- Байлыкъ болгъан джерде, тынчлыкъ джокъду.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эркишиге тары кебек танг кёрюнюр.
- «Ёгюз, джаргъа джууукъ барма, меннге джюк боллукъса», - дегенди эшек.
- Иши джокъну, сыйы джокъ.
- Къызгъанчдан ычхыныр, мухардан ычхынмаз.
- Ат да турмайды бир териде.
- Къонакъ хазыр болгъанлыкъгъа, къонакъбай хазыр тюлдю.
- Кийимни бир кюнню аясанг, минг кюннге джарар.
- Арпа, будай – ащды, алтын, кюмюш а – ташды.
- Аш кетер да бет къалыр.
- Кёб къычыргъандан – къоркъма, тынч олтургъандан – къоркъ.
- Экиндини кеч къылсанг, чабыб джетер ашхам.
- Окъугъан озар, окъумагъан тозар.
- Алтыда кюлмеген, алтмышда кюлмез.
- Эл ауузу – элек, анга ийнаннган – халек.
- Эллинг бла джау болсанг да, юйюнг бла джау болма.
- Тюзлюк тас болмайды.
- Аманнга да, игиге да оноусуз къатышма.
- Билимден уллу байлыкъ джокъду.
- Ашына кёре табагъы, балына кёре къалагъы.
- Адам къаллай бир ишленмесе, аллай бир кесин уллу кёреди.
- Билими азны – ауузунда кирит.
- Игиге айтсанг – билир, аманнга айтсанг – кюлюр.
- Эртде тургъан джылкъычыны эркек аты тай табар.
- Тёрдеги кюлсе, эшикдеги ышарыр.
- Хата – гитчеден.
- Ёнгкюч къууана барыр, джылай келир.
- Халкъгъа джарагъан, джарлы къалмаз.
- Сескекли кесин билдирир.
- Ач – эснер, ат – кишнер.
- Тау башында, тау болмаз, джангыз терек, бау болмаз.
- Ашатыргъа иш – ашхы, ишлетирге аш – ашхы.
- Ач уят къоймаз.
- Эли джокъну – кёлю джокъ.
- Бек ашыкъгъан меннге джетсин, дегенди аракъы.
- Ишни аллы бла къууанма да, арты бла къууан.
- Нафысынгы айтханын этме, намысынгы айтханын эт.
- Атадан ёксюз – бир ёксюз, анадан ёксюз – эки ёксюз.
- Хатерли къул болур.
- Къонакъ аз олтурур, кёб сынар.
- Адамны аты башхача, акъылы да башхады.
- Суу да къайтады чыкъгъан джерине.
- Кесине оноу эте билмеген, халкъына да эте билмез.
- Эл ауузу – элия.
- Эл тойса, тоймагъан, эл къойса, къоймагъан.
- Джюз элде джюз ёгюзюм болгъандан эсе, джюз джууугъум болсун.
- Ач, тоймам, дейди, тойгъан, ач болмам, дейди.
- Кийиминг бла танылма, адамлыкъ бла таныл.
- Чакъырылгъанны аты, чакъырылмагъанны багъасы болур.
[ Закрыто ] ЧТО ТАКОЕ МУДРОСТЬ И ЗАЧЕМ ОНА НУЖНА ЛЮДЯМ?
04.11.2011 00:40:00
Ребята,здесь речь идёт не о религиях и их понятиях о Боге,а о мудрости,которая никакого отношения к религиям не имеет.Ибо мудрость не от человеков создана,а для Человека.
|
|
|
|
04.11.2011 11:45:54
Надо обозначить более конкретные тематики.
Я подумаю |
||||
|
|
|||
Читают тему (гостей: 2)