- Эркишини аманы тиширыуну джылатыр.
- Сабий кёргенин унутмаз.
- Эр сокъур болсун, къатын тилсиз болсун.
- Бал – татлы, балдан да бала – татлы.
- Биреуню тёрюнден, кесинги эшик артынг игиди.
- Сабий болмагъан джерде, мёлек болмаз.
- Уллу къашыкъ эрин джыртар.
- Туз, гырджын аша, тюзлюк бла джаша.
- Мал тутхан – май джалар.
- Дуния аламаты сен эсенг да, игиме деб айтма.
- Соргъан айыб тюлдю, билмеген айыбды.
- Тамчы таш тешер.
- Ойнай билмеген, уруб къачар.
- Гыдай эчки суугъа къараб, мюйюзле кёрмесе, джашма алкъын, дегенди.
- Къарнынг ауруса, ауузунгу тый
- Тамырсыз терекге таянма – джыгъылырса.
- Адамгъа аман кюн соруб келмейди.
- Ач бёрюге мекям джокъ.
- Кёрмегеннге кебек – танг, битмегеннге сакъал – танг.
- Къонакъ хазыр болгъанлыкъгъа, къонакъбай хазыр тюлдю.
- Ариуну – ауруу кёб.
- Тенги кёбню джау алмаз, акъылы кёбню дау алмаз.
- Уллу айтханны этмеген – уллаймаз.
- Халкъгъа джарагъан, джарлы къалмаз.
- Иги сеники эсе да, сюйген кесимикин этеме.
- Бозаны арты дауур болур.
- Аманнга да, игиге да оноусуз къатышма.
- Джахил болса анасы, не билликди баласы?
- Чомартны къолу берекет.
- Минг тенг да азды, бир джау да кёбдю.
- Халкъны юйю – туугъан джери.
- Адам сёзге тынгыла, акъыл сёзню ангыла.
- Ауругъанны сау билмез, ач къарынны токъ билмез.
- Ёксюзню тилеги къабыл болур.
- Чакъырылмагъан къонакъ тёрге атламаз.
- Бети – къучакълар, джюреги – бычакълар.
- Чомарт къонакъ юй иесин сыйлар.
- Чомартны къолун джокълукъ байлар.
- Бети бедерден, намыс сакълама.
- Уллу сёлешме да, уллу къаб.
- Аманнга игилик этсенг, юйюнге сау бармазса.
- Ётюрюкчюню шагъаты – къатында.
- Акъыллы айтыр эди, акъылсыз къоймайды.
- Рысхы джалгъанды: келген да этер, кетген да этер.
- Адамны аты башхача, акъылы да башхады.
- Бал ашаргъа сюе эсенг, чибин ургъаннга тёз.
- Атлыны ашхысы, ат тизгининден билинир
- Къумурсхала джыйылсала, пилни да джыгъадыла.
- Танг атмайма десе да, кюн къоярыкъ тюйюлдю.
- Ишленмеген джаш – джюгенсиз ат, ишленмеген къыз – тузсуз хант.
