- Айтылгъан буйрукъ, сёгюлмез
- Урунуу – насыбны анасы.
- Рысхы – сют юсюнде кёмюк кибикди.
- Ашыкъгъанны этеги бутуна чырмалыр.
- Кёкдеги болмаса, джердегин кёрмейди.
- Эл элде бирер малынг болгъандан эсе, бирер тенгинг болсун.
- Аджашхан тёгерек айланыр.
- Башланнган иш битер, къымылдагъан тиш тюшер.
- Биреу ашаб къутулур, биреу джалаб тутулур.
- Джырчы ёлсе, джыры къалыр.
- Сёз къанатсыз учар.
- Адебсиз адам – джюгенсиз ат.
- Накъырда – кертини келечиси.
- Адеб джокъда, намыс джокъ.
- Къралынгы – душмандан, башынгы от бла суудан сакъла.
- Илму – джашауну джолу.
- Хар сёзню орну барды.
- Сууда джау джокъ, кёб сёзде магъана джокъ.
- Алтыда кюлмеген, алтмышда кюлмез.
- Ауругъаннга – кийик саулукъ, джетген къызгъа – чилле джаулукъ.
- Ойнаб айтсанг да, эслеб айт.
- Эрине къаргъыш этген къатын, эрнин къабар.
- Башы джабылгъан челекге, кир тюшмез.
- Ач отунчуну ачыуу – бурнунда.
- Арба аугъандан сора, джол кёргюзтюучю кёб болур.
- Чомарт къолда мал къалмаз.
- Ачыкъ джюрекге джол – ачыкъ.
- Джыйырма къойну юч джыйырма эбзе кюте эди.
- Кёпюр салгъан кеси ётер, уру къазгъан кеси кетер.
- Ата джурт – алтын бешик.
- Къыз келсе, джумуш эте келеди, къатын келсе, ушакъ эте келеди.
- Сёлеш деб шай берген, тохта деб, сом берген.
- Аджал соруб келмез, келсе, къайтыб кетмез.
- Нарт сёз къарт болмаз.
- Бойнуму джети джерден кессенг да, мен ол ишни этеллик тюлме.
- Сабыр джетер муратха, сабырсыз къалыр уятха.
- Къонакъ болсанг, ийнакъ бол.
- Билеги кючлю, бирни джыгъар, билими кючлю, мингни джыгъар.
- Мураты болгъанны джюрек тебюую башхады.
- Айтхан сёзюне табылгъан.
- Уллу сёлешме да, уллу къаб.
- Тюзлюк шохлукъну бегитир.
- Къарны аманнга къазан такъдырма, къолу аманнга от джакъдырма.
- Къартны бурнун сюрт да, оноугъа тут.
- Къарнынг ауруса, ауузунгу тый
- Aдам боллукъ, сыфатындан белгили.
- Чакъырылмагъан джерге барма, чакъырылгъан джерден къалма.
- Джашынгы кесинг юретмесенг, джашау юретир.
- Элге къуллукъ этмеген, элге ие болмаз.
- Уясында не кёрсе, учханында аны этер.
