- Ач бёрюге мекям джокъ.
- Къартны сыйын кёрмеген, къартлыгъында сыйлы болмаз.
- Ачыу алгъа келсе, акъыл артха къалады.
- Тыш элде солтан болгъандан эсе, кесинги элде олтан болгъан игиди!
- Элни кючю – эмеген.
- Аманны эки битли тону болур, бирин сеннге кийдирир, бирин кеси киер.
- Билим къая тешер.
- Аджаллыгъа окъсуз шкок атылыр.
- Бичгенде ашыкъма, тикгенде ашыкъ.
- Адамны джюреги нени кёрюрге сюйсе, кёзю да аны кёрюрге ёч болады.
- Чомарт къолда мал къалмаз.
- Бермеген къол, алмайды.
- Ашда – бёрю, ишде – ёлю.
- Уллу къазанда бишген эт, чий къалмаз.
- Акъыл аздырмаз, билим тоздурмаз.
- Окъумагъан сокъурду, сокъур ташха абыныр!
- Юй кюйдю да, кюйюз чыкъды, ортасындан тюйюш чыкъды.
- Аманнга алтын чыдамаз.
- Эллинг бла джау болсанг да, юйюнг бла джау болма.
- Эки элинги тыйсанг, джети элде махталырса.
- Рысхы – насыбха къор.
- Ат басханны джер билед.
- Ата Джуртун танымагъан, атасын да танымаз.
- Къыз тиширыу кеси юйюнде да къонакъды.
- Алгъанда – джууукъ, бергенде – джау.
- Аууз сакълагъан – джан сакълар.
- Арпа, будай – ащды, алтын, кюмюш а – ташды.
- Джаш къарыу бла кючлю, къарт акъыл бла кючлю.
- Окъуусуз билим – джокъ, билимсиз кюнюнг – джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Хаухну атма, ёнгкючню сатма.
- Эртде тургъан джылкъычыны эркек аты тай табар.
- Ойнай-ойнай кёз чыгъар.
- Элиб деген, элге болушур.
- Эртде тургъан бла эртде юйленнген сокъуранмаз.
- Тешигини къатында, чычхан да батыр болур.
- Ашхы – джыяр, аман – джояр.
- Тин – байлыгъынг, терен саулугъунг.
- Ышармагъан – кюлмез, кюлмеген – къууанчны билмез.
- Ашатыргъа иш – ашхы, ишлетирге аш – ашхы.
- Болджал ишни бёрю ашар.
- Ётюрюкню къуйругъу – бир тутум.
- Тилде сюек болмаса да, сюек сындырыр.
- Ёлюр джаннга, ёкюл джокъ.
- Чёбню кёлтюрсенг, тюбюнден сёз чыгъар.
- Тёзгеннге, джабылгъан эшик ачылыр.
- Мен да «сен», дейме, сен да «кесим», дейсе.
- Эли джокъну – кёлю джокъ.
- Джахил болса анасы, не билликди баласы?
- Тюз сёз баргъан сууну тыяр.
ГАДАНИЕ ПО ЗВЕЗДАМ (вид большого многобожия)
Читают тему (гостей: 1)