- Эр сокъур болсун, къатын тилсиз болсун.
- Адам къаллай бир ишленмесе, аллай бир кесин уллу кёреди.
- Ётген ёмюр – акъгъан суу.
- Кийим тукъум сордурур.
- Ёзденликни джайгъан – джокълукъ.
- Дуния мал дунияда къалады.
- Бойнуму джети джерден кессенг да, мен ол ишни этеллик тюлме.
- Айыбны суу бла джууалмазса.
- Узун джолну барсанг, бюгюн келирсе, къысха джолну барсанг, тамбла келирсе.
- Ариу сёз джыланны орнундан чыгъарыр.
- Игилик игилик бла сингдирилиучю затды.
- Ач келгенни – тойдур, кеч келгенни – къондур.
- Джарашыу сюйген – джалынчакъ.
- Ач, тоймам, дейди, тойгъан, ач болмам, дейди.
- Оюмсуз атлагъан, аджалсыз ёлюр.
- Ишлемеген – тишлемез.
- Биреу ашаб къутулур, биреу джалаб тутулур.
- Тешигини къатында, чычхан да батыр болур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Акъыл бла адеб эгизледиле.
- Къазанны башы ачыкъ болса, итге уят керекди.
- Адамны артындан къара сабан сюрме.
- Ауругъанны сау билмез, ач къарынны токъ билмез.
- Башы джабылгъан челекге, кир тюшмез.
- Эллинг бла джау болсанг да, юйюнг бла джау болма.
- Келгинчи, къонакъ уялыр, келгенден сора, къонакъбай уялыр.
- Биреуню эскиси биреуге джангы болмайды.
- Джюрекге ариу – кёзге да ариу.
- Айтылгъан сёз ызына къайтмаз.
- Тойгъанлыкъ къойгъа джарашады.
- Алтыда кюлмеген, алтмышда кюлмез.
- Акъылсызны джууукъгъа алма, акъыллыны кенгнге салма.
- Ётюрюкчюню шагъаты – къатында.
- Чомартха хар кюн да байрамды.
- Огъурлуну сёзю – суу, огъурсузну сёзю – уу.
- Байлыкъ болгъан джерде, тынчлыкъ джокъду.
- Мен да «сен», дейме, сен да «кесим», дейсе.
- Ойнай билмеген, оюн бузар.
- Къыйынлы джети элге оноу этер.
- Ауурну тюбю бла, дженгилни башы бла джюрюген.
- Уллу суу бла уллу ауруудан башынгы сакъла.
- Иги джашны ышаны – аз сёлешиб, кёб тынгылар.
- Кийимни бир кюнню аясанг, минг кюннге джарар.
- Кеси юйюмде мен да ханма.
- Аякъларынгы джууургъанынга кёре узат.
- Шапа кёб болса, аш татымсыз болур.
- Ёлюр джаннга, ёкюл джокъ.
- Джырчы ёлсе, джыры къалыр.
- Акъыллы айтыр эди, акъылсыз къоймайды.
- Сагъышы джокъ – джукъучу, акъылы джокъ – къаугъачы.
[ Закрыто ] Правила форума
Читают тему (гостей: 1)