- Акъыл бла адеб эгизледиле.
- Ариуну – ауруу кёб.
- Намыс сатылыб алынмайды.
- Билгенни къолу къарны джандырыр.
- Баш – акъыл ючюн, акъылман – халкъ ючюн.
- Терек ауса, отунчу – кёб.
- Шекер бла туз – бир болмаз, ушамагъан – юй болмаз.
- Кёл ашады да, кеси ашады.
- Къарнынг бла ёч алма.
- Адам къаллай бир ишленмесе, аллай бир кесин уллу кёреди.
- Джолунга кёре – джюрюшюнг, джагъанга кёре – юлюшюнг.
- Ашхы болсанг, атынг чыгъар, аман болсанг, джанынг чыгъар.
- Аууз сакълагъан – джан сакълар.
- Биреуню эскиси биреуге джангы болмайды.
- Эл тойса, тоймагъан, эл къойса, къоймагъан.
- Рысхысына кёре, джаш ёсер, къышлыгъына кёре, мал ёсер.
- Бети къызарыучу адамны, джюреги харам болмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Алтыннга тот къонмаз.
- Аман къатын алгъан, арыр, иги къатын алгъан джарыр.
- Тилчи бир сагъатха айлыкъ хата этер.
- Эл ауузу – элия.
- Халкъны юйю – туугъан джери.
- Биреуге кёлтюрген таягъынг, кесинги башынга урур.
- Билим къая тешер.
- Къазанны башы ачыкъ болса, итге уят керекди.
- Адеби болмагъан къыз – тузсуз хант.
- Дуния аламаты сен эсенг да, игиме деб айтма.
- Тас болгъан бычакъны сабы – алтын.
- «Ма», - дегенни билмесенг, «бер», - дегенни билмезсе.
- Булут кёкге джарашыу, уят бетге джарашыу.
- Мухардан ач ычхынмаз.
- Этек чакъмакълары баш джаргъан, сёлешген сёзлери таш джаргъан.
- Таукел къуру къалмаз.
- Аджал соруб келмез, келсе, къайтыб кетмез.
- Ашхы сёз таш тешер.
- Хар ишни да аллы къыйынды.
- Тойчу джашха къарама, къойчу джашха къара.
- Сёз – кюмюш, джыр – алтын.
- Тамырсыз терекге таянма – джыгъылырса.
- Сёз сёзню айтдырыр.
- Ханы къызы буюгъа-буюгъа киштик болду.
- Хансыз джомакъ болмаз.
- Мураты болгъанны джюрек тебюую башхады.
- Джарашыу сюйген – джалынчакъ.
- Джашда акъыл джокъ, къартда къарыу джокъ.
- Ачыкъ джюрекге джол – ачыкъ.
- Ашхылыкъ джерде джатмайды, аманлыкъ суугъа батмайды.
- Бичгенде ашыкъма, тикгенде ашыкъ.
- Кесине оноу эте билмеген, халкъына да эте билмез.