- Бал – татлы, балдан да бала – татлы.
- Магъанасыз сёз – тауушсуз сыбызгъы.
- Аман хансны – урлугъу кёб.
- Акъыллы айтыр эди, акъылсыз къоймайды.
- Садакъачыны джаны – къапчыгъында.
- Джарлы джети элни сёзюн этер.
- Арыгъан къош чамчы болур.
- Таула не мийик болсала да, аууш табылыр.
- Ач келгенни – тойдур, кеч келгенни – къондур.
- Байлыкъдан саулукъ ашхыды.
- Билим – акъылны чырагъы.
- Тойгъа барсанг, тоюб бар, эски тонунгу къоюб бар.
- Тойгъан джерден туугъан джер игиди.
- Зар адам ашынгы ашар, кесинги сатар.
- Билгенни къолу къарны джандырыр.
- Тилчиден кери бол.
- Джигер – джаннга къыйынлыкъ.
- Кюн кёрмеген, кюн кёрсе, кюндюз чыракъ джандырыр.
- Гугук кесини атын айтыб къычыргъанча, мен, мен деб нек тураса?
- Аллахха ийнаннган кишини, Аллах онгдурур ишин.
- Къарын къуру болса, джюрек уру болур.
- Джюрек кёзден алгъа кёрюр.
- Джюз элде джюз ёгюзюм болгъандан эсе, джюз джууугъум болсун.
- Джылкъыдан – ат чыгъар, тукъумдан – джаш чыгъар.
- Окъугъан озар, окъумагъан тозар.
- Алгъанда – джууукъ, бергенде – джау.
- Халкъгъа джарагъан, джарлы къалмаз.
- Дженгил джетерикме деб, узун джолну къоюб, къысхасын барма.
- Иги сеники эсе да, сюйген кесимикин этеме.
- Юреннген ауруу къалмаз.
- Байлыкъ болгъан джерде, тынчлыкъ джокъду.
- Джюрекге ариу – кёзге да ариу.
- Къобан да къуру да къобханлай турмайды, адам да къуру да патчахлай турмайды.
- Биреуню тёрюнден, кесинги эшик артынг игиди.
- Къонакъ аман болса, къонакъбай джунчур
- Къызгъанчдан ычхыныр, мухардан ычхынмаз.
- Ата Джуртуму башы болмасам да, босагъасында ташы болайым.
- Аш хазыр болса, иш харам болур.
- Чарсда алчыны эл кёреди.
- Насыб бютеу халкъны юлюшюдю.
- Ата – билек, ана – джюрек!
- Чыбыкълыкъда бюгюлмеген, къазыкълыкъда бюгюлмей эди.
- Экеулен сёлеше тура эселе, орталарына барыб кирме.
- Аманны тукъумуна къарама, игини тукъумун сорма.
- Ауузу аманнга «иги», деме.
- Кёпюр салгъан кеси ётер, уру къазгъан кеси кетер.
- Тешик этген тынчды, аны джамагъан къыйынды.
- Хазыр ашха – терен къашыкъ.
- Алма терегинден кери кетмез.
- Ач, тоймам, дейди, тойгъан, ач болмам, дейди.
Нужна помошь
Читают тему (гостей: 1)