- Татлы тилде – сёз ариу, чемер къолда – иш ариу.
- Малны кют, джерни тюрт.
- Аманны тукъумуна къарама, игини тукъумун сорма.
- Кёзю сокъурдан – къоркъма, кёлю сокъурдан – къоркъ.
- Игиге айтсанг – билир, аманнга айтсанг – кюлюр.
- Джыйырма къойну юч джыйырма эбзе кюте эди.
- Бюгюн дуния кибик, тамбла ахыратды.
- Кёрмегеннге кебек – танг, битмегеннге сакъал – танг.
- Чомарт джарлы болмаз.
- Ач келгенни – тойдур, кеч келгенни – къондур.
- Шапа кёб болса, аш татымсыз болур.
- Къартны бурнун сюрт да, оноугъа тут.
- Джаз бир кюнню джатсанг, къыш талай кюнню абынырса.
- Адеб этмеген, адеб кёрмез.
- Чыбыкълыкъда бюгюлмеген, къазыкълыкъда бюгюлмей эди.
- Аман адам этегингден тутса, кес да къач.
- Тау башында, тау болмаз, джангыз терек, бау болмаз.
- Тил бла келеди джыр да.
- Тойгъан джерге джети къайт.
- Кечеси – аяз, кюню – къыш, джарлы къаргъагъа бир аш тюш!
- Байма, деб да, къууанма, джарлыма, деб да, джылама.
- Джюз элде джюз ёгюзюм болгъандан эсе, джюз джууугъум болсун.
- Уллу къазанда бишген эт, чий къалмаз.
- Къая джолда джортма, ачыкъ сёзден къоркъма.
- Таш бла ургъанны, аш бла ур.
- Тиширыусуз юй – отсуз от джагъа.
- Бек ашыкъгъан меннге джетсин, дегенди аракъы.
- Къоркъакъны кёзю экили кёрюр.
- Ана кёлю – балада, бала кёлю – талада.
- Эл элде бирер малынг болгъандан эсе, бирер тенгинг болсун.
- Билмейме деген – бир сёз
- Тюзлюк шохлукъну бегитир.
- Тенгинг джокъ эсе – изле, бар эсе – сакъла!
- Хунаны тюбюн къазсанг, юсюнге ауар.
- Къазанда болса, чолпугъа чыгъар.
- Джылкъыдан – ат чыгъар, тукъумдан – джаш чыгъар.
- Эркишини аманы тиширыуну джылатыр.
- Билеги кючлю, бирни джыгъар, билими кючлю, мингни джыгъар.
- Баргъанынга кёре болур келгенинг.
- Ач да бол, токъ да бол – намысынга бек бол.
- Иесиз малны бёрю ашар.
- Бир абыннган – минг сюрюнюр.
- Ётюрюкню къуйругъу – бир тутум.
- Джерни букъусу кёкге къонмаз.
- Кюн – узун, ёмюр – къысха.
- Джылар джаш, атасыны сакъалы бла ойнар.
- Кёбге таш атма.
- Эри аманны, къатыны – аман.
- Джашлыкъ этмеген, башлыкъ этмез.
- Аз айтсам, кёб ангылагъыз.
"Домбайское эхо" фильмов-лауреатов кинофестиваля "Золотой клык!"
Читают тему (гостей: 1)