- Билген билмегенни юретген адетди.
- Иги сеники эсе да, сюйген кесимикин этеме.
- Ишлемеген – тишлемез.
- Босагъагъа джууукъ орун болса, ашыгъыб тёрге озма.
- Тюз сёз баргъан сууну тыяр.
- Аз айтсам, кёб ангылагъыз.
- Атлыны кёрсе, джаяуну буту талыр.
- «Ма», - дегенни билмесенг, «бер», - дегенни билмезсе.
- Бир абыннган – минг сюрюнюр.
- Ашхы адам – халкъ байлыгъы, ашхы джер – джашау байлыгъы.
- Сыфатында болмагъаны, суратында болмаз.
- Акъылсызны джууукъгъа алма, акъыллыны кенгнге салма.
- Иги сёз – джаннга азыкъ, аман сёз башха – къазыкъ.
- Таукел къуру къалмаз.
- Къонакъ аман болса, къонакъбай джунчур
- Ёпкелегенни ашы татлы болады.
- Урунуу – насыбны анасы.
- Таш бла ургъанны, аш бла ур.
- Харам къарнашдан, халал тенг ашхы.
- Ёгюзню мюйюзюнден тутадыла, адамны сёзюнден тутадыла.
- Билим ат болуб да чабар, къуш болуб да учар.
- Иесиз малны бёрю ашар.
- Кечеси – аяз, кюню – къыш, джарлы къаргъагъа бир аш тюш!
- Башсыз урчукъ тюзюне айланмаз.
- Сютню башын джалагъан къутулур, тюбюн ичген тутулур.
- Эринчекни эр алмаз, эр алса да, кёл салмаз, кёл салса да, кёб бармаз!
- Кюл тюбюндеги от кёрюнмейди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Оюмсуз атлагъан, аджалсыз ёлюр.
- Къарнынг бла ёч алма.
- Аш иеси бла татлыды.
- Тойчу джашха къарама, къойчу джашха къара.
- Сабийни джумушха джибер да, ызындан бар.
- Азыкъ аз болса, эртде орун сал.
- Ургъан суудан башынгы сакъла.
- Джерни букъусу кёкге къонмаз.
- Босагъа таш юйге кирмей эди, тыбыр таш эшикге чыкъмай эди.
- Чомартны къолу берекет.
- Кёзден кетген, кёлден да кетеди.
- Джеринден айырылгъан – джети джылар, джуртундан айырылгъан – ёлгюнчю джылар.
- Келгинчи, къонакъ уялыр, келгенден сора, къонакъбай уялыр.
- Сакъламагъан затынга джолукъсанг, не бек къууанаса, не бек ачыйса.
- Бек ашыкъгъан меннге джетсин, дегенди аракъы.
- Тау башында, тау болмаз, джангыз терек, бау болмаз.
- Чёбню кёлтюрсенг, тюбюнден сёз чыгъар.
- Биреуню тёрюнден, кесинги эшик артынг игиди.
- Уллу атлама – абынырса, уллу къабма – къарылырса.
- Ат да турмайды бир териде.
- Дженгил джетерикме деб, узун джолну къоюб, къысхасын барма.
- Билим – акъылны чырагъы.
давайте про песни на гитаре
Читают тему (гостей: 1)