- Аууздан келген, къолдан келсе, ким да патчах болур эди.
- Кюн кёрмеген, кюн кёрсе, кюндюз чыракъ джандырыр.
- Кёзю сокъурдан – къоркъма, кёлю сокъурдан – къоркъ.
- Ат да турмайды бир териде.
- Aдам боллукъ, сыфатындан белгили.
- Акъыл аздырмаз, билим тоздурмаз.
- Биреуню къыйынлыгъы бла кесинге джол ишлеме.
- Айтханы чапыракъдан ётмеген.
- Аман эсирсе, юйюн ояр.
- Джыгъылгъанны сырты джерден тоймаз.
- Тюзлюк тас болмайды.
- Джетген къыз джерли эшекни танымаз.
- Ашлыкъны арба юйге келтирир, чана базаргъа элтир.
- Тамчы таш тешер.
- Окъугъан – асыу, окъумагъан – джарсыу.
- Мал тутхан – май джалар.
- Акъыл сабырлыкъ берир.
- Халкъгъа джарагъан, джарлы къалмаз.
- Эл бла кёргенинг эрелей.
- Ёлюр джаннга, ёкюл джокъ.
- Джангыз торгъай джырламаз.
- Ашлыкъ – бюртюкден, джюн – тюкден.
- Билгенни къолу къарны джандырыр.
- Къая джолда джортма, ачыкъ сёзден къоркъма.
- Эринчекни эр алмаз, эр алса да, кёл салмаз, кёл салса да, кёб бармаз!
- Къыйынлы джети элге оноу этер.
- Босагъа таш юйге кирмей эди, тыбыр таш эшикге чыкъмай эди.
- Ёзденликни кёбю ётюрюк.
- Мен да «сен», дейме, сен да «кесим», дейсе.
- Джогъун бар этген, барын бал этген.
- Ачыу алгъа келсе, акъыл артха къалады.
- Адам къаллай бир ишленмесе, аллай бир кесин уллу кёреди.
- Суугъа – таянма, джаугъа – ийнанма.
- Хар адамгъа кеси миннген тау кибик.
- Алтыда кюлмеген, алтмышда кюлмез.
- Аджалсыз ёлюм болмаз.
- Эки къатын алгъанны къулагъы тынгнгаймаз.
- Мураты болгъанны джюрек тебюую башхады.
- Къарт болгъан джерде, берекет болур, сабий болгъан джерде, оюн болур.
- Мадар болса, къадар болур.
- Ёлген аслан – сау чычхан.
- Ач, тоймам, дейди, тойгъан, ач болмам, дейди.
- Ач – эснер, ат – кишнер.
- Тилчи бир сагъатха айлыкъ хата этер.
- Эр сокъур болсун, къатын тилсиз болсун.
- Башланнган иш битер, къымылдагъан тиш тюшер.
- Джырчы ёлсе, джыры къалыр.
- Шапа кёб болса, аш татымсыз болур.
- Адеби болмагъан къыз – тузсуз хант.
- Билмейме деген – бир сёз
