- Чабакъ башындан чирийди.
- Эшекни не къадар тюйсенг да, ат болмаз.
- Ариу сёз аурууунгу алыр.
- Аман хансны – урлугъу кёб.
- Биреуню эскиси биреуге джангы болмайды.
- Къарны аманнга къазан такъдырма, къолу аманнга от джакъдырма.
- Аманны тукъумуна къарама, игини тукъумун сорма.
- Адамгъа аман кюн соруб келмейди.
- Джети тилни билген джети кишиди.
- Кютгени беш эчки, сызгъыргъаны уа, джерни джарады.
- Суу кетер, таш къалыр.
- Хар ишни да аллы къыйынды.
- Къанны къан бла джуума, аманны аман бла къуума.
- Окъумагъан сокъурду, сокъур ташха абыныр!
- Эри аманны, къатыны – аман.
- Шекер бла туз – бир болмаз, ушамагъан – юй болмаз.
- Эли джокъну – кёлю джокъ.
- Агъач халкъгъа алтынды, иссиликге салкъынды.
- Ач къарынны, токъ билмез
- Тёгюлген тюгел джыйылмайды.
- Аз сёлеш, кёб ишле.
- Эринчекге кюн узун.
- Тойгъан джерге джети къайт.
- Тин – байлыгъынг, терен саулугъунг.
- Ариу сёз джыланны орнундан чыгъарыр.
- Тынгылагъан тынгы бузар.
- Акъылсызны джууукъгъа алма, акъыллыны кенгнге салма.
- Аман эсирсе, юйюн ояр.
- Оюмсуз атлагъан, аджалсыз ёлюр.
- Алим болгъандан эсе, адам болгъан къыйынды.
- Эл тойса, тоймагъан, эл къойса, къоймагъан.
- Айран тёгюлсе, джугъусу къалыр.
- Ойнай-ойнай кёз чыгъар.
- Адам туугъан джеринде, ит тойгъан джеринде.
- Таякъ этден ётер, тил сюекден ётер.
- Соргъан айыб тюлдю, билмеген айыбды.
- Баргъанынга кёре болур келгенинг.
- Босагъа таш юйге кирмей эди, тыбыр таш эшикге чыкъмай эди.
- Суугъа – чабакъ, къаягъа – ыргъакъ.
- Сормай – алма, чакъырылмай – барма.
- Джашынгы кесинг юретмесенг, джашау юретир.
- Кёл ашады да, кеси ашады.
- Атлыны ашхысы, ат тизгининден билинир
- Эшекге миннген – биринчи айыб, андан джыгъылгъан – экинчи айыб.
- Ёмюрлюк шохлукъну джел элтмез.
- Сибиртки да сыйлы болду, кюрек да кюнлю болду.
- Акъыл неден да кючлюдю.
- Ёгюзню мюйюзлери ауурлукъ этмейдиле.
- Джогъун бар этген, барын бал этген.
- Нёгерсизни джолу узун.
