- Джауумдан сора, кюн кюйдюрюр, ётюрюкден сора, айыб кюйдюрюр.
- Аманны эки битли тону болур, бирин сеннге кийдирир, бирин кеси киер.
- Гыдай эчки суугъа къараб, мюйюзле кёрмесе, джашма алкъын, дегенди.
- Адам сёзюнден белгили.
- Кёзден кетген, кёлден да кетеди.
- Хар ишни да аллы къыйынды.
- Бет бетге къараса, бет да джерге къарар.
- Ариу джол аджал келтирмез.
- Ата джурт – алтын бешик.
- Кёпюр салгъан кеси ётер, уру къазгъан кеси кетер.
- Тас болгъан бычакъны сабы – алтын.
- Арбаз къынгырды да, ийнек сауалмайма.
- Кёлю джокъну – джолу джокъ.
- Джети тилни билген джети кишиди.
- Бети – къучакълар, джюреги – бычакълар.
- Тамырсыз терекге таянма – джыгъылырса.
- Экиндини кеч къылсанг, чабыб джетер ашхам.
- Ашда – бёрю, ишде – ёлю.
- Къызын тута билмеген, тул этер, джашын тута билмеген, къул этер.
- Джыйырма къойну юч джыйырма эбзе кюте эди.
- Магъанасыз сёз – тауушсуз сыбызгъы.
- Эл ауузу – элия.
- Келлик заман – къартлыкъ келтирир, кетген заман – джашлыкъ ёлтюрюр.
- Къолунгдан къуймакъ ашатсанг да, атаны борчундан къутулмазса.
- Ауузу аманнга «иги», деме.
- Джахил болса анасы, не билликди баласы?
- Аджал соруб келмез, келсе, къайтыб кетмез.
- Акъыл сабырлыкъ берир.
- Ач уят къоймаз.
- Бети бедерден, намыс сакълама.
- Тойгъа барсанг, тоюб бар, эски тонунгу къоюб бар.
- Рысхысына кёре, джаш ёсер, къышлыгъына кёре, мал ёсер.
- Байлыкъ адамны сокъур этер.
- Кёзю сокъурдан – къоркъма, кёлю сокъурдан – къоркъ.
- Байма, деб да, къууанма, джарлыма, деб да, джылама.
- Билими азны – ауузунда кирит.
- Джарлы эскисин джамаса, къууаныр.
- Ашхы сёз таш тешер.
- Атлыны ашхысы, ат тизгининден билинир
- Айыбны суу бла джууалмазса.
- Хатерли къул болур.
- Аурууну келиую тынч, кетиую – къыйын.
- Къазанны башы ачыкъ болса, итге уят керекди.
- Эркиши – от, тиширыу – суу.
- Иесиз малны бёрю ашар.
- Тили узунну, намысы – къысха.
- Уллу къазанда бишген эт, чий къалмаз.
- Аманны тукъумуна къарама, игини тукъумун сорма.
- Ата – баланы уясы.
- Ашлыкъны арба юйге келтирир, чана базаргъа элтир.
