез.
- Аманнга алтын чыдамаз.
- Мал кёб болса, джууукъ кёб болур.
- Къаллай салам берсенг, аллай джууаб алырса.
- Ишлегенден, къарагъан уста.
- Ханы къызы буюгъа-буюгъа киштик болду.
- Къатын байлыкъны сюер, эр саулукъну сюер.
- Иги сеники эсе да, сюйген кесимикин этеме.
- Адамны джюреги нени кёрюрге сюйсе, кёзю да аны кёрюрге ёч болады.
- Аууз сакълагъан – джан сакълар.
- Къартны бурнун сюрт да, оноугъа тут.
- Тиширыусуз юй – отсуз от джагъа.
- Акъдан къара болмаз.
- Къыз чыгъаргъан – къызыл къымжа.
- Ургъан суудан башынгы сакъла.
- Ана кёлю – балада, бала кёлю – талада.
- Къонакъ хазыр болгъанлыкъгъа, къонакъбай хазыр тюлдю.
- Чыбыкълыкъда бюгюлмеген, къазыкълыкъда бюгюлмей эди.
- Кёпюр салгъан кеси ётер, уру къазгъан кеси кетер.
- Тойгъанлыкъ къойгъа джарашады.
- Джумушакъ сёз къаты таякъны сындырыр.
- Тилде сюек болмаса да, сюек сындырыр.
- Сёз къанатсыз учар.
- Сибиртки да сыйлы болду, кюрек да кюнлю болду.
- Рысхысына кёре, джаш ёсер, къышлыгъына кёре, мал ёсер.
- Уруну арты – къуру.
- Мураты болгъанны джюрек тебюую башхады.
- Билмейме деген – бир сёз
- Эрни эр этерик да, къара джер этерик да, тиширыуду.
- Ашыкъгъанны этеги бутуна чырмалыр.
- Биреуню къыйынлыгъы бла кесинге джол ишлеме.
- «Ёгюз, джаргъа джууукъ барма, меннге джюк боллукъса», - дегенди эшек.
- Аллахдан тилесенг, кёб тиле.
- Къанны къан бла джуума, аманны аман бла къуума.
- Адам боллукъ, атламындан белгили болур.
- Къыз тиширыу кеси юйюнде да къонакъды.
- Аманнга да, игиге да оноусуз къатышма.
- Къарын къуру болса, джюрек уру болур.
- Адам сёзге тынгыла, акъыл сёзню ангыла.
- Окъугъан – асыу, окъумагъан – джарсыу.
- Кютгени беш эчки, сызгъыргъаны уа, джерни джарады.
- Хата – гитчеден.
- Ичимден чыкъды хата, къайры барайым сата?
- Ауурну тюбю бла, дженгилни башы бла джюрюген.
- Ёксюзню тилеги къабыл болур.
- Джолда аягъынга сакъ бол, ушакъда тилинге сакъ бол.
- Башланнган иш битер, къымылдагъан тиш тюшер.
- Чабар ат – джетген къыз.
