- Ауругъан – джашаудан умутчу.
- Босагъа таш юйге кирмей эди, тыбыр таш эшикге чыкъмай эди.
- Нарт сёз къарт болмаз.
- Сыфатында болмагъаны, суратында болмаз.
- Ётген ёмюр – акъгъан суу.
- Гырджын – тепсини тамадасы.
- Баш болса, бёрк табылыр.
- Элге къуллукъ этмеген, элге ие болмаз.
- Малны кют, джерни тюрт.
- Тас болгъан бычакъны сабы – алтын.
- Босагъагъа джууукъ орун болса, ашыгъыб тёрге озма.
- Джырына кёре эжиую.
- Чабар ат – джетген къыз.
- Аш кетер да бет къалыр.
- Тиширыусуз юй – отсуз от джагъа.
- Джан саулукъ бермей, сан саулукъ бермезсе.
- Ана – юйню кюн джарыгъы.
- Джетген къыз джерли эшекни танымаз.
- Намыс болмагъан джерде, насыб болмаз.
- Керилген да, ургъан кибикди.
- Накъырданы арты керти болур.
- Къатыны харакетли болса, эри къымсыз болур.
- Тёрде – темир таякълы, къаяда – чыпчыкъ аякълы.
- Ёлген ийнек сютлю болур.
- Ариу – кёзге, акъыл – джюрекге.
- Магъанасыз сёз – тауушсуз сыбызгъы.
- Аякъларынгы джууургъанынга кёре узат.
- Башы джабылгъан челекге, кир тюшмез.
- Билимден уллу байлыкъ джокъду.
- Хар ишни да аллы къыйынды.
- Эртде тургъан джылкъычыны эркек аты тай табар.
- Ашда – бёрю, ишде – ёлю.
- Атынг аманнга чыкъгъандан эсе, джанынг тамагъынгдан чыкъсын.
- Сёз – кюмюш, джыр – алтын.
- Шайтан алдады, тюзлюк къаргъады.
- Байны оноуу, джарлыгъа джарамаз.
- Къошда джокъгъа – юлюш джокъ.
- Эски джаугъа ышанма.
- Сабийни джумушха джибер да, ызындан бар.
- Кёл – къызбай, къол – батыр.
- Эртде тургъан бла эртде юйленнген сокъуранмаз.
- Тай асырагъан, атха минер.
- Намыс сатылыб алынмайды.
- Эринчекге кюн узун.
- Тюзлюк шохлукъну бегитир.
- Азыгъы аз, алгъа къабар, аты аман, алгъа чабар.
- Джашынгы кесинг юретмесенг, джашау юретир.
- Эли джокъну – кёлю джокъ.
- Кёбню кёрген – кёб билир.
- Эринчекни эр алмаз, эр алса да, кёл салмаз, кёл салса да, кёб бармаз!
Помогите продать или найти инвестора
Читают тему (гостей: 1)