- Ашына кёре табагъы, балына кёре къалагъы.
- Къаллай салам берсенг, аллай джууаб алырса.
- Ач бёрюге мекям джокъ.
- Ашаса, ашамаса да, бёрюню ауузу – къан.
- Окъдан джара эртде-кеч болса да бителир, сёз джара, ёмюрге къалыр.
- Зар адамны насыбы болмаз.
- Биреуню къыйынлыгъы бла кесинге джол ишлеме.
- Аш хазыр болса, иш харам болур.
- Къонакъ болсанг, ийнакъ бол.
- Тили узунну, намысы – къысха.
- Чакъырылмагъан къонакъ – орунсуз.
- Кесинг сынамагъан затны, адамгъа буюрма.
- Тилчи тилден къаныкъмаз.
- Кёл – къызбай, къол – батыр.
- Ашхы сёз таш тешер.
- Ишге юренсин къоллары, халкъ бла болсун джоллары.
- Адам туугъан джеринде, ит тойгъан джеринде.
- Бал – татлы, балдан да бала – татлы.
- Ишни ахырын ойламай, аллын башлама.
- Эркишини аманы тиширыуну джылатыр.
- Шекер бла туз – бир болмаз, ушамагъан – юй болмаз.
- Гугурук къычырмаса да, тангны атары къалмаз.
- Аманнга игилик этсенг, юйюнге сау бармазса.
- Биреу ашаб къутулур, биреу джалаб тутулур.
- Ёнгкюч къууана барыр, джылай келир.
- Аман эсирсе, юйюн ояр.
- Термилгенинги табмазса, кюлгенинге тюберсе.
- Бетинги сатма, малынгы сат.
- Ургъан суудан башынгы сакъла.
- Чомартны къолун джокълукъ байлар.
- Ашхылыкъ джерде джатмайды, аманлыкъ суугъа батмайды.
- Эринчекге кюн узун.
- Кеси юйюмде мен да ханма.
- Ашхы атаны – джашы ашхы, ашхы ананы – къызы ашхы.
- Билими азны – ауузунда кирит.
- Тойгъан джерге джети къайт.
- Байлыкъ келсе, акъыл кетер.
- Адам къыйынлыгъын кёлтюрюр, зауукълугъун кёлтюрмез.
- Къумурсхала джыйылсала, пилни да джыгъадыла.
- Джангыз терек къынгыр ёсер.
- Тилчи бир сагъатха айлыкъ хата этер.
- Уллу атлама – абынырса, уллу къабма – къарылырса.
- Кёлсюзден сёзсюз тууар.
- Ишлемеген – тишлемез.
- Элге къуллукъ этмеген, элге ие болмаз.
- Юй кюйдю да, кюйюз чыкъды, ортасындан тюйюш чыкъды.
- Эм уллу байлыкъ – джан саулукъ.
- Кюн кёрмеген, кюн кёрсе, кюндюз чыракъ джандырыр.
- Тёзгеннге, джабылгъан эшик ачылыр.
- Керти сёзге тёре джокъ.
ГАДАНИЕ ПО ЗВЕЗДАМ (вид большого многобожия)
Читают тему (гостей: 1)