- Къарнынг къанлынга кийирир.
- Элни кючю – эмеген.
- Оюмсуз атлагъан, аджалсыз ёлюр.
- Ышармагъан – кюлмез, кюлмеген – къууанчны билмез.
- Джол бла сёзню къыйыры джокъ.
- Тёзген – тёш ашар!
- Чакъырылмай келген къонакъ сыйланмай кетер.
- Кёзю сокъурдан – къоркъма, кёлю сокъурдан – къоркъ.
- Ач келгенни – тойдур, кеч келгенни – къондур.
- Ауузу бла къуш тута айланады.
- Къайгъы тюбю – тенгиз.
- Абынмазлыкъ аякъ джокъ, джангылмазлыкъ джаякъ джокъ.
- Ишлегенде эринме, ишде чолакъ кёрюнме.
- Джангыз терек къынгыр ёсер.
- Тилчи бир сагъатха айлыкъ хата этер.
- Ишленмеклик адамлыкъды.
- Тин – байлыгъынг, терен саулугъунг.
- Джылар джаш, атасыны сакъалы бла ойнар.
- Аманнга алтын чыдамаз.
- Тенгинг джокъ эсе – изле, бар эсе – сакъла!
- Башы джабылгъан челекге, кир тюшмез.
- Башда акъыл болмаса, эки аякъгъа кюч джетер.
- Эм ашхы къайын ана мамукъ бла башынгы тешер.
- Суугъа – чабакъ, къаягъа – ыргъакъ.
- Тюкюрюк баш джармаз, налат кёз чыгъармаз!
- Эки къатын алгъанны къулагъы тынгнгаймаз.
- Борчунг бар эсе, хурджунунга ойлаб узал.
- Соргъан айыб тюлдю, билмеген айыбды.
- Окъугъан озар, окъумагъан тозар.
- Кюн – узун, ёмюр – къысха.
- Аджал соруб келмез, келсе, къайтыб кетмез.
- Аман адамны тепсинге олтуртсанг, къызынгы тилер.
- Джеринден айырылгъан – джети джылар, джуртундан айырылгъан – ёлгюнчю джылар.
- Адебни адебсизден юрен.
- Къошда джокъгъа – юлюш джокъ.
- Ашхы болсанг, атынг чыгъар, аман болсанг, джанынг чыгъар.
- Эртде тургъан бла эртде юйленнген сокъуранмаз.
- Булут кёкге джарашыу, уят бетге джарашыу.
- Кёл – къызбай, къол – батыр.
- Кёл ашады да, кеси ашады.
- Ата джурт – алтын бешик.
- Ариу сёз джыланны орнундан чыгъарыр.
- Ашыкъгъан cуу, тенгизге джетмез.
- Джолунга кёре – джюрюшюнг, джагъанга кёре – юлюшюнг.
- Душманны тышы – акъ, ичи – къара.
- Уллу сёлешме да, уллу къаб.
- Минг тенг да азды, бир джау да кёбдю.
- Эри аманны, къатыны – аман.
- Чёбню кёлтюрсенг, тюбюнден сёз чыгъар.
- Сууда джау джокъ, кёб сёзде магъана джокъ.
Помогите продать или найти инвестора
Читают тему (гостей: 1)