- Къыз чыгъаргъан – къызыл къымжа.
- Ашарыкъда сайлагъаннга – чий гырджын.
- Ётген ёмюр – акъгъан суу.
- Ёнгкюч къууана барыр, джылай келир.
- Кесине оноу эте билмеген, халкъына да эте билмез.
- Ишлегенден, къарагъан уста.
- Уллу сёзде уят джокъ.
- Кёзюнде тереги болгъан, чёбю болгъаннга кюле эди.
- Джумушакъ терекни къурт ашар.
- Байлыкъ адамны сокъур этер.
- Акъылсызны джууукъгъа алма, акъыллыны кенгнге салма.
- Ётюрюкден тюбю джокъ, кёлтюрюрге джиби джокъ.
- Хатерли къул болур.
- Эл тойса, тоймагъан, эл къойса, къоймагъан.
- Акъыллы башны – тили къысха.
- Харам къарнашдан, халал тенг ашхы.
- Арпа, будай – ащды, алтын, кюмюш а – ташды.
- Чомартха Тейри да борчлуду.
- Къарын къуру болса, джюрек уру болур.
- Ауузу аманнга «иги», деме.
- Эринчекни аурууу – кёб.
- Къатыны харакетли болса, эри къымсыз болур.
- Бек анасы джыламаз.
- Рысхы – сют юсюнде кёмюк кибикди.
- Азыкъ аз болса, эртде орун сал.
- Джаш къарыу бла кючлю, къарт акъыл бла кючлю.
- Эри аманны, къатыны – аман.
- Ач – эснер, ат – кишнер.
- Ишлегенде эринме, ишде чолакъ кёрюнме.
- Ёлген ийнек сютлю болур.
- Джети тилни билген джети кишиди.
- Кёл – къызбай, къол – батыр.
- Джаш болсун, къыз болсун, акъылы, саны тюз болсун.
- Джырына кёре эжиую.
- Джолунга кёре – джюрюшюнг, джагъанга кёре – юлюшюнг.
- Аш хазыр болса, иш харам болур.
- Джашда акъыл джокъ, къартда къарыу джокъ.
- Къарнынг бла ёч алма.
- Тёзген – тёш ашар!
- Тойгъанлыкъ къойгъа джарашады.
- Чёбню кёлтюрсенг, тюбюнден сёз чыгъар.
- Бастасын ашагъан, хантусун да ичер.
- Аманны эки битли тону болур, бирин сеннге кийдирир, бирин кеси киер.
- Сууда джау джокъ, кёб сёзде магъана джокъ.
- Эли джокъну – кёлю джокъ.
- Таукел тауну аудурур.
- Аманнга алтын чыдамаз.
- Насыблы элин сюер, насыбсыз кесин сюер.
- Акъыл бла адеб эгизледиле.
- Бети – къучакълар, джюреги – бычакълар.
