- Тешик этген тынчды, аны джамагъан къыйынды.
- Ойнаб айтсанг да, эслеб айт.
- Ауузу аманнга «иги», деме.
- Элге къуллукъ этмеген, элге ие болмаз.
- Ишни аллы бла къууанма да, арты бла къууан.
- Къолу уллу – асыу, аягъы уллу – джарсыу.
- Юре билмеген ит, къонакъ келтирир.
- Тиширыусуз юй – отсуз от джагъа.
- Къыз келсе, джумуш эте келеди, къатын келсе, ушакъ эте келеди.
- Зар адам ашынгы ашар, кесинги сатар.
- Аман эсирсе, юйюн ояр.
- Къралынгы – душмандан, башынгы от бла суудан сакъла.
- Садакъачыны джаны – къапчыгъында.
- Ач, тоймам, дейди, тойгъан, ач болмам, дейди.
- Аджалсыз ёлюм болмаз.
- Кёб ант этген, кёб ётюрюк айтыр.
- Алим болгъандан эсе, адам болгъан къыйынды.
- Тик ёргени, тик энгишгеси да болады.
- Арпа, будай – ащды, алтын, кюмюш а – ташды.
- Сибиртки да сыйлы болду, кюрек да кюнлю болду.
- Таш бла ургъанны, аш бла ур.
- Ачлыкъда тары гырджын халыуадан татлы.
- Къарт бла баш аша, джаш бла аякъ аша.
- Абынмазлыкъ аякъ джокъ, джангылмазлыкъ джаякъ джокъ.
- Акъыл неден да кючлюдю.
- Мухар, кеси тойса да, кёзю тоймаз.
- Чомартны къолун джокълукъ байлар.
- Айтхан – тынч, этген – къыйын.
- Уллу къашыкъ эрин джыртар.
- Адеб базарда сатылмаз.
- Ачны эсинде – аш.
- Бети бедерден, намыс сакълама.
- Этим кетсе да, сюегим къалыр.
- Билим ат болуб да чабар, къуш болуб да учар.
- Урама да – ёледи, сатама да – келеди.
- Джюз элде джюз ёгюзюм болгъандан эсе, джюз джууугъум болсун.
- Джырчы джырчыгъа – къарнаш.
- Башы ишлегенни, ауузу да ишлер.
- Ашыкъгъан cуу, тенгизге джетмез.
- Башынга джетмегенни сорма.
- Намысы джокъну – дуниясы джокъ.
- Байлыкъ болгъан джерде, тынчлыкъ джокъду.
- Оюмсуз атлагъан, аджалсыз ёлюр.
- Ким бла джюрюсенг, аны кёзю бла кёрюнюрсе.
- Адебни адебсизден юрен.
- Ёпкелегенни ашы татлы болады.
- Атлыны ашхысы, ат тизгининден билинир
- Намыс сатылыб алынмайды.
- Билим къая тешер.
- Айтылгъан сёз ызына къайтмаз.