- Билмегенинги, билгеннге сор.
- Эм уллу байлыкъ – джан саулукъ.
- Ашда уялгъан – мухар, ишде уялгъан – хомух.
- Ачылгъан эт джабылыр, кёрген кёз унутмаз.
- Этни да ашады, бетни да ашады.
- Мал кёб болса, джууукъ кёб болур.
- Экиндини кеч къылсанг, чабыб джетер ашхам.
- Минг тенг да азды, бир джау да кёбдю.
- Дуния мал дунияда къалады.
- Байлыкъ тауусулур, билим тауусулмаз.
- Ёнгкюч къууана барыр, джылай келир.
- Ким бла джюрюсенг, аны кёзю бла кёрюнюрсе.
- Таукел тауну аудурур.
- Ашхы сёз таш тешер.
- Ишленмеген джаш – джюгенсиз ат, ишленмеген къыз – тузсуз хант.
- Чакъырылмагъан къонакъ – орунсуз.
- Окъумагъан сокъурду, сокъур ташха абыныр!
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джаз бир кюнню джатсанг, къыш талай кюнню абынырса.
- Джюрекден джюрекге джол барды.
- Башы ишлегенни, ауузу да ишлер.
- Сёз къанатсыз учар.
- Уллу суу бла уллу ауруудан башынгы сакъла.
- Мухардан ач ычхынмаз.
- Сагъышы джокъ – джукъучу, акъылы джокъ – къаугъачы.
- Тили узунну, намысы – къысха.
- Кечеси – аяз, кюню – къыш, джарлы къаргъагъа бир аш тюш!
- Иги адамны бир сёзю эки болмаз.
- Халкъгъа джарагъан, джарлы къалмаз.
- «Ма», - дегенни билмесенг, «бер», - дегенни билмезсе.
- Аллахха ийнаннган кишини, Аллах онгдурур ишин.
- Адамны сабийин сюйген джюреги, бычакъча, джитиди.
- Айныгъанлы алты кюн, тогъайгъанлы тогъуз кюн.
- Алтыда кюлмеген, алтмышда кюлмез.
- Бир абыннган – минг сюрюнюр.
- Къозулугъунда тоймагъан, къойлугъунда тоймаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Джыгъылгъанны сырты джерден тоймаз.
- Кёб къычыргъандан – къоркъма, тынч олтургъандан – къоркъ.
- Эл ауузу – элек, анга ийнаннган – халек.
- Билим ат болуб да чабар, къуш болуб да учар.
- Болджал ишни бёрю ашар.
- Аджашхан тёгерек айланыр.
- Ётген ёмюр – акъгъан суу.
- Бёрю да ач къалмасын, эчки да ашалмасын.
- Кёбге таш атма.
- Къарт болгъан джерде, берекет болур, сабий болгъан джерде, оюн болур.
- Биреуге аманлыкъ этиб, кесинге игилик табмазса.
- Эр сокъур болсун, къатын тилсиз болсун.
- Ана – юйню кюн джарыгъы.
[ Закрыто ] ЧТО ТАКОЕ МУДРОСТЬ И ЗАЧЕМ ОНА НУЖНА ЛЮДЯМ?
04.11.2011 00:40:00
Ребята,здесь речь идёт не о религиях и их понятиях о Боге,а о мудрости,которая никакого отношения к религиям не имеет.Ибо мудрость не от человеков создана,а для Человека.
|
|
|
|
04.11.2011 11:45:54
Надо обозначить более конкретные тематики.
Я подумаю |
||||
|
|
|||
Читают тему (гостей: 1)