- Орундукъ тюбюнде атылсам да, орта джиликме, де да айлан.
- Адеби болмагъан къыз – тузсуз хант.
- Бир онгсуз адам адет чыгъарды, деб эштирик тюлсе.
- Аллахдан тилесенг, кёб тиле.
- Ашыкъгъан cуу, тенгизге джетмез.
- Уллу сёлешме да, уллу къаб.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джыланны къуйругъундан басарынг келсе, аны башы болгъанын унутма.
- Ашхылыкъ джерде джатмайды, аманлыкъ суугъа батмайды.
- Киштикге къанат битсе, чыпчыкъ къалмаз эди.
- Къонакъ болсанг, ийнакъ бол.
- Айранын берсенг, челегин да къызгъанма.
- Сабийликде юретмесенг, уллу болса – тюзелмез.
- Ашатыргъа иш – ашхы, ишлетирге аш – ашхы.
- Ашхы тенг джолгъа салыр, аман тенг джолдан тайдырыр.
- Кёбге таш атма.
- Ёзденликни кёбю ётюрюк.
- Окъугъан озар, окъумагъан тозар.
- Къулакъдан эсе, кёзге ышан.
- Джылкъыдан – ат чыгъар, тукъумдан – джаш чыгъар.
- Босагъа таш юйге кирмей эди, тыбыр таш эшикге чыкъмай эди.
- Юреннген ауруу къалмаз.
- Кёб джашагъан – кёб билир.
- Чарсда алчыны эл кёреди.
- Адамны сыфатына къарама, сёзюне къара.
- Адамны бетине къарама, адетине къара.
- Джюрекге ариу – кёзге да ариу.
- Ётюрюк хапар аякъ тюбю бла джюрюйдю.
- Чакъырылмагъан къонакъ къачан кетерин сормаз.
- Ачылгъан эт джабылыр, кёрген кёз унутмаз.
- Джетген къыз джерли эшекни танымаз.
- Акъыллы – эл иеси, тели – эл баласы.
- Этни бети бла шорпасы.
- Хар адамгъа кеси миннген тау кибик.
- Экиндини кеч къылсанг, чабыб джетер ашхам.
- Терек ауса, отунчу – кёб.
- Миллетни бойну – базыкъ, аны бла кюрешген – джазыкъ.
- Таш бла ургъанны, аш бла ур.
- Къатыны харакетли болса, эри къымсыз болур.
- Эркишини аманы тиширыуну джылатыр.
- Юйлю уругъа ит чабмаз.
- Тойгъа барсанг, тоюб бар, эски тонунгу къоюб бар.
- Алма терегинден кери кетмез.
- Къызгъанчдан ычхыныр, мухардан ычхынмаз.
- Хар сёзню орну барды.
- Къолу уллу – асыу, аягъы уллу – джарсыу.
- Эшекге миннген – биринчи айыб, андан джыгъылгъан – экинчи айыб.
- Эртде тургъан джылкъычыны эркек аты тай табар.
- Байлыкъ болгъан джерде, тынчлыкъ джокъду.
- Башынга джетмегенни сорма.
