- Айтылгъан сёз ызына къайтмаз.
- Бир онгсуз адам адет чыгъарды, деб эштирик тюлсе.
- Аш кетер да бет къалыр.
- Ачлыкъда тары гырджын халыуадан татлы.
- Къазанчы аман болса, къазаны къайнамаз.
- Ётюрюкню башын керти кесер.
- Этим кетсе да, сюегим къалыр.
- Джарлы джети элни сёзюн этер.
- Эте билген, этген этеди, эте билмеген, юретген этеди!
- Зарда марда джокъ.
- Биреуню эскиси биреуге джангы болмайды.
- Уллу суу бла уллу ауруудан башынгы сакъла.
- Келгинчи, къонакъ уялыр, келгенден сора, къонакъбай уялыр.
- Къарт айтханны этмеген, къартаймаз.
- Миллетни бойну – базыкъ, аны бла кюрешген – джазыкъ.
- Бозанг болмагъан джерге, къалагъынгы сукъма.
- Къууут – джелге, берне – бошха.
- Тик ёргени, тик энгишгеси да болады.
- Тил – кесген бычакъ, сёз – атылгъан окъ.
- Къонакъ аз олтурур, кёб сынар.
- Ауругъан – джашаудан умутчу.
- Джашлыкъ этмеген, башлыкъ этмез.
- Къобан да къуру да къобханлай турмайды, адам да къуру да патчахлай турмайды.
- Башы джабылгъан челекге, кир тюшмез.
- Ишленмеген джаш – джюгенсиз ат, ишленмеген къыз – тузсуз хант.
- Аман къатын алгъан, арыр, иги къатын алгъан джарыр.
- Акъыл сабырлыкъ берир.
- Дженгил джетерикме деб, узун джолну къоюб, къысхасын барма.
- Ханы къызы буюгъа-буюгъа киштик болду.
- Юреннген ауруу къалмаз.
- Адам къыйынлыгъын кёлтюрюр, зауукълугъун кёлтюрмез.
- Мухардан ач ычхынмаз.
- Тил – миллетни джаны.
- Таукел адам тау тешер.
- Таула не мийик болсала да, аууш табылыр.
- Таугъа чыгъаллыкъ эсенг, тюзде къалма.
- Этни да ашады, бетни да ашады.
- Ёзденликни кёбю ётюрюк.
- Ышармагъан – кюлмез, кюлмеген – къууанчны билмез.
- Аджашханны ызындагъы кёреди, джангылгъанны джанындагъы биледи.
- Ёксюзню къалачы уллу кёрюнюр.
- Бичгенде ашыкъма, тикгенде ашыкъ.
- Бёрю да ач къалмасын, эчки да ашалмасын.
- Чомарт къонакъ юй иесин сыйлар.
- Ата Джуртча джер болмаз, туугъан элча эл болмаз.
- Эри аманны, къатыны – аман.
- Джогъун бар этген, барын бал этген.
- Сибиртки да сыйлы болду, кюрек да кюнлю болду.
- Атынг аманнга чыкъгъандан эсе, джанынг тамагъынгдан чыкъсын.
- Ачны эсинде – аш.
[ Закрыто ] Правила форума
Читают тему (гостей: 1)