- Аз сёлеш, кёб ишле.
- Башда акъыл болмаса, эки аякъгъа кюч джетер.
- Къонакъ аман болса, къонакъбай джунчур
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Гитче джилтин уллу элни джандырыр.
- Тил – кесген бычакъ, сёз – атылгъан окъ.
- Къартха ушагъан джаш – акъыллы, джашха ушагъан къарт – тели.
- Ат да турмайды бир териде.
- Билим – акъылны чырагъы.
- Борчунг бар эсе, хурджунунга ойлаб узал.
- Къарт айтханны этмеген, къартаймаз.
- Къонакъ кёб келюучю юйню, къазаны отдан тюшмез.
- Тилчиден кери бол.
- Билген билмегенни юретген адетди.
- Кюн – узун, ёмюр – къысха.
- Байлыкъ келсе, акъыл кетер.
- Къаллай салам берсенг, аллай джууаб алырса.
- Ургъан суудан башынгы сакъла.
- Иши джокъну, сыйы джокъ.
- Уллу атлама – абынырса, уллу къабма – къарылырса.
- Къазанчы аман болса, къазаны къайнамаз.
- Ат басханны джер билед.
- Узун джолну барсанг, бюгюн келирсе, къысха джолну барсанг, тамбла келирсе.
- Ашына кёре табагъы, балына кёре къалагъы.
- Эки къатын алгъанны къулагъы тынгнгаймаз.
- Рысхы – сют юсюнде кёмюк кибикди.
- Уллу сёлешме да, уллу къаб.
- Адам сёзге тынгыла, акъыл сёзню ангыла.
- Чалманны аллы къалай башланса, арты да алай барады.
- Суугъа – чабакъ, къаягъа – ыргъакъ.
- Къууут – джелге, берне – бошха.
- Киштикге къанат битсе, чыпчыкъ къалмаз эди.
- Эки ойлашыб, бир сёлешген.
- Тулпарлыкъ, билекден тюл – джюрекден.
- Ёзденликни джайгъан – джокълукъ.
- Иги – алгъыш этер, аман – къаргъыш этер.
- Ачны эсинде – аш.
- Халкъны юйю – туугъан джери.
- Кёрмегеннге кебек – танг, битмегеннге сакъал – танг.
- Чомартны къолу берекет.
- Телиге от эт десенг, юйюнге от салыр.
- Къая джолда джортма, ачыкъ сёзден къоркъма.
- Ариуну – ауруу кёб.
- Алим болгъандан эсе, адам болгъан къыйынды.
- Тойгъан антын унутур.
- Урама да – ёледи, сатама да – келеди.
- Хантына кёре тузу, юйюне кёре къызы.
- Ойнай билмеген, оюн бузар.
- Аман адам элни бир-бирине джау этер.
- Аякъларынгы джууургъанынга кёре узат.
"Домбайское эхо" фильмов-лауреатов кинофестиваля "Золотой клык!"
Читают тему (гостей: 1)