- Халкъгъа джарагъан, джарлы къалмаз.
- Къатыны харакетли болса, эри къымсыз болур.
- Къарт болгъан джерде, берекет болур, сабий болгъан джерде, оюн болур.
- Джашынгы кесинг юретмесенг, джашау юретир.
- Къатын байлыкъны сюер, эр саулукъну сюер.
- Джерни букъусу кёкге къонмаз.
- Ишин билген, аны сыйын чыгъарады.
- Ишни ахырын ойламай, аллын башлама.
- Тюзлюк тас болмайды.
- Къарын къуру болса, джюрек уру болур.
- Ашыкъгъанны этеги бутуна чырмалыр.
- Билим ат болуб да чабар, къуш болуб да учар.
- Тас болгъан бычакъны сабы – алтын.
- Арыгъан къош чамчы болур.
- Хансыз джомакъ болмаз.
- Сёз сёзню айтдырыр.
- Бет бетге къараса, бет да джерге къарар.
- Къонакъ аз олтурур, кёб сынар.
- Къобан да къуру да къобханлай турмайды, адам да къуру да патчахлай турмайды.
- Накъырданы арты керти болур.
- Терек ауса, отунчу – кёб.
- Малны кют, джерни тюрт.
- Акъылсызны джууукъгъа алма, акъыллыны кенгнге салма.
- Тура эдим джата, къайдан чыкъды хата?
- Ашхы сёз таш тешер.
- Джол бла сёзню къыйыры джокъ.
- Сибиртки да сыйлы болду, кюрек да кюнлю болду.
- Ауурну тюбю бла, дженгилни башы бла джюрюген.
- Тойну къарнашы – харс, джырны къарнашы – эжиу.
- Джарлы джети элни сёзюн этер.
- Чакъырылмагъан къонакъ тёрге атламаз.
- Тойгъан джерге джети къайт.
- Ойнай-ойнай кёз чыгъар.
- Ат да турмайды бир териде.
- Таукел адам тау тешер.
- Хантына кёре тузу, юйюне кёре къызы.
- Абынмазлыкъ аякъ джокъ, джангылмазлыкъ джаякъ джокъ.
- Джумушакъ терекни къурт ашар.
- Биреуге аманлыкъны тилеме да, кесинге ашхылыкъны тиле.
- Тешигини къатында, чычхан да батыр болур.
- Булут кёкге джарашыу, уят бетге джарашыу.
- Айранын берсенг, челегин да къызгъанма.
- Къонакъ кёб келюучю юйню, къазаны отдан тюшмез.
- Эки элинги тыйсанг, джети элде махталырса.
- Тил – миллетни джаны.
- Сютню башын джалагъан къутулур, тюбюн ичген тутулур.
- Адамны сабийин сюйген джюреги, бычакъча, джитиди.
- Акъыллы – эл иеси, тели – эл баласы.
- Иги сёз – джаннга азыкъ, аман сёз башха – къазыкъ.
- Тойгъандан сора, ашны сёкме.
