- Ичимден чыкъды хата, къайры барайым сата?
- Къонакъ аз олтурур, кёб сынар.
- Уруну арты – къуру.
- Рысхы – сют юсюнде кёмюк кибикди.
- Сакъалы текени да бар, мыйыгъы киштикни да бар.
- Урунуу – насыбны анасы.
- Игини сыйлагъан адетди.
- Тойгъан джерден туугъан джер игиди.
- Джукъу тёшек сайламайды.
- Ётген ёмюр – акъгъан суу.
- Билими азны – ауузунда кирит.
- Эшекни не къадар тюйсенг да, ат болмаз.
- Аманнга да, игиге да оноусуз къатышма.
- Хата – гитчеден.
- Къарны аманнга къазан такъдырма, къолу аманнга от джакъдырма.
- Байлыкъдан саулукъ ашхыды.
- Тюзлюк тас болмайды.
- Тешик этген тынчды, аны джамагъан къыйынды.
- Окъугъан – асыу, окъумагъан – джарсыу.
- Эл элде бирер малынг болгъандан эсе, бирер тенгинг болсун.
- Къызбайны юйюне дери сюрсенг, батыр болур.
- Гыдай эчки суугъа къараб, мюйюзле кёрмесе, джашма алкъын, дегенди.
- Ушамагъан – джукъмаз.
- Адам боллукъ, атламындан белгили болур.
- Къулакъдан эсе, кёзге ышан.
- Ашатыргъа иш – ашхы, ишлетирге аш – ашхы.
- Ат басханны джер билед.
- Баргъанынга кёре болур келгенинг.
- Ёмюрлюк шохлукъну джел элтмез.
- Шапа кёб болса, аш татымсыз болур.
- Бир онгсуз адам адет чыгъарды, деб эштирик тюлсе.
- Акъыллы эркиши атын махтар, акъылсыз эркиши къатынын махтар.
- Сютню башын джалагъан къутулур, тюбюн ичген тутулур.
- Аджал соруб келмез, келсе, къайтыб кетмез.
- Эри аманны, къатыны – аман.
- Тили узунну, намысы – къысха.
- Кенгеш болса, уруш болмаз.
- Кийимни бичсенг, кенг бич, тар этген къыйын тюлдю.
- Адебсиз адам – джюгенсиз ат.
- Ёпкелегенни ашы татлы болады.
- Таш ата билмеген, башына урур.
- Ата джурт – алтын бешик.
- Кимни – тили, тиши онглу, кимни – къолу, иши онглу.
- Аджаллыгъа окъсуз шкок атылыр.
- Уллу айтханны этмеген – уллаймаз.
- «Ма», - дегенни билмесенг, «бер», - дегенни билмезсе.
- Тилчи тилден къаныкъмаз.
- Къартны бурнун сюрт да, оноугъа тут.
- Байлыкъ болгъан джерде, тынчлыкъ джокъду.
- Дуния малгъа сатылма, кесингден телиге къатылма.
где
|
где скачать книгу Карачаевские пословицы и поговорки?
|
|
|
|
|
|
В библиотеке есть 2 книги:
Карачаево-балкарские пословицы и поговорки, М.Ч. Кудаев  Къарачай-Малкъар нарт сёзле  |
||||
|
|
|
|||
Читают тему (гостей: 1)