- Ата – билек, ана – джюрек!
- Ашха уста, юйюнде болсун
- Чакъырылмай келген къонакъ сыйланмай кетер.
- Чабакъ башындан чирийди.
- Джаз бир кюнню джатсанг, къыш талай кюнню абынырса.
- Алим болгъандан эсе, адам болгъан къыйынды.
- Мал тутхан – май джалар.
- Юйюнг бла джау болгъандан эсе, элинг бла джау бол.
- Арпа, будай – ащды, алтын, кюмюш а – ташды.
- Джаным-тиним – окъуу, билим.
- Айныгъанлы алты кюн, тогъайгъанлы тогъуз кюн.
- Ариу сёз – джаннга азыкъ, аман сёз – башха къазыкъ.
- Юйлю уругъа ит чабмаз.
- Тешигини къатында, чычхан да батыр болур.
- Юйюнгден чыкъдынг – кюнюнгден чыкъдынг.
- Сабийни джумушха джибер да, ызындан бар.
- Юй кюйдю да, кюйюз чыкъды, ортасындан тюйюш чыкъды.
- Халкъгъа джарагъан, джарлы къалмаз.
- Байны къызы баймакъ болса да, юйде къалмаз!
- Сабийликде юретмесенг, уллу болса – тюзелмез.
- Окъ къызбайны джокълайды.
- Тойгъа алгъа да барма, тойда артха да къалма.
- Ётюрюк хапар аякъ тюбю бла джюрюйдю.
- Къартха ушагъан джаш – акъыллы, джашха ушагъан къарт – тели.
- Къаллай салам берсенг, аллай джууаб алырса.
- Юй ишлеген балта эшикде къалыр.
- Сабыр джетер муратха, сабырсыз къалыр уятха.
- Тёгюлген тюгел джыйылмайды.
- Кийимни бир кюнню аясанг, минг кюннге джарар.
- Илму – джашауну джолу.
- Суу кетер, таш къалыр.
- Эшекни не къадар тюйсенг да, ат болмаз.
- Адам къаллай бир ишленмесе, аллай бир кесин уллу кёреди.
- Кимни – тили, тиши онглу, кимни – къолу, иши онглу.
- Тил джюрекге джол ишлейди.
- Алтыда кюлмеген, алтмышда кюлмез.
- Таула не мийик болсала да, аууш табылыр.
- Юре билмеген ит, къонакъ келтирир.
- Ариу сёз – къылычдан джити.
- Эски джаугъа ышанма.
- «Ёгюз, джаргъа джууукъ барма, меннге джюк боллукъса», - дегенди эшек.
- Ойнай билмеген, оюн бузар.
- Эшекге миннген – биринчи айыб, андан джыгъылгъан – экинчи айыб.
- Къыз чыгъаргъан – къызыл къымжа.
- Къолу уллу – асыу, аягъы уллу – джарсыу.
- Ачлыкъда тары гырджын халыуадан татлы.
- Дуния аламаты сен эсенг да, игиме деб айтма.
- Халкъны джырын джырласанг, халкъ санга эжиу этер.
- Урунуу – насыбны анасы.
- Эл ауузу – элек, анга ийнаннган – халек.
Точка зрения с 8848 м. Встреча с Абдулхалимом Ольмезовым! Завтра! 1 июня!
06.06.2011 14:24:34
NAKA
] |
|
|
|
21.06.2011 13:48:30
МОЛОДЕЦ!!!!!!!!!!! УМНИЦА!!!!!! ГОРДОСТЬ ДЛЯ ВСЕГО БАЛКАРСКОГО И КАРАЧАЕВСКОГО НАРОДА И НЕ ТОЛЬКО................ АЛЛАХУ АКБАР
|
|
|
|
Читают тему (гостей: 1)