- Къазанчы аман болса, къазаны къайнамаз.
- Ата – билек, ана – джюрек!
- Биреуге кёлтюрген таягъынг, кесинги башынга урур.
- Акъыл сабырлыкъ берир.
- Билмегенинги, билгеннге сор.
- Ишлерге уял да, ашаргъа табма.
- Къууут – джелге, берне – бошха.
- Бети – къучакълар, джюреги – бычакълар.
- Миллетни бойну – базыкъ, аны бла кюрешген – джазыкъ.
- Керти сёзге тёре джокъ.
- Эки итни арасына сюек атма, эки адамны арасында сёз чыгъарма.
- Намысы джокъну – дуниясы джокъ.
- Ана кёлю – балада, бала кёлю – талада.
- Айырылмаз джууугъунга, унутмаз сёзню айтма.
- Чакъырылмагъан джерге барма, чакъырылгъан джерден къалма.
- Эм уллу байлыкъ – джан саулукъ.
- Хар сёзню орну барды.
- Кёбню кёрген – кёб билир.
- Биреу къой излей, биреу той излей.
- Джогъун бар этген, барын бал этген.
- Ашлыкъны арба юйге келтирир, чана базаргъа элтир.
- Сангырау къулакъ эл бузар.
- Гитче джилтин уллу элни джандырыр.
- Эр сокъур болсун, къатын тилсиз болсун.
- Ётюрюк хапар аякъ тюбю бла джюрюйдю.
- Ач келгенни – тойдур, кеч келгенни – къондур.
- Окъугъан – асыу, окъумагъан – джарсыу.
- Билим насыб берир, билим джолну керир.
- Телиге акъыл салгъандан эсе, ёлгеннге джан салырса.
- Окъумагъан сокъурду, сокъур ташха абыныр!
- Чакъырылмай келген къонакъ сыйланмай кетер.
- Джеринден айырылгъан – джети джылар, джуртундан айырылгъан – ёлгюнчю джылар.
- Иши джокъну, сыйы джокъ.
- Керилген да, ургъан кибикди.
- Байдан умут эте, джарлыдан ёгюз багъасы къорады.
- Тау башында, тау болмаз, джангыз терек, бау болмаз.
- Къарт айтханны этмеген, къартаймаз.
- Тойчу джашха къарама, къойчу джашха къара.
- Минг тенг да азды, бир джау да кёбдю.
- Джашынгы кесинг юретмесенг, джашау юретир.
- Чомарт къолда мал къалмаз.
- Джумушакъ терекни къурт ашар.
- Тамырсыз терекге таянма – джыгъылырса.
- Чыкълы кюнде чыкъмагъан, чыкъса къуру кирмеген.
- Ёлген эшек бёрюден къоркъмайды.
- Кёб ант этген, кёб ётюрюк айтыр.
- Тилчиден кери бол.
- Эте билген, этген этеди, эте билмеген, юретген этеди!
- Бетинги сатма, малынгы сат.
- Джолда аягъынга сакъ бол, ушакъда тилинге сакъ бол.
ищу песню
17.07.2011 18:58:49
Газаев Алим аккорды есть у кого нибудь???
|
||||
|
|
|||
Читают тему (гостей: 1)