- Сёлеш деб шай берген, тохта деб, сом берген.
- Чоюнну башы ачыкъ болса, итге уят керекди.
- Берекет берсин деген джерде, берекет болур.
- Ата джурт – алтын бешик.
- Байны къызы баймакъ болса да, юйде къалмаз!
- Сабийни джумушха джибер да, ызындан бар.
- Абынмазлыкъ аякъ джокъ, джангылмазлыкъ джаякъ джокъ.
- Сангырау къулакъ эл бузар.
- Къызын тута билмеген, тул этер, джашын тута билмеген, къул этер.
- Ёлген аслан – сау чычхан.
- Азыкълы ат арымаз, къатыны аман джарымаз.
- Адамгъа аман кюн соруб келмейди.
- Джюрекге ариу – кёзге да ариу.
- Иги сёз – джаннга азыкъ, аман сёз башха – къазыкъ.
- Шайтан алдады, тюзлюк къаргъады.
- Сабий кёргенин унутмаз.
- Къобан да къуру да къобханлай турмайды, адам да къуру да патчахлай турмайды.
- Джырчы ёлсе, джыры къалыр.
- Керек ташны ауурлугъу джокъ.
- Намыс сатылыб алынмайды.
- Татлы тилде – сёз ариу, чемер къолда – иш ариу.
- Къонакъ аз олтурур, кёб сынар.
- Таугъа чыгъаллыкъ эсенг, тюзде къалма.
- Биреуге аманлыкъны тилеме да, кесинге ашхылыкъны тиле.
- Чёбню кёлтюрсенг, тюбюнден сёз чыгъар.
- Кёл – къызбай, къол – батыр.
- Тура эдим джата, къайдан чыкъды хата?
- Биреуню къыйынлыгъы бла кесинге джол ишлеме.
- Чыкълы кюнде чыкъмагъан, чыкъса къуру кирмеген.
- От этилмеген джерден тютюн чыкъмайды.
- Билимден уллу байлыкъ джокъду.
- Ишлерге уял да, ашаргъа табма.
- Аман къатын сабий табса, бий болур…
- Олтуруб кёрюнмей эди да, ёрге туруб кёрюне эди.
- Аманнга алтын чыдамаз.
- Этни да ашады, бетни да ашады.
- Гитче джилтин уллу элни джандырыр.
- Аллахха ийнаннган кишини, Аллах онгдурур ишин.
- Кёрмегеннге кебек – танг, битмегеннге сакъал – танг.
- Ашхы тенг джолгъа салыр, аман тенг джолдан тайдырыр.
- Хоншуну тауугъу къаз кёрюнюр, келини къыз кёрюнюр.
- Джарашыу сюйген – джалынчакъ.
- Кёб ант этген, кёб ётюрюк айтыр.
- Терек ауса, отунчу – кёб.
- Бал ашаргъа сюе эсенг, чибин ургъаннга тёз.
- Бал чибинни ургъаны – ачы, балы – татлы.
- Хазыр ашха – терен къашыкъ.
- Ач къарынны, токъ билмез
- Тойгъа барсанг, тоюб бар, эски тонунгу къоюб бар.
- Суу кетер, таш къалыр.
ищу песню
|
Газаев Алим аккорды есть у кого нибудь???
|
||||
|
|
|
|||
Читают тему (гостей: 1)